உங்கள் கேள்விகளை இங்கே பதிவு செய்யுங்கள்

From Blog.PKP.in

Tuesday, September 30, 2008

நிம்மதியாக வாழ்ந்திருந்தார்கள்

Netflix-ல் பழைய Outsourced திரைப்படத்தை பார்த்துக்கொண்டிருந்தோம். நல்ல காமெடியாகவும் சிலநேரங்களில் வருத்தமாகவும் இருந்தது. சி.என்.என் தலைப்புச்செய்திகள் நினைவில் வந்து ஊசலாடிமறைந்தன. நம் ஊரில் கால்சென்டர் என்ற உடனே அல்லது மென்பொருள் நபர் என்ற உடனே ஏனோ குடித்து கும்மாளம் அடிப்பவர்கள் என்று பொருளாகிவிட்டது. எத்தனை அடித்தட்டு குடும்பங்களுக்கு அது வயிறாற உணவிட்டது, படித்து கிழித்து என்னத்தை சாதிக்கப் போகின்றோம் என்றிருந்த எத்தனை பட்டதாரிகளுக்கு அது வேலைவாய்ப்புகளை அள்ளிக் கொடுத்தது இவற்றையெல்லாம் மறந்து போகின்றோம். கையில் காசுவந்ததும் கடந்து வந்த வழிகளை அந்த இளைஞர்களும் தான் மறந்து போனார்கள். இங்கே ஃபாஸ்ட் புட், ஜங்க் புட் என எப்போவாவது உண்ணப்படுபவையே இந்தியாவில் எஞ்சினியரிங் காலேஜ் கேபட்டீரியாக்களில் மெனுவாகின. இப்போது இந்த இளைஞர்களின் வேலைவாய்ப்புகளுக்கு அபாயம் என்றதும் இன்னொரு கூட்டம் சந்தோஷப்படுகின்றது. அமெரிக்க கோபால்களுக்கு இந்தியாவில் பெண்கொடுக்க தயங்குகிறார்களாம். வால்ஸ்டிரீட்டின் நிலமை ஆந்திராவின் கடைகோடி பாபுக்களுக்கும் தெரிந்திருக்கின்றது. எலக்ட்ரானிக் மீடியாக்களின் அபார வீச்சு அசாதாரணமே.

எனினும் இந்த இளைஞர்களின் கதை சற்று வித்தியாசம் தான். பல சோதனைகளிலும் முடங்கிப்போகாமல் கொண்டாடுவதற்கு சமமான பல இரவுகள் Pdf-களிலும் புத்தகங்களிலும் மூழ்கிக்கிடந்திருக்கின்றார்கள். கல்விச்செல்வம் அழியாததென்பார்கள் ஆனாலும் கணிணிக் கல்வியோ சற்று வித்தியாசம்.நேற்று கற்றது இன்றைக்கு காணாமல் போயிருக்கும். இதனாலேயே Trainsignal-களையும் CBTnuggets-களையும் ISO, BIN, CCD இமேஜ்களாக இறக்கி அதை Virtual CD Drive-ல் ஏற்றி ஓட விட்டு வேலைவாய்ப்பு பந்தயத்தில் முந்தி ஓட தினமும் ஏதாவது அவர்களுக்கு கற்க வேண்டியிருக்கின்றது.Oracle VM, Cloud Computing, VMware VMmark, Microsoft Dynamics, xajax ,JsonML, Near Field Communication என இப்படி மார்க்கெட்டில் வர வர எல்லாமே கொஞ்சம் தெரிந்திருக்க வேண்டும். இண்டர்வியூ என்கின்ற பெயரில் வட்டமேஜை மூளை டார்ச்சர் வேறு. இத்தனையும் தாண்டி நுழையும் வேலையில் ஒரு நிரந்தரத்தையும் எதிர்பார்க்கமுடியாது. தினசரி தலைப்புச்செய்திகள் சர்வசாதாரணமாக அவனுக்கு பிங்க் ஸ்லிப் கொடுத்து விட்டுப் போகும்.

வீட்டுக்கு வந்து தபால் கொடுத்துவிட்டு அப்படியே ஆற அமர்ந்து மோர் சாப்பிட்டுவிட்டு போகும் அந்த கால தபால்காரர்.
பளீர் வேட்டியில் ரேலி சைக்கிளில் அம்சமாக வந்திறங்கி அறிவியல் பாடம் எடுத்துப்போகும் சுப்பிரமணிய வாத்தியார்.
அவ்வப்போது சிப்பாய்களை சுமந்து சாரை சாரையாக ஊரைக் கடந்து செல்லும் இராணுவ வண்டிகள்.
பாட்டி அடிக்கடி சொல்லிச் சொல்லி பயமுறுத்தும் பாம்பு வைரம் கக்கிய கதை.
வாரந்தவறாமல் நடுச்சாமத்தில் வந்து கிடுகிடுப்பிக் கொண்டு போகும் இராப்பாடி.

அந்தகாலத்தில் எல்லோரும் நிம்மதியாக வாழ்ந்தார்கள் போலிருக்கின்றது.

சம்பந்தமேயில்லாமல் ஒரு தகவல்: பிரபல IMDB யும் இப்பொழுது முழுநீள ஹாலிவுட் திரைப்படங்களையும் ஆங்கில டிவி தொடர்களையும் இலவசமாய் ஆன்லைனில் வழங்குகின்றார்கள்.
http://www.imdb.com/features/video/



பற்றற்றவர்களாக இருங்கள்.
அதற்காக காட்டுக்குள் சென்றுவிடாதீர்கள்
-மாத்யூ கிரீன்

வாஸ்துசாஸ்திரம் பற்றிய மென்புத்தகம் தமிழில்.Vaasthu Saasthiram ebook in thamil pdf download. Right click and Save.Download


Email PostDownload this post as PDF

Related Posts by Categories



2 comments:

Anonymous said...

Welcome buddy ,

intha pathivu romba nijam .

i feel very bad i am also in the same IT field everyday i need to go through the books for my knowledge mnimum 2 Hours .i donr know how can i explain the Pain of IT engineers problems .but ppls think always IT peoples only earn money oops

any way thanks for the post .u did PKP ...........

Muhammad Ismail .H, PHD., said...

// நம் ஊரில் கால்சென்டர் என்ற உடனே அல்லது மென்பொருள் நபர் என்ற உடனே ஏனோ குடித்து கும்மாளம் அடிப்பவர்கள் என்று பொருளாகிவிட்டது.//

That's true. The media was made such state about IT People. But persoanly most of IT people not like that. Me too IT guy but not in software development field. Mine area is hardware and networking field. This area not much troule like software development. Reason is clients not forcing me to made a 100Mbps switch to match working speed of 1000Mbps. Simply we buy 1000Mbps switch or billed the amount of new switch.


But software guys are facing huge stress and force to working beyond the limit. Even if a project is completed they are working for patchs and updates on request for clients. I saw several times in my life. So they are working much harder and earn for their hard working. Even mine earning is not much software people and mine work is euqal of my earning.

So many times sellers are trying to sell their products too costly after hearing i am came from IT field. What can i say? That is practical condition now. Nowadays i never say i am a IT guy, while purchasing goods and things to save my pocket. LOL.

with care and love,

Muhammad Ismail .H, PHD,

Related Posts Plugin for WordPress, Blogger...

சமீபத்திய பின்னூட்டங்கள்