வழித்தடங்கள்

சிலவருடங்களுக்கு முன்பு மேலைநாடுகளின் சாலைகளில் புதுஇடங்கள் பயணிக்கும் போது நமக்கு வழிக்காட்ட துணையாக ஜீபிஎஸ் (GPS) எனும் கருவி புழக்கத்துக்கு வந்ததை கேள்விப்பட்டபோது இது மாதிரி கருவிகளெல்லாம் நம் ஊருக்கு ஒத்துவருமா பொருந்துமாவென வியந்ததுண்டு. நேர்க்கோடாய் கறுப்பு வண்ணத்தை சிந்திய மாதிரி குறுக்கும் நெடுக்குமாய் புதுசாய் திட்டமிடப்பட்டு போடப்பட்ட ரோடுகளுக்கு வேண்டுமானால் ஜிபிஎஸ் கருவி ஒத்துவரலாம்.ஆனால் ஆயிரம் ஆயிரம் ஆண்டுகள் வரலாறுகள் கொண்ட நம்மூர் சாலைகளில் ஜிபிஎஸ் சாத்தியமா, புதிதாய் உருவாகிய நாடுகளில் ஒரு இடத்துக்கு செல்ல ஒன்று அல்லது இரண்டு வழிகள் தான் இருக்கும். நம்மூரில் ஒரு இடத்துக்கு வேண்டுமானால் ஐம்பதுவழிகளில் செல்லலாமே?

அத்தனை இடற்பாடுகளையும் மேற்கொண்டு நம் ஊருக்கும் இப்போது GPS Navigator வந்துள்ளது. இதனை mapmyindia.com எனும் நிறுவனம் அறிமுகப்படுத்தியுள்ளது. இப்போதைக்கு A-MAX 06GP5A மற்றும் Delphi NAV 200 எனும் இரு மாடல்களில் கிடைக்கின்றது. இதனை வாங்கி உங்கள் காரில் நீங்கள் பொருத்திக்கொண்டால் தைரியமாய்
இந்தியாவெங்கும் செல்லலாம் என்கின்றார்கள்.

இந்தியா முழுக்க 55,000 கிராம நகரங்களுக்கு இதுவால் வழிகாட்டமுடியும். மாநகரங்களில் Delhi, Gurgaon, Noida, Chandigarh, Mumbai, Thane, Pune, Bangalore, Hyderabad, Kolkata, Chennai போன்ற நகரங்களில் தெருவுக்கு தெரு அதுவால் கூட்டிசெல்ல முடியுமாம்.விலையை கேட்டால் தான் சற்று தலை சுற்றுகின்றது ரூ 20,990/ தான்.

நிற்க. சம்பந்தமேயில்லாத சம்பந்தமுள்ள இன்னொரு சேதி.

YourGmap.com என ஒரு இணைய தளம். உங்களுக்கு சொந்தமாய் கூகிள் மேப்கள் வைத்துக்கொள்ள இங்கு வசதிசெய்து தருகின்றார்கள். நீங்கள் போயிருக்கும் அல்லது போக ஆசைப்படும் அல்லது சமீபத்தில் போன இடங்களை மேப்பில் குறித்து வைத்து குடும்பத்தினர்களிடையே அல்லது உங்கள் நண்பர்களிடையே அந்த மேப்பை பரிமாறிக்கொள்ளலாமாம். இஷ்ட புனிதத் தலங்களை அல்லது விருப்ப உணவகங்களையும் குறித்து பிறருக்கு காட்டலாம்.

"நானும் அங்கிருந்தேன்" என எனது வழித்தடங்களை குறித்துப்பார்த்தேன்.
இதோ அந்த மேப்.(சில நாடுகள் ஏனோ மிஸ்ஸிங்)
I was also there - PKP



லினக்ஸ் ஒரு அறிமுகம் தமிழில் பிடிஎப் பக்கங்கள். Introduction to Linux in Tamil pdf pages Download. Right click and Save.Download

உங்கள் கேள்விக்கு

நண்பர் அதிரை அபூபக்கர் கேட்டிருந்தார்.
வணக்கம் Pkp சார், நான் உங்களது வலைத்தளத்தை நாள்தோறும் படித்து வருகிறேன்.. ரொம்ப அருமை, பயனுள்ளது.../ ஒரு கேள்வி. gmail ல் yahoo mail யை போன்று Folder நிறுவ முடியுமா ? /

Gmail-ல் எனக்கு பிடிக்காத இரண்டு விஷயங்கள். ஒன்று அந்த எரிச்சலூட்டும் Conversation mode. இன்னொன்று நீங்கள் கேட்கும் இந்த ஃபோல்டர் வசதியின்மை. கான்வெர்சேசன் மோடை தவிர்க்க வழியே இல்லை. சகித்துத்தான் ஆகவேண்டும். ஃபோல்டருக்கு பதிலாக Label என்று ஒரு வசதியிருக்கின்றது. இதன் மூலம் உங்கள் மின்னஞ்சலை பின்ஒருநாள் பார்வையிட வசதியாய் (ஒரு ஃபோல்டரில் போடுவதற்கு பதிலாக) அழகாய் லேபல் பண்ணி வைத்துக்கொள்ளலாமாம். முயன்று பாருங்கள்.

நண்பர் பாபு கேட்டிருந்தார்.
அன்பு நன்பர் பி கே பி அவர்களுக்கு,
முதலில் ஒரு உதவி: எனக்கு ஜெர்மனியில் இரண்டு வருடம் பணிபுரிய வேண்டியிருக்கிறது. வழக்கம்போல் மொழிப் பிரச்சனை முன்னிற்கிறது.தங்களுக்குத் தெரிந்து ஏதாவது "ஆங்கில வழி ஜெர்மனி மொழி"(English to German) or (Tamil to German)மென் புத்தகம் கிடைத்தால் அளிக்கவும்.மிகவும் உதவியாக இருக்கும்.

உங்களுக்குப் புதுமையான முற்றிலும் மாறுபட்ட ஒரு சுற்றுச்சூழலில் பணிபுரியச் செல்கின்றீர்கள். வாழ்த்துக்கள் பாபு. இதோ நீங்கள் கேட்டது.(Right click and save)

நண்பர் Purushothaman M S கேட்டிருந்தார்.
I am using AIRTEL GPRS in my mobile. any possible to browse website in my laptop by using AIRTEL GPRS Connection. I can connect my mobile with Bluetooth. But
I can't connect internet.

உங்களுக்கு உதவுமென இந்த சுட்டியை கொடுத்துள்ளேன்.
Internet Connection using AirTel GPRS

நண்பர் Nimalan கேட்டிருந்தார்
வணக்கம் pkp நண்பரே நான் கோபி நீங்கள் கூறுவது எமது web side சம்பாதிப்பது பற்றிய தகவல்கள் நான் கேட்பது games முலமாக நாம் விளையாடி win பண்ணி அதன் முலமாக எமது address cheque or credit cad பணம் வறும் என்பதை போல கேள்விப்பட்டேன

நீங்கள் சொல்வது உண்மைதான் கோபி.www.bet365.com போன்ற தளங்கள் இதற்கு பிரபலம்.Gambling என்கின்றார்களே அந்த மாதிரியான சூதாட்டங்கள் தான் அவை. அதுமாதிரியான ஆட்டம் போட துணிவிருந்தால் புகுந்து பார்க்கலாம்.காசினோ, போக்கர் போன்ற விளையாட்டுக்கள் மட்டுமின்றி பெட்டிங்-ல கூட பணம் பண்ணுகின்றார்கள். அடுத்த கிரிக்கெட் ஆட்டத்தில் யார் ஜெயிப்பார்கள் என உங்களுக்கு கணிக்கத் தெரிந்திருந்தால் நன்றாக பணம் பண்ணலாம். பேபால்வழி உங்கள் இந்திய வங்கி கணக்குக்கு பணம் வந்து விடுமாம். விட்டதை பிடிக்கபோகின்றேன் விட்டதை பிடிக்கப்போகின்றேனென விட்டத்தை பிடித்தவர்கள் தான் அதிகம். தமிழில் சரியாய் தான் சூதாட்டம் என்கின்றார்கள், பெயரிலே சூது இருக்கின்றதே. அட்லாண்டிக் சிட்டி போனால் போன கடமைக்கு 10 டாலருக்கு விளையாடுவதோடு என் சூதாட்டம் முடிந்துவிடும். வயசான கிழம்கள் உக்காந்து ஆடும் ஆட்டம் தான் வியப்பைத் தரும்.

நண்பர் Prakash K கேட்டிருந்தார்.
Hi PKP, Could you please from where we can do online jobs... like website designing or some thing like that.. what to know for part time... looks i waste so much of time on inteenet simply... give some tips for earning plz....

நான் முதன் முதலாக இங்கு பரிந்துரைப்பது கிரெய்க்லிஸ்ட் தளம். அதன் சென்னை தளமோ அல்லது பெங்களூர் தளமோ போய் வேலைவாய்ப்புப் பகுதியை பாருங்கள்.நம்மவர்களையாப் பார்த்து தேடுவார்கள்.பெரிய ஃபார்மாலிட்டி இன்றி உடனடியாய் மாட்டும்.
கீழே கிளிக்கி வேட்டையாடலாம்.
http://chennai.craigslist.co.in/web/
http://bangalore.craigslist.co.in/web/

இது தவிர eLance.com, guru.com போன்றவைகளும் Freelancers-களுக்கு வரப்பிரசாதம்.

நண்பர் myilvannan கேட்டிருந்தார்
உங்களிடமிருந்து நிறைய கற்றுக்கொண்டுள்ளேன், நன்றி. Can u please let me know about the online free diploma courses in film technology...

இலவசமாய் டிப்ளமோவா? இந்த காலத்திலயா?.... கமான்...மயில்வாணன்!! :)

நண்பர் நிஜாம்கான் கேட்டிருந்தார்.
பிகேபி சார் நீண்ட நாட்களுக்கு பிறகு நிஜாம். நான் நெட்வொர்க்கிங் துறையில் இருக்கிறேன்.எனக்கு Windows 2003 ல் Softeware Deployment,Raid concept ஆகியவற்றில் குழப்பம் இருக்கிறது.நீங்கள் ஏற்கனவே வெளியிட்ட windows 2003 ரேபிட்சேர் முறையில் என்னால் டவுன்லோடு செய்ய முடியவில்லை.எனவே அதை PDF முறையில் மறுவெளியீடு செய்யுமாறு வேண்டுகிறேன்.

இதோ இந்த சுடியை சொடுக்குங்கள்.முழுவதும் இறக்கமாக கொஞ்ச நேரம் பிடிக்கும்.(MCSE) - Mastering Windows Server 2003.pdf

நண்பர் மகேஷ் கேட்டிருந்தார்
hi PKP, thanks for giving us valuvable information all fields..
can u please tell me how to download from megaupload as most of the download slot is full or not available from chennai!!
thank u..

இப்போதைக்கு leechz.com மின் MegaUpload Premium Link Generator பயன்படுத்துங்கள்.நல்லா வேலை செய்யுதாம்.

நண்பர் Natrajan கேட்டிருந்தார்
Hi PKP
Pl. advise. I have a DVD playing one hour. I can not upload on you tube. I tried yesterday - it took more than TEN hours saying ' uploading' and after TEN HOURS the connection disconnected. Can you advise me.

இதுமாதிரி பெரிய வீடியோக்களுக்கு கூகிள் வீடியோவே என் தெரிவு. Desktop Uploader பயன்படுத்தல் நல்லது.
https://www.google.com/video/upload/UploadInfo

சுஜாதாவின் விக்ரம் நாவல் இங்கே தமிழில் சிறு மென் புத்தகமாக. Sujatha Vikram Novel in Tamil pdf ebook Download. Right click and Save.Download

மிஸ்டர் ஜேபிஜி

டிஜிட்டல் கேமெரா வந்தாலும் வந்தது இப்போதெல்லாம் ஃபிலிம் செலவில்லை கழுவ செலவில்லை. இஷ்டத்துக்கும் படங்களை சுட்டுத்தள்ளலாம். உங்கள் குழந்தை வளர்வதை வாராவாரமாக மாதாமாதமாக வரிசையாக படம் பிடித்துவைக்கலாம். சில வருடங்களுக்கு முன் கொடைக்கானல் போனது, தஞ்சாவூர் போனது, கும்பக்கோணம் கல்யாணம், துபாய் அஞ்சப்பரில் சாப்பிட்டது, அபுதாபி அடுக்குமாடிகளை வியந்தது, சார்ஜா கிரிக்கெட் மைதானம் போனது இப்படி ஏகப்பட்ட நினைவுகள் இன்று டிஜிட்டல் இமேஜ்களாகி உங்கள் கணிணியில் இருக்கும்.

பல சமயங்களில் இந்த மாதிரி நடப்பதுண்டு. நீங்கள் "இது பாப்பா 3 மாசமா இருக்கும் போது எடுத்த படம்" என சொல்ல மனைவி "இல்லை இது 6 மாசத்தில் எடுத்த படம் ஆர் யூ கிரேசி" என்பாள். துபாய் போனது 2003-ல் என நீங்கள் அடித்து சொல்ல இல்லை அது 2004-ல் என அவள் தகராறு செய்வாள்.இது போன்ற சமயங்களில் உங்களுக்கு உதவுபவர் தான் மிஸ்டர் ஜேபிஜி.

நீங்கள் நினைப்பது போல உங்கள் ஒளிப்படக்கருவி படம் பிடிக்கும் போது உருவாகும் .jpg கோப்பானது வெறும் படத்தை மட்டும் கொண்டிருப்பதில்லை. அந்த .jpg கோப்பானது இன்னபிற தகவல்களையும் தன்னகத்தே மறைவாய்க் கொண்டுள்ளதாம். உதாரணமாய் இந்த படம் எப்போது எடுக்கப்பட்டது (நாள்,சமயம் எல்லாம் துல்லியமாய்),அப்போது பிளாஷ் உபயோகப் படுத்தப்பட்டதா இல்லையா போன்ற பல தகவல்கள். இத்தகவல்களை Exif அல்லது மெட்டாடேட்டா என்கின்றார்கள்.(EXIF stands for Exchangeable Image File - Examples of stored information are shutter speed, date and time, focal length, exposure compensation, metering pattern and if a flash was used etc)

ஆமாம்.இப்போது நீங்கள் உங்கள் மனைவியிடம் பந்தயம் கூட வைத்துக்கொள்ளலாம். கீழ்கண்ட Exif ரீடரை பயன்படுத்தி அந்த குறிப்பிட்ட உங்கள் பாப்பாவின் போட்டோ சரியாக எந்த ஆண்டு, எந்த நாள், எந்த நிமிடம் எடுக்கப்பட்டது என அறிந்துகொள்ளலாம். துபாய் போனது எந்த ஆண்டுவெனவும் தெரிந்துகொள்ளலாம். நீங்கள் சொன்னது தான் சரியென்றால் "Something wrong with your computer"-ன்னு உங்கள் மனைவி சொல்வாள் என்பது வேறு விஷயம். ஆச்சர்யபடவேண்டாம்.
Download Exif Reader

இந்த முக்கியமான Exif தகவல்களை நீங்கள் போட்டோ எடிட்டிங் செய்யும்போது இழக்க நேரிடலாம். ஆதலால் போட்டோ எடிட்டிங் செய்யும் முன் அசலை அப்படியே பத்திரமாக வைத்துவிட்டு நகலை மட்டும் எடிட்டிங் செய்தல் நல்லது.
அல்லது
கீழ்கண்ட இன்னொரு மென்பொருளால் இந்த Exif தகவல்களை பேக்கப்செய்து பத்திரப் படுத்திவிட்டு உங்கள் திருவிளையாடல்களை தொடரலாம். முடிந்ததும் மீண்டும் அந்த Exif தகவல்களை எடிட்செய்யப்பட்ட படத்தின் மீது மீட்டுக் கொள்ளலாம்.Backup exif before editing it , and then after editing restore it back using Exifer.
Download Exifer

நீங்கள் எடுத்த டிஜிட்டல் ஒளிப்படங்களெல்லாம் ஒரு ஃபோல்டரில் IMG_001.JPG, IMG_002.JPG, IMG_003.JPG.... என img-க்களாகவோ அல்லது DSC001.JPG, DSC002.JPG, DSC003.JPG...என dsc-க்களாகவோ தானாகவே பெயரிடப்பட்டு இருக்கும். இப்படி கண்டபடி சம்பந்தமேயில்லாமல் போட்டோக்களுக்கு பெயர்கொடுக்காமல் அந்த போட்டோ எடுக்கப்பட்ட நாள்,நேரத்தையே அதற்கு பெயராக கொடுத்தால் எப்படி இருக்கும்? (மேலே படம்) இதன் மூலம் பல்வேறு உங்கள் போட்டோக்களை காலகிரமபடி வரிசைப்படுத்துவதோடு அதை பார்வையிடும் போதும் ஒரு தொடர்வாய் பார்வையிடலாம் அல்லவா? அதற்கு உதவுவது தான் கீழ்கண்ட மென்பொருள். இது உங்கள் டிஜிட்டல் போட்டோக்களின் Exif தகவல்களை தானாகவே படித்து அதிலுள்ள நாள்படி உங்கள் போட்டோக்களை அழகாய் கிரமமாய் பெயர்மாற்றம் செய்யுமாம்.(Eg.2007-08-15 18.05.27.jpg)
Namexif-automatically rename photos with the date they were shot.
Download Namexif

நண்பர் muralidharan கேட்டிருந்தார்
Dear PKP sir, I am a professsional still photographer. Please send me some interested digital photographic software equal to photoshop, (freeware)

போட்டோஷாப்புக்கு இணையான செயல்பாடுகளுடன் கிடைக்கும் ஒரே இலவச ஒளிப்படக் கலவை மென்பொருள் அது GIMP தான் (GNU Image Manipulation Program). முயன்றுபாருங்கள்.கீழே சுட்டி.
http://www.gimp.org

அ.முத்துலிங்கம் "அங்கே இப்ப என்ன நேரம்" தமிழில் கட்டுரைகள் இங்கே சிறு மென் புத்தகமாக. A Muthulingam Ange Ippo enna neram in Tamil pdf ebook Download. Right click and Save.Download

காம்ப்ரமைஸ்ட்

கோபாலுக்கு அவ்வளவாய் கைப்பேசி அழைப்புகள் வருவதில்லை.எப்போதாவது "Severity Level 1" என அவன் வேலை பார்க்கும் நிறுவனத்திலிருந்து குறுஞ்செய்தி வரும். அரக்க பரக்க ஓடுவான். நேற்று நானே வியக்கும் வகையில் அவனது கைப்பேசி செல்லமாய் இசைத்தது. ஓடிப்போய் எடுத்தவன் வாயெல்லாம் புன்னகை. அடுத்த நொடி முகம் இறுகியது.

போனை என்னிடம் கொடுத்தான்.மறுமுனையில் பரிமளா.

"பிகேபி யூ நோ வாட். ஐம் இன் எ டீப் ஷிட் மேன்" என்றாள்.
என்ன சொல்கின்றாள் இவள்.இவளுக்கு என்ன ஆயிற்று.
தொடர்ந்தாள்.
"ஒகே..லிசன்...பிகேபி என்ன ஆச்சுன்னா..பொதுவா இந்தியா வந்தா நான் மெயிலே செக் பண்ணமாட்டேன்.நேற்றைக்கு நேகா வீட்டில் மெயில் செக்பண்ண சான்ஸ் கெடச்சது."Fraud Prevention Alert From Your HSBC Credit Card" -னு ஒரு மெயில் வந்திருந்தது. பயந்து போய் அவங்க கொடுத்திருந்த டோல் ஃபிரி நம்பர்ல கால் செஞ்சா காலே போகமாட்டேங்குது. டிங் டிங் அவ்ளோதான். கட் ஆயிடுது. இப்போ நான் என்னப் பண்ணறது?" பதட்டமாய் கேட்டாள் பரிமளா.

"ஹே! பர்ஸ்ட் ரிலாக்ஸ்ப்பா" -ன்னு சொன்ன நான் அந்த இலவச அழைப்பு உதவி தொலைப்பேசி எண்களை கேட்டேன்.
"18004199782,18317597070" -னு சொன்னாள்.
இந்தியாவிலிருந்து அமெரிக்க 1800 எண்களை குப்பிடும்போது 1-றை எடுத்து விட்டு அழைக்க வேண்டுமென கூறினேன்.
18004199782-க்கு பதிலாக 008004199782
18317597070-க்கு பதிலாக 008317597070
சும்மாவாலும் எண்களை தட்டிப் பார்த்தவளுக்கு மறுமுனையில் மணியோசை கேட்டிருக்கும் போலும்.
"கால் யு பேக்"-னு சொல்லிவிட்டு பட்டென வைத்துவிட்டாள் படு பாவி.

இங்கே கோபால் இன்னும் என்னை முறைத்துக்கொண்டே இருந்தான்.
ஐந்தே நிமிடத்தில் மீண்டும் அவன் கைப்பேசி இசைக்க
"நீயே எடு" என்றான்.எடுத்தேன்.
பரிமளாதான்.

"பிகேபி, அந்த ஸ்டுப்பிட் என் கிரெடிட் கார்டு compromised ஆகிட்டுதுனு சொன்னான் அப்படீன்னா..?"

"அடடா..அப்படியாச் சொன்னான் compromised-னா உன் கிரெடிட் கார்டு டீடெய்ஸ் எல்லாம் எப்படியோ திருட்டு போயிட்டுதுனு அர்த்தம். யாராவது மிஸ்யூஸ் பண்ண பார்த்திருப்பாங்க போல" என்றேன்

"அப்படித் தான் தெரியுது பிகேபி. அவன் சொன்னது எதுவும் எனக்கு ஒழுங்கா கேக்கல. நியூயார்க் வந்து HSBC-க்கு திரும்பவும் கால் பண்ணணும்.அது வரை என் கிரெடிட் கார்டை பிளாக் பண்ணி வைத்திருப்பதாக அவன் சொன்னான்" என்றாள்.
"குட் பார் யூ" என்றேன்.

"இனிமே என்ன ஆகும்"

"ஒண்ணும் ஆகாது.இங்க வந்ததும் கால் செய்து Recent transaction-எல்லாம் கேட்டு உன் பர்சேஸ்களை மட்டும் கன்பார்ம் பண்ணிடு.மிச்சத்தை அப்புறம் பார்க்கலாம்" என்றேன்.

"ச்சே.. இப்போதைக்கு நான் இந்த கிரெடிட்கார்டை இங்கே யூஸ் செய்யமுடியாது இல்லையா"

"ஆமாம்" என்றேன்."ஆனா உன் Debit card-யை இந்திய ஏடிஎம்-களில் பயன்படுத்தலாம்" என்றேன்
"வாட்!!"
"ஆமா உன் அமெரிக்க பாங்க் அக்கவுண்டிலிருக்கும் பணத்தை இந்திய ரூபாயாக எடுத்துக்கலாம். ஆனா என்ன கொஞ்சம் பீஸ் எடுத்துப்பார்கள்.எக்சேஞ்ரேட் கொஞ்சம் கம்மியா இருக்கும்" என்றேன்.

"தட்ஸ் ஓகே.ஒரு குட் நியூஸ் சொன்ன.இப்பத்தான் என் உயிர் வந்தது பிகேபி" என்றாள்.

பேசி முடிந்ததும் கோபால் என்னிடம் கேட்டான். "ஏண்டா அதெல்லாம் என்கிட்ட கேட்க்காமல் உன்கிட்ட கேட்டா, அதுவும் என் செல்போன்லயே கூப்பிட்டுட்டு"
எனக்கு பதில் எதுவும் சொல்லத்தெரியவில்லை.
கொஞ்சநேரம் யோசித்துக்கொண்டிருந்தான்.
பின் தீர்மானமாகச் சொன்னான் "நானும் Blog எழுதப்போறேன்"

விண்டோஸ் எக்ஸ்பி மற்றும் விண்டோஸ் எக்ஸ்ப்ளோரர் ஒரு அறிமுகம் தமிழில் பிடிஎப் பக்கங்கள். Introduction to Windows XP and Windows Explorer in Tamil pdf pages Download. Right click and Save.Download

திருட்டுத்தனமாய்..

தவிர்க்கவே இயலாதநிலமைக்கு இணையவழி வர்த்தகங்களும், இணையவழி வங்கிச்சேவைகளும் வந்துவிட்ட போதிலும் அவ்வப்போது நாம் கேள்விப்படும் சில தகவல்கள் இந்த மொத்த வலைக்கட்டுமானத்தையும் சிறிது சந்தேகக்கண்ணோடேயே எப்போதும் பார்க்கவைத்து விடுகின்றது.

எடுத்துக்காட்டாக இரவுபகலாக உழைத்து நான் எழுதிய மின்புத்தகம் ஒன்றை இணையத்தில் விற்பனைக்கு வைத்துள்ளேன் என வைத்துக்கொள்வோம் அல்லது ஏதோ ஒரு குப்பை மென்பொருளை சற்று கவர்ச்சியாக்கி பல மார்க்கெட்டிங் யுத்திகள் பயன்படுத்தி, அதாவது இதை பயன்படுத்தி கலிபோர்னியா ஜாக் மாதம் $3000 சம்பாதிக்கின்றார், ஷாங்காய் டிங்டியூங் மாதம் $5000 சம்பாதிக்கின்றார் என்றெல்லாம் ரீல் விட்டு அந்த மென்பொருளை நான் விற்க்க , அதை ஏதாவது ஒரு ஏமாளி $50 கொடுத்து வாங்க அதன் மூலம் நான் பணம் சம்பாதிக்க இதெல்லாம் சகஜம்.

50 டாலர் கொடுத்து வாங்கிய அவன் கொடுக்கப்பட்ட 200 பக்க மின்புத்தகத்தை அட்டை டூ அட்டை படித்து அதன் படி செயல்பட்டால் தான் ஆரம்பத்தில் வாரத்துக்கு 2 டாலராவது பார்க்க முடியும். அதையும் தாண்டி இன்னும் பல தொழில்நுட்ப கோளாறுகளையும் போராடி வென்று இல்லை இல்லை வெறுத்துப்போவான். அடப் போனா போகுது 50 டாலர்னு நிமிடத்தில் வாங்கிய மென்பொருளையும் மின்புத்தகத்தையும் அழித்துவிட்டு உருப்படியான வேறு வேலை பார்க்க சென்றுவிடுவான்.

காசு சம்பாதிக்க ஆலோசனை தருகின்றேன், Make money using Adsense, Wordpress, ebay, Blogger, Make money using affliates, Websites அப்படி இப்படினு சொல்லி ஈபுக் பேக்கேஜ் விற்க்கிறவன் மட்டும் நல்ல காசு பார்த்துக்கொண்டிருப்பான்.

பாருங்கள், எதையோ சொல்லவந்து எங்கேயோ வந்து விட்டேன்.

ஓகே, இதுமாதிரி ஆன்லைனில் மென்பொருளோ அல்லது மின்புத்தகமோ விற்பவர்களிடம் போய் வாங்கும் போது முதலில் நம் பெயர் விலாசம் போன்ற தகவல்களையெல்லாம் கேட்பர், அடுத்து கிரெடிட்கார்டு அல்லது பேப்பால் வழி காசு கொடுக்கவேண்டும், காசு கொடுத்து முடிந்ததும் அவர்கள் நம்மை ஒரு பாதுகாப்பான பதிவிறக்கப் பக்கத்துக்கு கொண்டு செல்வர். அங்கு அவர்கள் நமக்கு நன்றி சொல்லி விட்டு ஒரு சுட்டி கொடுப்பர் அந்த சுட்டியிலிருந்து அந்த குறிப்பிட்ட மென்பொருளை அல்லது மின்புத்தகத்தை இறக்கம் செய்து கொள்ளலாம். இதை Thankyou page அல்லது Download page என்பர்.

சரி.இருக்கட்டும்.இப்போது இந்த Thankyou Page-க்கு காசு கொடுக்காமலே நேரடியாக போவதற்கு வழி தெரிந்துவிட்டால்.உங்களுக்கு 50$ லாபம். அவர்களுக்கு 50$ நஷ்டம். இல்லையா? ஆமாம். அப்போ அந்த Thank You Page-க்கு நேரடியாக போவது எப்படி?

பொதுவாக இந்த Thank You Page-களை கூகிளில் நீங்கள் தேடினாலே மாட்டும். பெரும்பாலும் கூகிள் இப்பக்கங்களை தேடலில் காட்டமாட்டான். ஆனால் கூகுளும் காண்பிக்க நான் பாத்திருக்கின்றேன். Alexa தேடு எந்திரம் தான் ரொம்ப டேஞ்சர்.

இந்த தேடு எந்திரங்களில் போய் A charge from CLKBANK அப்படினு தேடினால் ஏகப்பட்ட Thankyou page-கள் அகப்படும்.இப்படி நேரடியாக திருட்டுத்தனமாய் "நன்றிப் பக்கம்" போய் பிறரின் டிஜிட்டல் சொத்துக்கள் திருடப்பட வழிகள் இருக்கின்றன. உங்களுக்காக ஒரு எடுத்துக்காட்டு சுட்டி கொடுத்திருப்பேன். ஆனால் யாரோடேயாவது வயிற்றில் கைவைத்தல் பாவம் இல்லையா.

இப்போது சொல்லுங்கள்.எதை நம்பி இந்த இணையத்தில் நாம் கடை விரிக்க.

நண்பர் Prakash K கேட்டிருந்தார்.
Hi PKP,
Ur blog is cool... learned a lot from your blog, Need some advice from you for joining gold quest, could you please keep one post for gold quest....?

பிரகாஷ்! இது பற்றி நண்பர் பொன்வண்டு ரொம்ப விரிவாய் எழுதியிருக்கின்றார்.
எட்டிப்பாருங்கள். குவெஸ்ட் நெட் மோசடி! மென்பொருள்துறையினர் பாதிப்பு!

(தமிழ்மொழி நன்கு அறிந்தோருக்கு ஒரு சிறு கேள்வி: தவிர்க்க, விற்க்க என்ற வார்த்தைகளில் புள்ளிகொண்ட எழுத்துக்கள்(மெய் எழுத்துக்கள்) இரண்டு சேந்து வருகின்றனவே இது தவறா? இரண்டு மெய்யெழுத்துக்கள் சேர்ந்தால் போல் ஒரு வார்த்தையில் வரக்கூடாதுவென பள்ளியில் படித்தது போல் ஒரு நியாபகம்)


சுஜாதா சிறுகதை எப்படியும் வாழலாம் Sujatha Eppadiyum Vaazalaam Short story in Tamil pdf Download. Right click and Save.Download