உங்கள் கேள்விகளை இங்கே பதிவு செய்யுங்கள்

From Blog.PKP.in

Monday, April 02, 2007

WWW-வின் தந்தை "டிம் லீ"யின் அடுத்த மூவ்


Father of HTML அல்லது Inventor of the World Wide Web என அழைக்கப்படுபவர் டிம் பெர்னெர்ஸ் லீ (Tim Berners-Lee).இணைய பக்கங்களை சொடுக்கி சொடுக்கி பக்கங்கள் பக்கங்களாக இன்று நாம் தாவ உதவும் வலையை நெய்யும் கலையை நமக்கு அளித்தவர் இவர்.லண்டனில் பிறந்து வளர்ந்த டிம் வழக்கம் போல அமெரிக்காவிற்க்கு சென்றுவிட்டார்.

www-வை உருவாக்கியதை ஏதோ மந்திரம் போல் சொல்கிறார் "I just had to take the hypertext idea and connect it to the TCP and DNS ideas and — ta-da! — the World Wide Web."இவ்வாறு உருவான இந்த அற்புத படைப்பு 1990-ல் உருபெற்றது.இன்று இவ்வலையில் சிக்காதோர் எவரும் இல்லை.

இதை அடுத்து அடுத்தகட்ட உயர்நுட்ப வலையை உருவாக்கும் முயற்சியில் இருக்கிறார் Mr.TimBL. அதன் பெயர் Semantic Web-ஆம். ரொம்ப புத்திசாலித்தனமான வெப்பாக அது இருக்குமாம்.
அதாவது இன்றைய சூழலில் மிக கடினமான முறையில் இணைய தளங்களில் தகவல்களை தேடவேண்டியிருக்கின்றது. ஏனெனில் இன்றைய தளங்கள் அவ்வளவாய் புத்திசாலித்தனம் கொண்டிருக்கவில்லை. மனிதனின் உள்ளீடு அதிகம் தேவைப்படுகின்றது.

ஆனால் வருங்காலத்தில் அவை உதாரணமாய் Data-க்கு பதிலாய் Information-அறிவு கொண்டிருக்கும்.

அப்படினா...?
சும்மா நம்பர் நம்பராய் இருத்தல் Data .
எடுத்துக்காட்டு: 5000 3000 2000

அதையே பொருளோடு அர்த்தத்தோடு வழங்குதல் Information.
எடுத்துக்காட்டு: வரவு 5000 டாலர்கள் ;செலவு 3000 டாலர்கள்;லாபம் 2000 டாலர்கள்

இன்னும் ஒரு படி அதிகம் போய் விலாவாரியாய் வரிவரியாய் விளக்கினால் அது Knowledge.
எடுத்துக்காட்டு: மன்னாரன்சாப்ட் கம்பெனியின் சித்திரை மாத வரவு 5000 அமெரிக்க டாலர்கள் ; ஆனால் செலவு 3000 அமெரிக்க டாலர்களே; ஆகவே இக்கம்பெனி வெற்றிகரமாக லாபம் அமெரிக்க 2000 டாலர்கள் இம்மாதம் ஈட்டியது.

Semantic Web -க்கு எண்கள்,வார்த்தைகள் மட்டுமல்லாது அதன் அர்த்தங்களும் தெரியுமாம்.அதுதான் அடுத்த Web 3.0. அது நிஜமாகும் போது இன்றைய Search Engine ராஜா கூகிளுக்கு முடிவுகாலம் வருமாம்.ம்...ம்...பார்க்கலாம்.


Email PostDownload this post as PDF

Related Posts by Categories



No comments:

Related Posts Plugin for WordPress, Blogger...

சமீபத்திய பின்னூட்டங்கள்