உங்கள் கேள்விகளை இங்கே பதிவு செய்யுங்கள்

From Blog.PKP.in

Sunday, June 29, 2008

வெளியே உள்ளே

அமெரிக்க தெருக்களை 360 டிகிரி வியூவில் பார்க்க உதவும் கூகிளின் Street View வந்த போதே நினைத்தேன் இனிமேல் வீட்டுக்குள்ளேயும் கேமராவை கொண்டு வந்து Home View-ன்னு ஒன்று வைத்தாலும் வைப்பார்கள் என்று. இப்போது அதுவும் நிஜமாகி விட்டது. Everyscape.com உங்களை விர்சுவலாக உள்ளரங்குகளுக்குள்ளும் கொண்டு செல்ல வழிசெய்கின்றது. அதாவது பிரபல கட்டடங்களின் interiors-களை இனிமேல் நீங்கள் ஆன்லைன் மேப்பிலேயே பார்க்கலாம்.

வரும் விடுமுறை நாட்களில் சிக்காகோவுக்கு சம்மர் வெக்கேசன் செல்கின்றீர்கள் என வைத்துக்கொள்வோம்.இப்போதே ஆன்லைனில் நீங்கள் தங்கவிருக்கும் ஓட்டலின் உள்மாடம், வரவேற்பரை, நடையரங்கு ஏன் உங்கள் 313-ஆவது அறையை கூட பார்க்கும் வகை சீக்கிரத்தில் வந்துவிடும் போலிருக்கின்றது. மிக முக்கியமாய் பார்,பப்களில் இப்போதே ஆன்லைன் வழி நுழைந்து ரெஸ்ட்ரூம் எந்தப் பக்கம் இருக்கின்றது என பார்த்து தெரிந்துகொள்ளலாம். மிகப்பெரிய மால்களின் உள்ளே உங்கள் அபிமான Popeyes chicken & biscuits restaurant எந்தப்பக்கம் இருகின்றது என தேடி மேய்ந்து வீட்டிலிருந்தே தெரிந்து கொள்ளலாம்.இந்த வருடம் ஒரு Condo வாங்குவதாய் இருந்தால் இஷ்டத்துக்கும் விற்பனைக்குள்ள பல காண்டோக்களுக்குள்/அப்பார்ட்மென்ட்களுக்குள் புகுந்து நோட்டமிட்டு வெளி வரலாம்.2010 ஆகும் போது விர்சுவல் டூராய் உலகின் எந்த மூலைக்கும் எந்த விலாசத்துக்கும் எந்த வீட்டுக்குள்ளும் நுழைந்து வரலாம் போலிருக்கின்றது.லைவ் கேமராக்களை இணைத்து விட்டால் இன்னும் சுவாரஸ்யமாய் இருக்கும். இந்த இணையத்தை நினைத்தாலே அப்பா பயமாய்தான் இருக்கின்றது.

மேலே உதாரண படங்கள் நியூயார்க் Sip Sak restaurant-ன் Street View-ம் interior View-ம்

Sip Sak restaurant-ன் Street View சுட்டி-இங்கு நீங்கள் Go Inside-ஐ கிளிக்கினால் அந்த பாரின் உள்ளே எடுத்து செல்லப்படுவீர்கள்.
http://www.everyscape.com/newyork-ny.us.aspx?p=53813&f=124.80&th=-0.10&poi=186733&ct=0

Sip Sak restaurant-ன் interior View சுட்டி
http://www.everyscape.com/newyork-ny.us.aspx?p=359318&f=129.20&th=-8.70&poi=186733&ct=0

ரமணிச்சந்திரன் மாலை மயங்குகிற நேரம் நாவல் இங்கே தமிழில் மென் புத்தகமாக. Ramanichandiran novel Maalai Mayangukira Neeram in Tamil pdf ebook Download. Right click and Save.Download


Email PostDownload this post as PDF

Friday, June 27, 2008

மென்கொடை

எழுதுவது ஒன்றும் அத்தனை எளிதாய் இல்லை.எண்ணங்களில் கரைபுரண்டு ஓடும் வார்த்தைகளை தட்டிதட்டி பதிவாக்கும் போது அவை தடுமாறுகின்றன. காரோட்டும் போது ஆயிரம் எழுத தோன்றும். கணிணியில் உட்காரும் பொது என்னத்த எழுதவென தோன்றும். So called குமாஸ்தா எழுத்தாளன் கதையே இதுவெனில் எழுத்தே பிழைப்பென்றிருப்போர் கதை?. அவ்வப்போது யாரோ ஏதோ ஒருவழியில் கொடுக்கும் உற்சாகம் தான் அவர்களை வாழ வைக்கும் போலும். பள்ளியில் படித்த அந்த சிறுகதை நினைவுக்கு வருகின்றது. ஆசிரியர் பெயர் நினைவில்லை. மனைவியின் நச்சரிப்பு தாங்காமல் பேசாமல் எழுத்தை விட்டுவிடலாம், உருப்படியாய் ஏதாவது வேலைபார்க்கலாம் என ரயிலேறி கிளம்பும் அந்த எழுத்தாளரை ஆத்திர அவசரத்தில் காணும் ஒரு வாசகன், அவர் கையில் ரயில் சாளரம் வழியே ஒரு கண்ணீர் முத்தமிடுகின்றான். மீண்டும் எழதும் வேலைக்கே வந்து விடுவார் அந்த எழுத்தாளர். ஒவ்வொரு கட்டுரையும் கவிதையும் கதையும் பிறக்கும் போது அவன் படும் வேதனை பிரசவ வேதனைதான்.

இணையத்தில் வணிக ரீதியில் எழுதுவோர்க்கு வேண்டுமானால் சம்பளம் கிடைக்கலாம். ஆனால் முழநேர அல்லது தன்னார்வ எழுத்தாளர்கள் முழுக்க முழுக்க சில ஆன்லைன் விளம்பரங்களையே நம்பி இருக்கவேண்டியுள்ளது.கூகிள் ஆட்சென்ஸ் வேறு "தமிழ் எதிர்ப்பாளனாய்" இருந்து கொண்டு "பொது சேவை விளம்பரம்" மட்டும் தந்து அவன் பங்குக்கு வெறுப்பேற்றிக் கொண்டிருக்கின்றான்

தீர்வுதான் என்ன?
Paypal ஒரு தீர்வு தருகின்றது.இதை Donation Buttons என்கின்றார்கள். உங்கள் வலைப்பக்கத்தில் இதை நிறுவினால் ஆர்வமுள்ள வாசகர்கள் உங்களுக்கு மாதம் குறைந்தது 1 டாலராவது நன்கொடை வழங்க அது எளிதாய் இருக்கும்.கிரெடிட் கார்டின் ஆதிக்கம் உலகளாவியது. அதுவழியே ஒரு சொடுக்கில் சில டாலர்கள் உங்களுக்கு வாசகர்கள் நன்கொடை வழங்கலாம். பேபாலில் இலவசமாய் கணக்கு ஒன்று நீங்கள் திறக்கவேண்டும். உங்களுக்கும் எளிது, பணம் வழங்க விரும்பும் நண்பர்களுக்கும் அது எளிது.பேங்க் அக்கவுண்ட் நம்பர் போன்ற தகவல்களை பப்ளிசிட்டி செய்யவேண்டிய தேவையும் வராது.

அதிக விவரங்களுக்கு கீழ்கண்ட சுட்டியை சொடுக்கலாம்.
https://www.paypal.com/us/cgi-bin/webscr?cmd=_donate-intro-outside

உற்சாக வார்த்தைகளால் மட்டுமல்லாமல் தரமான முழநேர எழுத்தாளர்கள் அவர்களின் பொருளாதார நெருக்கடியை தவிர்க்க இப்படி டாலர்களாலும் ஊக்குவிக்கப்படவேண்டும். அப்போது தான் நல்ல நல்ல படைப்புகளை நம் தமிழுலகம் எதிர்பார்க்க முடியும்.நல்லவேளை நான் ஒரு அலுவலகம் போய் வரும் குமாஸ்தா எழுத்தாளன்.

தமிழ் சிறுகதைகள் தொகுப்பு இங்கே சிறு மென் புத்தகமாக. 12th Standard School Short Stories in Tamil pdf ebook Download. Right click and Save.Download


Email PostDownload this post as PDF

Thursday, June 26, 2008

பயனர் கையேடுகள்

ஆயிரத்து ஐநூறு டாலர்கள் கொடுத்து Sony Bravo 40" HDTV ஒன்றை வாங்கி நடுஅறையில் பெருமையாய் வைத்திருப்போம். வழக்கம் போல அதன் ரிமோட் உங்கள் வீட்டுகுட்டிப் பாப்பாவின் பொம்மையாகிவிடும். மாறிமாறி இரு பொத்தான்களை அது அமுக்க அப்புறம் அந்த அழகான உங்கள் பிளாட் ஸ்கிரீன் டிவி கோணல் மாணலாய் அல்லது ஒடுங்கி தெரியத் தொடங்கிவிடும். இதை எப்படி சரி செய்வது? தேடு தேடு அதோடு வந்த யூசர்கைடை தேடு அட எங்கப்பா அந்த யூசர்கைடு?

ஹாண்டா பைலட் வேன், அதன் டேஷ்போர்டில் விவகாரமாய் ஒரு குறி தோன்றி பயமுறுத்தும். அப்போது தான் அக்குறியின் அர்த்தம் அறிய வேனோடு வந்த அந்த பயனர்கையேடை தேடுவோம்.அட அந்த யூசர்கைடு எங்கப்பா?

இப்படி அநேக மின்ணணுசார் உபயோகப்பொருட்களின் யூசர் மானுவல்கள் ஆரம்பத்திலேயே வீடுகளில் எறியப்பட்டு விடுவதால் தேடப்படும் போது கிடைப்பதில்லை. இருக்கும் போது அது தேவைப்படுவது இல்லை..ஆமாம். ஆனால் இங்கு ஒரு தளத்தை பாருங்கள்.ஏறக்குறைய எல்லா user guides மற்றும் manual-களையும் பத்திரப்படுத்தி வைத்திருக்கின்றார்கள். 800,000-க்கும் அதிகமான வீட்டு உபயோகப்பொருட்களின் User Guides-கள் இங்கு இணையேற்றம் செய்யப்பட்டு இருக்கின்றன.

உங்களுக்கு ஏதாவது user manual தேவையெனில் வீட்டு அட்டைப்பெட்டிகளில் தேடிப்பார்ப்பதை விட இந்த தளத்தில் முதலில் தேடிப்பார்க்கலாம்.

http://safemanuals.com

(மின்னஞ்சல் வழி என்னை வாசிக்கும் நண்பர்களுக்கு ஏனோ எனது கடந்த இரு பதிவுகளும் கிடைக்க வில்லை.அவற்றை படிக்க இதோ அவற்றின் சுட்டிகள்.
கடிவாளங்கள்
நடந்து பாருங்கள் உலகம் மிகப்பெரியது
மற்றபடி கடவுளின் புண்ணியத்தில் நான் நலமே.நன்றி ரிஷான்,நன்றி அதிரை)

தா.பாலகணேசன் "வர்ணங்கள் கரைந்த வெளி" கவிதைகள் இங்கே தமிழில் சிறு மென் புத்தகமாக. Varnankal Karaintha Veli Tamil Poems T. Balaganeshan kavithaikal in pdf ebook Download. Right click and Save.Download


Email PostDownload this post as PDF

Tuesday, June 17, 2008

நடந்து பாருங்கள் உலகம் மிகப்பெரியது.

"தனது நடைபயணம் பற்றி சதீஷ்குமார் பெட்ரெண்ட் ரஸ்ஸலுக்கு ஒரு கடிதம் எழுதி தெரிவித்தார். உடனே ரஸ்ஸல் உலக அமைதிக்காக நடைபயணம் செய்யும் முயற்சிக்கு வாழ்த்துக்கள். ஆனால் எனக்கு 90 வயதாகிறது. உலகம் மிகப்பெரியது. எப்படியாவது என் சாவிற்கு முன்னால் உன்னை ஒரு முறை பார்த்துவிட வேண்டும் என்று ஆசைப்படுகிறேன். வேகமாக நடந்து வா என்று பதில் எழுதியிருந்தார். அது சதீஷ்குமார் மனதில் இன்னும் ஆர்வத்தை அதிகமாக்கியது.

ஒன்றரை மாதங்களுக்கு பிறகு அவர்கள் பாகிஸ்தான் எல்லைக்கு வந்து சேர்ந்தார்கள். அவர் கையில் விசா, பாஸ்போர்ட் எதுவுமில்லை. அத்தோடு இந்தியா பாகிஸ்தான் இரண்டும் யுத்த நெருக்கடியில் இருந்த நாட்கள் அவை. பாகிஸ்தானுக்குள் பிரவேசிக்கும் முன்பாக அவரது நண்பர்களில் ஒருவர் நாலைந்து பொட்டலங்கள் சாப்பாடு தந்து நீங்கள் பாகிஸ்தானிற்குள் போகிறீர்கள். அது எதிரியின் தேசம் உங்களுக்கு சாப்பாடு கூட கிடைக்காது இதைக் கொண்டு செல்லுங்கள் என்று தந்திருக்கிறார்.

சதீஷ்குமார் அதை மறுத்தபடியே இந்த சாப்பாட்டை வாங்கிக் கொண்டால் இன்னொரு மனிதன் மீது நான் நம்பிக்கை வைக்கவில்லை என்றாகிவிடும். ஆகவே எனக்கு வேண்டாம். பட்டினியால் சாவதாக இருந்தால் கூட பரவாயில்லை பாகிஸ்தானில் செத்துப் போகிறேன் என்று நடக்கத் துவங்கினார்.

எல்லை காவலர்கள் அவரைப் பற்றி நாளிதழில் வெளியான செய்தியால் தடை செய்யாமல் அனுமதி தந்தார்கள். பயமும் தயக்கமுமாக பாகிஸ்தானினுள் நடக்க துவங்கிய போது ஒரு கார் அருகில் வந்து நின்று பாகிஸ்தானியர் ஒருவர் இறங்கி வந்து நீங்கள் தானா சதீஷ்குமார் என்று கேட்டிருக்கிறார்.

ஆமாம் என்றதும் உங்களைப் பற்றி ஒரு மாலை செய்தியேட்டில் வாசித்தேன். அப்போது இருந்து நீங்கள் பாகிஸ்தான் வருவதற்காக காத்திருந்தேன். மிக நியாயமான காரணத்திற்காக நடைபயணம் செல்கிறீர்கள். உங்களுக்கு உதவி செய்ய விரும்புகிறேன். நீங்கள் என்னோடு காரில் வாருங்கள் என்று அழைத்தார்.
அறியாத உலகில் எதிர்படும் முதல்மனிதனே இவ்வளவு அன்பாக நடத்துகிறானே என்று வியந்தபடியே தாங்கள் காரில் வர முடியாது, முகவரியை தாருங்கள் வீட்டிற்கு வந்து சேர்கிறோம் என்றார்கள். அவரோ விடாப்பிடியாக, இல்லை வழியில் யாராவது அழைத்தால் போய்விடுவீர்கள் அதனால் உங்கள் பைகளை என்னிடம் தாருங்கள். அதை மட்டுமாவது நான் கொண்டு செல்கிறேன் என்று அவரது உடைமைகளை வாங்கி கொண்டு சென்றுவிட்டார்.

அன்றிரவு அந்த பாகிஸ்தானியர் வீட்டில் சாப்பிட்டு விட்டு உறங்கியிருக்கிறார்கள். அப்போது சதீஷ்குமாருக்கு தோணியது. நண்பர் தன்மீதான அக்கறையில் தந்த பொட்டலத்தில் இருந்தது உணவு அல்ல பயம். அடுத்த மனிதனை நம்பமுடியாமல் போன பயம் தான் சாப்பாட்டை கட்டி கொண்டு போகச் செல்கிறது என்ற உண்மை புரிந்திருக்கிறது"

-இப்படியாகச் செல்லுகின்றது எழுத்தாளர் எஸ்.ராமகிருஷ்ணன் அவர்கள் எழுதிய "நடையால் வென்ற உலகம்" என்ற கட்டுரை.அனைவரும் கண்டிப்பாக படிக்கவேண்டிய ஒரு பதிவு.முழுக்கட்டுரையையும் கீழ்கண்ட சுட்டியில் படிக்கலாம்.

நன்றி: http://sramakrishnan.com/deep_story.asp?id=88&page=

அந்த பெரிய மனிதர் சதீஸ்குமார் பற்றிய ஆவணப்படம் இங்கே வீடியோ வடிவில்
http://www.youtube.com/watch?v=m1Ho824PtM0

நன்றி:வேதன் (ஆனா நீங்க யாருனே இன்னும் புரியல ஆமா :))

அ.முத்துலிங்கம் "மகாராஜாவின் ரயில் வண்டி" சிறுகதை தொகுப்பு இங்கே தமிழில் சிறு மென் புத்தகமாக. A.Muthulingam Maharajavin Rail Vandi tamil shortstories in pdf ebook Download. Right click and Save.Download


Email PostDownload this post as PDF

Sunday, June 15, 2008

கடிவாளங்கள்

இன்று வீட்டுக்கு வீடு கணிணி.30 வருடத்திற்கு முன்பு இப்படி வீட்டுக்கு வீடெல்லாம் கம்ப்யூட்டர் வருமென்று யாராவது கனவு கண்டார்களா? தெரியாது. நாசாவிலும், ஆராய்ச்சிக் கூடங்களிலும், பல்கலைக்கழகங்களிலும் மட்டுமே இருக்கும் விலையுயர்ந்த மிருகமாக அது அப்போது கருதப்பட்டது. இன்று நடு அறை கணிணியில் அப்பா பிபிசியில் செய்தி பார்த்துக் கொண்டிருக்க உத்து பாக்குது குட்டிப் பாப்பா. தாத்தா கிரிக்கெட் ஸ்கோர் கேட்டு வந்து நிற்கின்றார். பாட்டிக்கு யூ.கேயிலுள்ள தன் தங்கையை வெப்கேமில் பார்க்க ஆசை. கான்எடிசனுக்கு (மின்சாரத்துக்கு) பணம் கட்டுவது காம்கேஸ்டுக்கு (இணையம்) பணம் கட்டுவது என அம்மாவுக்கு தலைக்கு மேல் வேலையுள்ளது. எல்லாம் கணிணி வழிதான்.

இப்படி டி.வி போல் நம் குடும்பத்தில் புதுசாய் அங்கமாகிப்போன கணிணியை நம் குடும்பத்துக்கு ஏற்ற நண்பனாக மாற்ற சில கடிவாளங்கள் நாம் போட வேண்டியுள்ளது. அறிந்தோ அறியாமலோ நம் வீட்டு சிறுசுகள் தவறாக தவறான தளங்களுக்கு செல்ல அல்லது வயதுவந்தோர்க்கான தளங்களுக்கு சென்றுவிட வாய்ப்புகள் உள்ளது. ஆன்லைன் சூதாட்டங்கள், அசிங்கங்கள், மர்ம நபர்கள், ஜாதிமதபேத வெறிகள் இதிலிருந்தெல்லாம் நம் குழந்தைகளை கொஞ்ச காலமாவது விலக்கிவைத்திருக்கலாம் என்பது பெரும்பாலான பெற்றோர்களின் விருப்பமாகவே இருக்கும். நீங்களும் அப்படிப்பட்ட ஒரு பெற்றோரானால் உங்கள் கணிணிக்கு இலவசமாய் கடிவாளம் போடலாம்.எப்படி?

ஆன்லைனில் குழந்தைகளின் பாதுகாப்பை உணர்ந்த Blue Coat Systems எனும் நிறுவனம் K9webprotection எனும் மென்பொருளை அனைத்து பெற்றோர்களுக்கும் இலவசமாய் வழங்குகின்றார்கள். இம்மென்பொருளை நீங்கள் இறக்கம் செய்து உங்கள் கணிணில் நிறுவினால் நிச்சயம் ஒரு பாதுகாப்பை உணர்வீர்கள். அடிப்படையிலேயே பல தளங்களை தடைசெய்யும் இம்மென்பொருளை உங்கள் விருப்பற்றிற்கு ஏற்றார் போல் கூடுதல் தளங்களை கூட்டவோ அல்லது சில தளங்களின் மீதான தடையை நீக்கவோ செய்து கொள்ளலாம். தவறுதலாக அவர்கள் மோசமான இணையதளம் பக்கம் போனால் "Prohibited" screen வரும் அல்லது ஒரு குரைக்கும் நாய் வருமாறு செய்யலாம். நீங்கள் உசாராகி விடலாமே?.

கீழ்கண்ட சுட்டியிலிருந்து நீங்கள் இறக்கம் செய்துகொள்ளலாம்.(Free registration required to get the License)
http://www.getk9.com

பொதுவாக உங்கள் வீட்டு கணிணியை எல்லாருக்கும் தெரியும் வகையில் ஒரு பொது அறையில் வைப்பது நல்லது, அது போல குழந்தைகளுக்கு சில நடைமுறை அபாயங்களை சொல்லிக்கொடுப்பதும் தேவையே, உதாரணமாக சாட் ரூம் பேச்சுக்கள், முகமறியாதோரிடம் விலாசம் தொலைப்பேசி எண்கள் கொடுப்பதின் அபாயம் போன்றவற்றை சொல்லிகொடுத்து உசார் படுத்தி வைத்தல் எப்போதுமே நல்லது.

ஷைலஜாவின் "காலமெல்லாம் காத்திருப்பேன்" காதல் க்ரைம் தொடர் கதை இங்கே தமிழில் சிறு மென் புத்தகமாக. Shailaja Kaalamellam Kaathiruppen Story in Tamil pdf ebook Download. Right click and Save.Download


Email PostDownload this post as PDF

தமிழ் MP3 கிடங்குகள்

தமிழ் MP3 இசை கோப்புகள் இலவசமாக இறக்கத்துக்கு இன்றைக்கு பரவலாக இணையம் எங்கும் கிடைக்கின்றது. கூகிளில் intitle:"index of" "parent directory" tamil எனத் தேடினால் அவன் "நேரடி" இறக்க வசதியுள்ள தளங்களை வரிசையிட்டு காட்டுகின்றான்.
உதாரணத்துக்கு இங்கே சில சுட்டிகள்.
திரைப்படப்பாடல்கள்
http://tamilvenkai.com/Tamilthaalam%20Mp3%20Database/index.php?dir=Tamil%20Mp3s/
http://www.tamiljukebox.com/www.rose4you.dk/index.php?dir=01.%20Tamil/
http://www.tamilrage.net/Mp3/database/index.php?dir=
http://isaitamil.in/Tamilmp3/index.php?dir=
http://www.tamilcowboy.com/mp3/
http://sangeethamshare.org/murthy/
தமிழ் ரிங்டோன்கள்
http://www.tamiljukebox.com/mobile/index.php?dir=Ringtones/
வீடியோ பாடல்கள்
http://www.thuvi.com/songs/videofiles/tamil/
ஸ்லோகங்கள்
http://www.prapatti.com/slokas/mp3/
கிறிஸ்தவ பாடல்கள்
http://www.tamilbiblestudy.com/thewayofsalvation/index.php?dir=
இஸ்லாமிய பாடல்கள்
http://islamwap.info/

பழைய பாட்டுகள் மட்டுமல்லாது புது பாடல்களும் கிடைக்கின்றன. ஆச்சர்யமாய் சில புதுப் படங்களின் பாடல்கள் அவர்கள் வெளியிடும் முன்னறே இணையத்தில் வந்துவிடுகின்றது. இப்படியே போனால் வீடியோக்களின் கதையும் மென் புத்தகங்களின் கதையும் அப்படியே ஆகிவிடும் போலிருக்கின்றது. வேர்க்க வேர்க்க அதனை உருவாக்கிய படைப்பாளி அவனுக்கான கூலியை பெற்றுக் கொள்ளாமலேயே இங்கு போகின்றான். ஒரெ கிளிக்கில் புத்தம் புது MP3களை இலவசமாய் இறக்கம் செய்யும் போது நம் போன்ற பொது ஜனம் அறியாமையினாலோ என்னவோ குற்றமனப்பான்மை கொள்வதில்லை. அதற்கு பதிலாக அபூர்வத்தை எளிதாய் இலவசமாய் கிட்டிய மகிழ்ச்சியே கொள்கின்றார். இப்படி சில்லறை சில்லறையாக தயாரிப்பாளர்களுக்கு கோடிக் கணக்கில் இழப்பு. இது இப்படியிருக்க இந்த பைரசிகளுக்கெல்லாம் முடிவு கட்ட பெருசுகள் கூட்டம் கூடி கட்டம் கட்டி பேசி ஒரு முடிவுக்கே வந்து விட்டார்கள். அதன் பெயர் தான் Digital rights management அதாவது DRM.

ஒருவேளை 2010-ல் வெளியாகவிருக்கும் சூப்பர் ஸ்டாரின் திரைப்பட MP3 அத்தனை எளிதாய் உங்களுக்கு கிடைக்காமல் போகலாம். டிராக் ஒன்றை 20 ரூபாய் கொடுத்து நீங்கள் வாங்க வேண்டி வரும். நான் வாங்கிய டிராக்கை புத்திசாலித்தமாய் எனது மைடிரைவ் வழி உங்களுக்கு வழ்ங்கினால் நீங்கள் இறக்கம் செய்வீர்கள். ஆனால் அந்த பாடல் இசைக்காது. பதிலாய் அது ஆன்லைன் ஸ்டோர் போய் அங்கு லைசென்ஸ் வாங்க உங்களை நச்சரிக்கும்.அது என் கணிணியில் மட்டுமே பாடும் படி வடிவமைக்கப்பட்டதாய் இருக்கும். இது தான் டிஆர்எம்.

இந்தத் தொல்லை ஏற்கனவே மேற்கில் பிரபலம்.ஒரு டாலர் தானே போனால் போகிறதுவென இது மாதிரி பாடல் டிராக்குகளை சில்லரையாக உச்ச தர MP3 வடிவில் வாங்குகின்றார்கள். பழகியும்விட்டார்கள். இது சீக்கிரத்தில் நம்மூருக்கும் வரும். நமக்கும் பழகிவிடும்.

DRM-ஐ உடைக்க முடியாதா?
ஏன் முடியாது? அந்த அனலாக் ஹோல் இருக்கின்றதே, அது தான் இந்த படைப்பாளிகளுக்கெல்லாம் பயங்கர தலைவலியாய் இருக்கின்றது. உதாரணத்துக்கு பாருங்கள்.
DRM பாதுகாக்கபட்ட MP3 இசையை ஸ்பீக்கரில் தானே கேட்கப்போகின்றோம். அந்த ஸ்பீக்கரிலிருந்து வரும் இசையை பதிவு செய்ய நமக்கு எவ்வளவு நிமிடம் ஆகும்? பெப்பே DRM.
DRM பாதுகாக்கபட்ட வீடியோவை ஸ்கிரீனில் தானே பார்க்கப்போகின்றோம். அந்த ஸ்கிரீனில் ஓடும் படத்தை வீடியோ ரெக்கார்டிங் செய்ய நமக்கு எவ்வளவு நிமிடம் ஆகும்? பெப்பெப்பே DRM.
DRM பாதுகாக்கபட்ட Pdf மென்புத்தகத்தை கணிணி திரையில் தானே படிக்கப் போகின்றோம். அந்த திரையிலிருப்பதை பிரிண்ட் ஸ்கிரீன் செய்ய நமக்கு எவ்வளவு நிமிடம் ஆகும்? பெப்பெப்பெப்பே DRM.

இதைத் தான் Analog hole என்கின்றார்கள். இங்கு trade off ஆவது தரம். ரெக்கார்ட் செய்யப்பட்ட கோப்புகளின் குவாலிட்டி அவ்வளவு நன்றாய் இருக்காது. திருட்டு விசிடி போல கரகர சொரசொரவென்றிருக்கும்.

ஆக அப்போது கிடைக்கும் தரத்துக்காக காசு கொடுத்தாவது DRM கோப்புகளை வாங்க நாம் தயங்க மாட்டோம் என்பது என் எண்ணம்.

ஓட்டலில் குடிக்க குழாய் தண்ணீரை இலவசமாய் கொடுத்தாலும் தரத்துக்காக மினரல் வாட்டர் காசு கொடுத்து வாங்க பழகிவிட்டோமே?

வைகோவின் "வரலாறு சந்தித்த வழக்குகள்" இங்கே தமிழில் சிறு மென் புத்தகமாக. Vaiko Varalaaru Santhitha Valakkukal in Tamil pdf ebook Download. Right click and Save.Download


Email PostDownload this post as PDF

வெப் உலக கின்னஸ் சாதனைகள்

பயர்பாக்ஸ் உலாவி மீது கொண்ட காதலால் நான் ஒன்றும் பயர்பாக்ஸ் பயன்படுத்த தொடங்கவில்லை. இன்டர்நெட் எக்ஸ்ப்ளோரர் மேல் வந்த வெறுப்பே அது என்னை பயர்பாக்ஸ் பயன்படுத்த வைத்தது. இப்போது அதுவே என் பிரதான பிரவுசராகியும் போனது. ஆயினும் பழைய பாசத்தால் சில சமயம் இன்டர்நெட் எக்ஸ்ப்ளோரர் பயன்படுத்த விழைவேன். போன வேகத்தில் மீண்டும் FF-யிடமே வந்துவிடுவேன். அப்பப்போ கிராஷ் ஆகுதல் ,அதன் ஆமை வேகம் IE மீது வெறுப்படிக்க வைத்து விட்டது. நீங்கள் இணைய உலாவரும் போது கூட அசாதாரண வேகமின்மை அல்லது எந்த error-ம் கொடுக்காமல் வெற்று பக்கத்திலேயே அரைமணி நேரமாய் நிற்றல் போன்ற அறிகுறி தெரிந்தால் ஒரு வேளை அது இணைய இணைப்பு பிரச்சனையாய் இல்லாமல் உங்கள் பிரவுசர் பிரச்சனையாய் இருக்கலாம். பயர்பாக்ஸ்க்கு தாவிவிடுங்கள். FF-யின் வேகம், வகை வகையான இலவச Add-on கள் அதன் ப்ளஸ்கள். அலுவலகத்தில் இப்போதெல்லாம் பயர்பாக்ஸ் ஒரு ஸ்டேட்டஸ் சிம்பல் போல் ஆகிவிட்டது. IE பயன்படுத்துபவர்களை பாவம் விவரம் அறியாதவர்களென்றும் FF பயன்படுத்துகிறவர்களை damn smart விவரம் அறிந்தவர்களென்றும் மூளை தானாகவே பகுத்துவிடுகின்றது.

துரதிஷ்டவசமாய் தமிழில் இன்னும் சில வலைப்பக்கங்கள் பயர்பாக்ஸில் ஒழுங்காய் தெரிவதில்லை. அவற்றை படிப்பதற்காக வேண்டியே IE-யை திறக்க வேண்டியுள்ளது. நீங்கள் சொந்தமாய் தமிழில் வலைப்பக்கம் வைத்திருந்தால் தயவுசெய்து அது Firefox browser-யிலும் சரியாய் தெரிகிறதாவென சரிபார்க்கவும். நண்பர் Kricons-ன் blogger template யோசனையையே இங்கும் வழங்குகிறேன். "Firefoxல் அனைவரது வலைபதிவும் நன்றாக தெரிய பதிவை எழுதும் போது text-align justify யை பயன் படுதாமல் இருந்தாலே போதும்."

பயர்பாக்ஸ் உலாவியில் நான் சமீபத்தில் அறியவந்த ஒரு அருமையான Add-on பெயர் Piclens. கூகிள் படங்கள் தேடலில் நமீதாவை நீங்கள் தேடுகின்றீர்கள் என வைத்துக்கொள்வோம்.(updated) அது இணையத்தில் நமீதா படங்களாய் தேடி காட்டும். அந்த படங்களை அட்டகாசமாய் 3D தாக்கத்தில் "ஸ்லைடு ஷோ"போல இறக்கம் செய்யாமலே பார்க்க இந்த Add-on உதவுகின்றது.

நிற்க.
நாளை இந்த நம் அபிமான பயர்பாக்ஸ் ஒரு கின்னஸ் உலக சாதனை செய்யவிருக்கின்றது. 24 மணிநேரத்தில் உலகிலேயே அதிக அளவில் இறக்கம் செய்யப்பட்ட மென்பொருள் என்ற சாதனையை அது செய்ய தயாராகிக் கொண்டிருக்கிறார்கள். இது வரை உலகெங்கும் 1,247,084 பேர் அந்த புது பயர்பாக்ஸ்3-ஐ ஜூன் 17 அன்று இறக்கம் செய்யப் போவதாக தெரிவித்திருக்கின்றார்கள். இந்தியாவிலிருந்து மட்டும் 22000 பேர் அதை இறக்கம் செய்யப் போவதாக தெரிவித்திருக்கின்றார்கள். நீங்களும் இந்த சாதனையில் பங்கு கொள்ளலாம். நாளை அதாவது ஜூன் 17 அன்று பயர்பாக்ஸின் தளம் www.mozilla.com/firefox/ சென்று புதிய FireFox version 3-யை முழுவதுமாய் இறக்கம் செய்து (no upgrade please) உங்கள் கணிணியில் நிறுவி இச்சாதனையில் பங்கு பெறலாம். மேலும் விவரங்களுக்கு.
http://www.spreadfirefox.com/en-US/worldrecord/

இது போல இன்னொரு உலக சாதனையை செய்ய http://www.internetbigbang.com தயாராகிக்கொண்டிருக்கிறது. அதாவது ஒரே நேரத்தில் அதிகமான நபர்கள் ஆன்லைனில் இருந்த தளம் என்ற பெயரை இது எடுக்கப்போகின்றது. இதுவரை 836 639 பேர் ஒரே நேரத்தில் இத்தளம் வர ஒப்புக்கொண்டிருக்கிறார்கள். ஜூன் 20-ம் தியதி இச்சாதனை நடத்தப்படவிருக்கின்றது.

இனி இதுமாதிரி நிறைய சுவையான உலக சாதனைகள் இணையத்தில் நடத்தப்படலாம். ஜாலி தான்.


ரமணிச்சந்திரனின் "மயங்குகிறாள் மாது" நாவல் இங்கே தமிழில் சிறு மென் புத்தகமாக. Ramani Chandran Mayangkukiraal Maathu Novel in Tamil pdf ebook Download. Right click and Save.Download


Email PostDownload this post as PDF

Thursday, June 12, 2008

காற்றுள்ளபோதே

அருமையான மென்பொருள் அதுவும் இலவசமாய் இணையத்தில் கிடைப்பதை கண்டால் நான் உடனே அதை குறித்து வைப்பதுண்டு. ஆனால் சமீபகாலமாக இது மாதிரி நான் முன்பு எப்போதோ ஒருமுறை குறித்துவைத்த சில இலவச மென்பொருள்களை இறக்கம் செய்ய இப்போது போனால் காசுகேட்கின்றார்கள். அதாவது முதலில் வெள்ளோட்டமாக இலவசமாய் வழங்கப்படும் மென்பொருள்கள் சூப்பர் ஹிட் ஆனதை பார்த்ததும் சில நாட்களில் அதற்கு அதை தயாரித்தோர் விலைகுறித்து விடுகின்றார்கள். இதில் நாம் அவர்களை சொல்லியும் குற்றமில்லை. இன்றைக்கு அத்தியாவசிய பொருட்களின் விலைகள் போகின்ற போக்கைப்பார்த்தால் எதாவது ஒரு வழியில் தங்கள் உழைப்பை monetize பண்ணத்தான் எல்லோரும் பார்ப்பார்கள்.அதனால் இப்போதெல்லாம் ஏதாவது ஒரு கூல் மென்பொருள் இணைய உலா வரும்போது பார்வைக்கு வந்தால் உடனே இறக்கம் செய்து வைத்துக் கொள்கின்றேன். சோம்பலில் இன்னொருமுறை இறக்கம் செய்யலாமென்று விட்டு விட்டால் அப்போது அது இலவசமாய் கிடைக்குமா என்பதில் உத்திரவாதம் இல்லை. அந்த வகையில் சமீபத்தில் நான் விரும்பி இறக்கம் செய்த ஒரு மென்பொருள் Microsoft Access-ன் .mdb கோப்புகளின் கடவுசொல்லை மறந்து போனால் அதை மீட்டுத்தரும் ஒரு இலவச மென்பொருள்.அதன் பெயர் Database Password Sleuth. இது Microsoft Access 95/97/2000/2002 database-களின் password -களை ஒரே சொடுக்கில் உடைத்து தருகின்றது.

Product Home Page
http://www.shatterock.com/products/software/dbpwd/

Direct download link
http://www.shatterock.com/products/software/dbpwd/dbpwd.zip

உங்கள் குட்டிமென்பொருள்களின் கலெக்சனில் இதையும் வைத்துக்கொள்ளுங்கள். அலுவலகத்தில் யாராவது பாஸ்வேர்ட் மறந்து போய் கண்ணைத் தள்ளிக் கொண்டிருந்தால் கொடுத்து உதவலாம். அதுபோல எக்ஸெல் கோப்பு ஒன்றின் பாஸ்வேர்ட்டை மறந்து போனால் இங்கே வாருங்கள். இன்னொரு இலவச மென்பொருள் அதற்காக இருக்கிறது. அது உதவலாம். இப்படி அடுத்தவர்களுக்கு ஒரு உதவி செய்து அதில் அவர்கள் பெறும் மகிழ்ச்சியால் நமக்கு ஒரு மகிழ்ச்சி கிடைக்கின்றதே. அதற்கு ஈடு இணை கிடையாதுங்க.

எட்ஹார் ஸ்னோ "ஒரு கம்யூனிஸ்டின் உருவாக்கம்" எஸ்.சந்திரன் வழி இங்கே தமிழில் சிறு மென் புத்தகமாக. EdgardSnow Oru communistin uruvaakkam in Tamil pdf by S.Chandran ebook Download. Right click and Save.Download


Email PostDownload this post as PDF

Wednesday, June 11, 2008

ஆயிரத்தில் ஒருவன்

எங்கிருந்தும் copycat செய்யாமல் நானே யோசித்துபார்த்தேன். வெற்றிகரமான வலைப்பதிவு எழுதுவது எப்படி என்று. எப்படி வாசகர்களை மீண்டும் மீண்டும நம் பக்கம் கொண்டு வரலாம்? வரிசையாக எழுதினேன். அதை உங்களோடு பகிர்ந்துகொள்வதோடு மட்டுமல்லாமல் நானும் அதை பின்பற்றலாமே என முடிவு செய்தேன்.

தினமும் இல்லாவிட்டாலும் குறைந்தது ஒரு குறிப்பிட்ட சுற்றிலாவது அவ்வப்போது பதிவிடல் நல்லது. இப்படி அவ்வப்போது பதிவிடல் நம் வாசகர்களுக்கு மட்டுமல்ல கூகிளுக்கும் ரொம்ப பிடிக்கும். பிறரின் கூகிள் தேடல்களில் நம் பதிவுகளையும் ஆர்வமாய் காண்பிப்பான்.

கவர்ச்சிகரமான தலைப்பிட்டு அழைத்து வந்த வாசகரை நாம் ஒரு முறை ஏமாற்றினால் பின் எப்போதும் எப்படி தலைப்பிட்டாலும் அவர் வரமாட்டார் என்றே தோன்றுகிறது.

காப்பி பேஸ்ட் எதற்கு?. நாலுவரியென்றாலும் நறுக்கென்ற நம் சொந்த வரியாய் அது இருக்கட்டுமே.

நம்பால் விழுந்தோர் வேண்டுமானால் பக்கம் பக்கமாய் படிப்பார்கள். புதிதாய் வருபவர்களை முதல் சில வரிகளிலேயே நம்மை பிடிக்க வைக்க வேண்டும். ஆதலால் என்னைப் பொறுத்தவரை இங்கும் சைஸ் மேட்டர்ஸ்.பெரிசல்ல சிறிசு.

தப்பித்தவறி ஒருமுறை நம் பக்கம் வந்த வாசகருக்கு திருப்தியான தீனி கிடைத்துவிட்டால் மறுமுறை நாம் அழைக்காமலேயே வருவார் என்பது என் நம்பிக்கை. மற்றவர்களுக்கும் அறிமுகம் செய்வார். இங்கு தீனி என நான் சொல்வதில் பலவும் அடக்கம். வேறெங்கும் கிடைக்கா வித்தியாசமான சினிமா செய்திகள், நாட்டு நடப்புகள், அரசியல் அலசல்கள், நுட்பங்கள், நகைச்சுவைகள், கட்டுரைகள், சொந்த அனுபவங்கள் முதலான.

ஆனால் முழுக்க முழுக்க நம் படைப்பாய் இருக்க வேண்டும். சினிமா, அரசியல், கிரிக்கெட், வணிகம் சார்ந்த வலைப்பதிவுகளுக்கு பிரகாச எதிர்காலம் இருப்பது போல் தோன்றுகிறது.

வளர்ச்சியை பின்னூட்டங்கள் கொண்டு அளந்தால் சோர்ந்துதான் போவோம். ஒரு முறை வந்தவர் மீண்டும் நம் பதிவை தேடி வந்தால் அதுதான் உண்மையான வளர்ச்சி என்பேன்.

எல்லாரையும் திருப்திபடுத்த முடியாது. எனக்கு தெரிந்ததை, பிடித்ததை மட்டும் எழுத முயலுகிறேன் and ரொம்ப முக்கியமாய் trying to be cool with everybody.

தகவல், கடி, கிசுகிசு, பிடித்ததுவென கண்டதையும் இரு வரி பதிவுகளாய் எழுதிவந்த காலம் அது. தமிழ் வலைப்பதிவின் முன்னோடிகள் தமிழ் வலைப்பதிவுகள் பெருகவேண்டும் என்ற ஒரே நோக்கில் செயல்பட்டார்கள். அந்த காலத்திலேயே அநேக சீரியஸ் பதிவுகள் தமிழில் பல்வேறு துறைகள் பற்றியும் தொழில் நுட்பம் பற்றியும் எழுதப்பட்டன. நானோ ஒன்றுமில்லாதிருந்தேன்.

பாஸ்டன் பாலா அவர்கள் ஒருநாள் "ப்ரியமுடன் பிகேபி நாளை கிசுகிசு சொல்வார்!" என்று முதன்முதலாக தனது வலைப்பதிவு மூலம் என்னை அறிமுகப்படுத்திவைத்தார்.அவருக்கு என் நன்றிகள் எப்போதும் உண்டு.

அப்புறம் வந்த சில பதிவுகளில் முதன் முதலாக ஜே பி இரவிச்சந்திரன் பெங்களூர் அவர்கள் "இந்த லிங்க் என் மகனுக்கு மிக முக்கியமானதாக அமைந்துள்ளது" என பின்னூட்டமிட்டு ஒரு பாஸிட்டிவ் ஜாடை காட்டினார் .இரண்டு நாள் கழித்து முருகபூபதி அவர்கள் "மிகவும் உதவியான சுட்டிகள் நண்பரே. மிக்க நன்றி." என்றார். இவர்கள் இருவரும் இப்போதும் என் பதிவுகளை படிக்கின்றார்களோ இல்லையோ கொஞ்சம் யோசிக்க வைத்துவிட்டவர்கள்.

பயனுள்ள விஷயங்களை சொன்னால், பயனுள்ள விஷயங்களை தந்தால் அது எப்போதுமே தோற்காது என புரிந்தது. முயன்று பார்த்தேன்.

கடந்த இரண்டாம் தியதி I was so.. excited நமது வலைப்பதிவின் feed count முதன் முதலாக 1000 என்ற நான்கிலக்கத்தை எட்டியது.ஆமாம் நீங்கள் அந்த ஆயிரத்தில் ஒருவனாகும். சரியாக ஒரு வருடத்திற்கு முன்பு இதேநாள் நமது வலைப்பதிவின் feed count வெறும் 24 தான். இதை நான் எதற்கு சொல்கிறேன் என்றால் மற்ற தமிழ் பதிவர்களுக்கும் இது ஒரு உற்சாக மூட்டலாயிருக்குமே என்றுதான்.

பிராந்திய மொழி வலைப்பதிவுகளின் காலம் தொடங்கிவிட்டது என்றே நினைக்கின்றேன்.

அதுவும் தமிழில் நாம் எக்கசக்கம். போக வேண்டிய தூரம் வெகுதூரமாய் இருந்தாலும் பெருமையாக இருந்தது. இதையெல்லாம் கோபாலிடம் பெருமிதமாக சொல்லிக்கொண்டே வந்தேன். நம்மவர்கள் நடத்தும் "அந்தக்" கடை முன் வண்டியை திடீரென்று நிறுத்தினான். இங்கு பெரும்பாலான "அந்தக்" கடைகளையெல்லாம் நம்மாட்கள் தான் நடத்துகின்றார்கள். பல கேஸ் ஸ்டேஷன்களும், மோட்டல்களும் கூட இந்தியர்களுக்கு சொந்தமானவைதான். பல பாட்டில்களோடும் கேன்பெட்டிகளோடும் கோபால் திரும்ப வந்தான். "என்னடா இது" என்றேன்.
"Knockout" ஆகி ரொம்ப நாளாயிட்டது என்றான்.

கிறிஸ்தவ புத்தகம் "பரலோகமும் பாதாளமும்" இங்கே தமிழில் சிறு மென் புத்தகமாக. Paralogamum Paathaalamum Christian book in Tamil pdf ebook Download. Right click and Save.Download


Email PostDownload this post as PDF

Tuesday, June 10, 2008

உலகின் முதல் இணையதளம்

செவ்வாய் கிரகத்தில் தெரியாது.ஆனால் பூமியில் டிசம்பர் 1990 கணக்குப்படி ஒரே ஒரு இணையதளம் தான் இருந்தது. அதன் விலாசம் info.cern.ch அதற்கு சொந்தக்காரர் www-வை அதாவது html-ஐ கண்டு பிடித்த Tim Berners-Lee ஆவார். இன்றைக்கு வெப் 2.0 வெப் 3.0 வென போய்கொண்டிருக்கின்றோம். ஆனாலும் அன்றைக்கு அவர் முதன்முதலாய் நெய்த அந்த வலைப்பக்கத்தை இன்றைக்கும் பத்திரமாய் வைத்திருக்கின்றார்கள். நீங்கள் கீழ்கண்ட சுட்டி போய் அதை பார்க்கலாம்.
http://www.w3.org/History/19921103-hypertext/hypertext/WWW/TheProject.html
1990-ல் இவ்வெளிய பக்கத்தை உருவாக்க உங்களுக்குத் தெரிந்திருந்தால் நீங்கள் தான் பூமிப்பந்தை இணைய வலையில் சிக்கவைத்த ஜீனியஸ் சிலந்தியாய் இருந்திருப்பீர்கள்.

இந்த மே மாத கணக்குப்படி இணைய உருண்டையின் மொத்த இணையதளங்களின் எண்ணிக்கை என்ன தெரியுமா? 168,408,112 அபாரமானமான வளர்ச்சிதான். இத்தனை வெப்தளங்கள் உருவாக பல காரணங்கள் சொல்லப்பட்டாலும் ஒரு முக்கிய காரணமாய் அமைந்தது கூகிளின் அட்சென்ஸ் (Google Adsense) என்றால் மிகையாகாது.

தங்கள் இணையதளங்களில் ஓடும் விளம்பரங்களை கிளிக்கினால் மாதம் தோறும் காசோலை வீடு தேடி வரும் என்றதும் மெக்கானிக்கல், சிவில் மாணவன் கூட இணையதளம் தொடக்கினான். பல வெப்வித்தைகளை காட்டி சட்டம் சட்டமாய் விளம்பரங்களைப் போட்டு. இப்படி ஆடை அணிகலன்களோடும் நிர்வாணமாயும் ஆயிரம் ஆயிரம் தளங்கள்.

இத்தனை வெற்றிகரமான கூகிளின் ஆட்சென்ஸ் புராஜெக்ட்டை முன்னின்று நடத்தியவர் ஒரு இந்தியர் என்பது நமக்கெல்லாம் பெருமை. அவர் பெயர் கோகுல் ராஜாராம் (Gokul Rajaram). 2003-ல் கூகிளின் இந்த நுட்பம் வெளிவந்த பின்பு தான் கூகிளுக்கு காசு கொட்டோ கொட்டென கொட்டத் தொடங்கியது.அப்புறம் இணைய காட்டுக்கு இன்றுவரை கூகிள் தான் ராஜா.

ராஜாராம் கான்பூர் IIT யில் B.Tech முடித்து பின் MIT Sloan School of Management-ல் M.B.A-யும் M.S. in Computer Science-ம் முடித்தவர். ராஜாராம் பழைய நினைவுகளை சொலலும்போது “When we started adsense, it was just me and four engineers,” “The night before we launched, Sergey spent five hours with me testing the system and pointing out bugs.” என்கின்றார் மறக்க இயலாத நினைவுகளாக. இணையத்தின் போக்கையே மாற்றிய நாளல்லவா அது. இங்கு அவர் கூறும் "செர்ஜி" கூகிளை நிறுவிய நிறுவனர்களில் ஒருவர் ஆவார்.

ஆனாலும் கோகுல் ராஜாராம் இன்றைக்கு Xoogler ஆகிவிட்டார். அதாவது x-googler. மில்லியன்களை சம்பாதித்து விட்டு இனி தானே தனக்காக உழைக்கப்போவதாக chailabs.com தொடங்கியிருக்கிறார். அதன் விவரங்களெல்லாம் இப்போதைக்கு ரகசியமே. எதாவது வியப்பாய் சீக்கிரமாய் கொண்டு வருவார் என எல்லோரும் எதிர்பார்க்கின்றார்கள்.

இன்றைக்கு Google Adsense-ன் நிலமை அவ்வளவு பிரகாசமாய் இல்லை. மைஸ்பேஸ் சிறுவர்கள் கும்பலை நம்பி மில்லியன்களை கூகிள் செலவழித்து கையை தானே சுட்டுக் கொண்டிருக்கிறது. வருமானமும் கம்மி. கொஞ்ச காலமாய் இன்னோவேசனே இல்லை. இப்படி அநேக கம்ப்ளெயின்ட்கள். பல முக்கிய googler-கள் வேறு xoogler-கள் ஆகிக் கொண்டிருக்கின்றனர். இப்படி தொடர்ச்சியாய் மாற்றங்கள், உலகில் அது மட்டும்தானே மாறாதது.

கந்தசஷ்டிகவசம் தமிழிலும் ஆங்கிலத்திலும் Kanda Shasti Kavasam pdf in Tamil and English ebook Download. Right click and Save.Tamil Download and English Download


Email PostDownload this post as PDF

Monday, June 09, 2008

ஆக்கர் கடை

வடக்கே காயலான் கடை என்பார்கள். தெற்கே ஆக்கர் கடை என்போம். "பழைய ஈயம் பித்தளைக்கு பேரிச்சம்பழம்" எனக் கூவி மிதிவண்டி மிதித்து உழைப்போனுக்கு புரமோசன் அது. அதில் கூடச் சிலர், வந்த பழைய சப்பிப்போன டப்பா சரக்குகளிடையே தங்கம் கிடைத்து மாட மாளிகைகள் கட்டியதாகவும் கதைகள் கேள்விபட்டிருக்கின்றேன். கூவிக் கூவி விற்போனை ஆங்கிலத்தில் Hawker என்பர். அதுதான் ஆக்கர் ஆனதாவென தெரியவில்லை. அந்த அழுக்கான ஆக்கர் கடையிலும் கொட்டிக்கிடக்கும் புத்தகங்களில் எப்போதுமே ஒரு ஏக்கம் இருந்ததுண்டு.

ஆன்லைனிலும் உள்ளது பழைய மென்பொருள்களுக்கான காயலான் கடை. ஆனால் இலவசமாய். முன்பு கன்னாபின்னாவென பயன்படுத்தப்பட்டு இப்போது சுத்தமாய் நாம் மறந்து போன பல மென்பொருள்களை இங்கே கொட்டி வைத்திருக்கின்றார்கள். சும்மா தேவைப்பட்டால் போய் இறக்கம் செய்து நிறுவி கொஞ்சம் அந்தகாலத்துக்குப் போய் வரலாம்.
http://www.vetusware.com

அது போல பழைய டாஸ் கேம்களையும் இங்கே ஒரு ரசிகர் சேர்த்துவைத்திருக்கின்றார். அக்கால விருப்புக்களை தேடி ஆடி மகிழலாம்.
http://abandonia.com

வந்த பாதையை திரும்பிப்பார்த்தல் அது ஒரு இன்டரஸ்டிங் தான். இல்லையா?. வாழ்க்கையே வெங்காயம் போன்றது. ஒவ்வொரு ஏடாய் எடுத்துக் கொண்டே வாருங்கள். சில பொழுது கண்களில் நீர் வடியும். நிற்க.

இங்கே வழக்கமான ஒரு பிரச்சனை வரும். டாஸ் பயன்பாடுகளும் டாஸ் கேம்களும் இன்றைய கணிணிகளில் ஓடாதே என்பது தான். அதற்கு தீர்வாகத்தான் வந்திருக்கின்றது dosbox . இந்த இலவச பயன்பாடு உங்கள் பழைய Dos கேம்களையும் அப்ளிகேசன்களையும் எந்த கணிணியிலும் ஆட ஓட விடுகின்றது.முயன்று பாருங்கள்.
http://www.dosbox.com

ஒரு நிமிஷம்... இறக்கம் செய்யும் மென்பொருள்களை வைரஸ் சோதனை செய்து கொள்ளல் நல்லது அல்லவா? http://virusscan.jotti.org அல்லது http://www.virustotal.com போய் இறக்கம் செய்த அந்த பழைய மென்பொருள்களை இலவசமாய் ஒரு வைரஸ் செக்கப் செய்துகொள்ளல் உங்கள் கணிணிக்கு எப்போதுமே ஆரோக்கியம்.

அப்போ வரட்டா?


இஸ்லாமிய புத்தகம் சஹீஹீல் புகாரி இங்கே தமிழில் சிறு மென் புத்தகமாக. Islamic book Sahihi Buhari in Tamil pdf ebook Download. Right click and Save.Download


Email PostDownload this post as PDF

Sunday, June 08, 2008

பச்சக்கலரு சிங்கிசாங்

வலையுலகில் நல்ல பசங்ககளுக்கும் கெட்டப் பசங்ககளுக்கும் உள்ள தொடர் போரில் யார் வெற்றி பெறப் போகின்றார்கள் என்பது இன்னும் சஸ்பென்சாகவே உள்ளது.நல்ல பசங்க எட்டடி பாய்ந்தால், எங்கோ கணிணியே கதி என்று பேஸ்மென்டில் கிடக்கும் கெட்ட பயல்கள் பதினாறடி பாய்கின்றனர். முன்பெல்லாம் கணிணி ஹேக்கிங் என்பது ஒரு குறிப்பிட்ட சாராரின் ஆர்வமாகவும் பொழுது போக்காகவுமே இருந்து வந்தது. இப்போது அது முற்றிலும் உருமாறி வணிக ரீதியாகிக் கொண்டிருக்கின்றது. பேட்டை ரவுடிகளைப் போல் போட்டி பொறாமை உள்ள எதிரிகள் மீது கெட்ட பசங்ககளை ஏவிவிட்டுவிட்டு பின்பு அவர்களை காசுகொடுத்து சரிபண்ணுவது வரைக்கும் வந்துவிட்டது. முன்பெல்லாம் கணிணி வைரஸ்கள் உங்கள் கணிணியை தின்பதை பார்த்து, பெரு நிறுவனங்களை கலங்கடித்ததை பார்த்து அதை உருவாக்கியோர் மகிழ்ந்தனர். அதோடு விட்டு விட்டனர். இப்போது கணிணி வைரஸ் வழியாயும் ஏதாவது காசு பண்ணமுடியுமா வென்று பார்க்கின்றார்கள். விசேஷ நாட்கள் தோறும் மின்னஞ்சல் வாழ்த்து வடிவில் உலா வரும் இன்றைய புகழ்பெற்ற ஸ்டார்ம் வைரஸ் (Strom worm) உங்கள் கணிணியில் வந்து விட்டால் அவ்வளவு தான். அமைதியாய் இருந்துகொண்டு இணையம் வழி உங்களுக்கு பல விளம்பரங்களை பாப் செய்து காட்டுமாம். அது வழி அதை படைத்தோர் காசு பண்ணுகின்றார்கள்.தினமும் 2 மில்லியன் டாலர்கள். எப்படி இருக்குது கதை.

ஒரு இணையதளம் நம்பத்தகுந்த இணையதளம் தானா அதில் காசுகொடுக்கல் வாங்கல் தைரியமாக வைச்சுக்கலாமா இதை எப்படி கண்டறிவது? நல்ல பசங்க எல்லாம் ஒன்று சேர்ந்து Extended Validation SSL certificates -ன்னு ஒன்று கொண்டு வந்திருக்கின்றார்கள். பயந்துடாதீங்க. எல்லாரும் தெரிஞ்சுக்க வேண்டிய அத்யாவசிய விஷயம் தான் இது. அதாவது நீங்கள் இன்டர்நெட் எக்ஸ்ப்ளோரர் 7 வைத்திருந்தால் அதில் போய் www.paypal.com என டைப்புங்கள். சட்டென மேலிருக்கும் அந்த விலாசச்சட்டம் பச்சை நிறத்தில் மாறும். அதாவது பேபால் இணையதளம் பாதுகாப்பான இணையதளம். நீங்கள் பாதுகாப்பான இணைய பக்கத்தில் தான் இருக்கின்றீர்கள் என அது காட்டுகின்றதாம்.

பழைய SSL certificate உள்ள தளங்களில் பூட்டு ஒன்று தோன்றும் அது வழி அது பாதுகாப்பான இணைய பக்கம் என தெரிந்து கொள்ளலாம். ஆனால் அந்த விஷயம் கணிணியில் நாலும் தெரிந்தவர்களுக்கு மட்டுமே தெரியும்.சராசரிகளுக்கு தெரியாதல்லவா அதனால் தான் இப்படி கலர் போட்டு காட்ட முடிவெடுத்திருக்கின்றார்கள்.புதிதாக வெளிவரவிருக்கும் பயர்பாக்ஸ் பதிப்பு 3-ம் இது மாதிரி பச்சை வண்ணம் காட்டுமாம்.

ஆக இனி அட்ரஸ்பாரில் பச்சைவண்ணம் இருக்கும் வரை அப்பக்கத்தை நம்பி உங்கள் கடவுசொல்லை தட்டலாம். பச்சைநிறமில்லாவிட்டால்... உஷார் அது பிஷ்ஷிங்(போலி) சைட்டாக கூட இருக்கலாம்.இது சற்று புதிய தொழில் நுட்பமாதலால் அநேக வணிக இணையதளங்கள் இப்போதுதான் இதை நோக்கி நகர்ந்து கொண்டிருக்கின்றனர்.

சீப்பாகவும் எளிதாகவும் பழைய SSL certificate-கள் கிடைப்பதால் சமீபகாலமாக பல போலி தளங்கள் கூட அவைகளை வாங்கி பிரவுசரில் பூட்டு படம் காட்டி பொதுமக்களை ஏமாற்றிக் கொண்டிருப்பதால் நல்ல பசங்க இதுமாதிரி Extended Validation SSL certificates கொணாந்திருக்கிறார்கள். ஒரு EV சர்டிபிக்கேட் வாங்குவதற்குள் உயிர்போய்விடுமாம். ஏகப்பட்ட விலை. கன்னா பின்னாவென சோதனை சரிபார்த்தல் இருக்குமாதலால் கெட்டபசங்க கொஞ்சம் அடங்கி கிடப்பார்கள் என்பது நல்லதுகளின் எண்ணம்.

மரியாதைக்குரிய பேராசிரியர் சாலமன் பாப்பையா ஐயா அவர்களிடம் இதைச் சொன்னால் "அட இதெல்லாம் வெளங்குமாய்யா" என்பார். :)

உமா பாலகுமார் -ன் மவுனம் கலைந்த தேவதை! நாவல் இங்கே தமிழில் சிறு மென் புத்தகமாக. Uma Baalakumar Mounam Kalaintha Devathai! novel in Tamil pdf ebook Download. Right click and Save.Download


Email PostDownload this post as PDF

Thursday, June 05, 2008

வார்த்தைகளின் விளையாட்டு

"நான் ஒரு தமிழ் வழிக்கல்வி பாடத்திட்டத்தில் பயின்று இன்று நான் ஒரு கணிப்பொறியாளராக (SAP BW) பணியாற்றி வருகிறேன். இருப்பினும் என்னால் சரி வர ஆங்கிலம் பேச இயலவில்லை. இதனால் பல வாய்ப்புகளை இழந்துள்ளேன். ஆதலால் எளிய வகையில் ஆங்கிலம் பேச பழக வழிவகை அல்லது (மென்பொருள்) இருந்தால் கூறுமாறு கேட்டுக்கொள்கிறேன். இதை செய்தால் எனக்கு மட்டும் அல்ல என்போன்ற மக்களுக்கு இது ஒரு பெரிய உதவியாக இருக்கும்." இது நம்மூர் சதீஸின் குரல். இது போல ஒன்றிரண்டு அல்ல பல சதீஸ்கள் இருக்கின்றார்கள். தமிழ் வழிக் கல்வி பள்ளியில் படித்துவெளி வருவோருக்கு இது மிகப்பெரியதொரு சோதனையே. ரெபிடெக்ஸ் மட்டுமே படித்துக்கொண்டிருந்தால் ஆங்கிலம் வருவதில்லை என்பதற்கு நானே உதாரணம். ஆனால் ரெபிடெக்ஸ் படித்து, ஆங்கில நாளிதழ்கள் புரட்டியதால் பல ஆங்கில வார்த்தைகள் பரிச்சயமானது என்பது மட்டும் உண்மை.இங்கே தியரி பகுதியில் உறுதி பெறுகின்றீர்கள்.

அடுத்து பிராக்டிக்கல்.

கொஞ்சமும் தமிழே தெரியாத ஒரு நபரை விடாப்பிடியாக பிடித்து நண்பராக்கிக் கொண்டு ,இப்போது சென்னையில் இதொன்றும் கடினமல்லவே, ஆங்கிலத்தில் அவரோடு தத்தக்க பித்தக்கவென்றாவது உரையாடத் தொடங்குங்கள். சீக்கிரத்தில் எல்லாமே சரியாகிவிடும். ஆங்கில திரைப்படங்களை சப்டைட்டிலோடு ஆங்கிலம் கற்கும் நோக்கிலேயே மட்டும் பார்க்கலாம் .அமெரிக்கா வரைக்கும் வந்துட்டும் சன்டிவி மட்டுமே பார்த்துக் கொண்டிருந்தால் எப்போது லோக்கல் ஆங்கிலம் கற்றுக்கொள்வதாம்.தொலைபேசியை எடுக்கக்கூட பயப்படுகின்றார்கள். சன்டிவி இல்லாத தமிழ்வீடுகளில் பொடிசுகளும் பெருசுகளும் எளிதாய் அமெரிக்க ஆங்கிலம் பேசுவதை புரிந்துகொள்வதை பார்த்திருக்கின்றேன்.இரண்டும் வேண்டும் என்கின்ற கோஷ்டி நான்.

ஆங்கிலம் கற்றுக்கொள்ள உதவும் சில சுட்டிகள்
நண்பர் அருண் எழுதும் ஆங்கிலம் கற்றுக்கொள்வோர்க்கான விசேட வலைப்பதிவு
http://aangilam.blogspot.com

Learn To Speak English Version 8.1 (4 CDs Download)-Rapidshare Megaupload Links
http://www.silentground.org/forums/software/9217-learn-speak-english-version-8-1-vol-1-4-a.html

இனி சில சுவாரஸ்யங்கள்:

  • Public house என்ற வார்த்தை தான் சுருங்கி Pub-ஆகிப் போனதாம். அங்கு டான்ஸ் ஃப்ளோரில் நடனமாட சத்தமாய் பாட்டு போடும் நண்பரை DJ அல்லது Deejay என்போம். இவ்வார்த்தை Disc Jockey என்பதின் சுருக்கமாம். அங்கே நீங்கள் Naked-ஆய் (means unprotected) போகலாம் ஆனால் Nude-டாய் அல்ல (means unclothed). மீறிப்போனால் காவல் துறையினர் அதாவது Cop வருவார்கள். உண்மையில் அவ்வார்த்தை Constable on Patrol-லின் சுருக்கமாம்.இது எப்படி இருக்கு :)
  • பெரும்பாலான கடிகார விளம்பரங்களில் கடிகாரங்கள் 10:10-ஐ தான் காட்டி நிற்கும்.காலை பொழுதை AM என்கின்றோம் இது Ante meridiem என்னும் லத்தீன் வார்த்தையிலிருந்து வந்தது. மாலை பொழுதை PM என்கின்றோம் இது Post meridiem என்னும் லத்தீன் வார்த்தையிலிருந்து வந்தது.
  • United States அரசை Uncle Sam எனவும் கிண்டலாய் கூறுவர். அதன் பச்சை வண்ண டாலரை Greenback என்பர்.
  • Buck எனும் வார்த்தை டாலரை மட்டும் குறிப்பதற்கல்ல. அவரவர் நாணயத்தையும் பக் எனலாம்.
  • சாலைகளில் நேர்வழியாய் இல்லாமல் மாற்று வழியாய் செல்வதை Detour என்பர்.
  • அபார்ட்மென்ட் தேடும்போது பயன்படுத்தப்படும் BHK-யின் அர்த்தம் B-Bed Room-ஐயும் H-Hall( living room)-ஐயும் K-Kitchen-ஐயும் குறிக்கும்.
  • இந்துக்களின் பகவத்கீதை அதாவது பகவானின் கீதம் அல்லது "இறைவனின் பாடல்கள்" என பொருள்படும்.
  • இஸ்லாமியர்கள் பயன்படுத்தும் அசலாம் அலைக்கும் "சமாதானம் உங்களோடிருக்கட்டும்" என பொருள்படும்.
  • கிறிஸ்தவர்கள் பயன்படுத்தும் ஆமென் "அப்படியே ஆகட்டும்" என பொருள்படும்.
  • ஆங்கிலத்தில் ‘-dous’ என முடிவது இந்த நான்கு வார்த்தைகள் மட்டும் தான் tremendous, horrendous, stupendous, and hazardous
  • No word in the English language rhymes with month, orange, silver, and purple.
  • "The quick brown fox jumps over the lazy dog." என்ற வாக்கியம் ஆங்கிலத்தின் அனைத்து எழுத்துக்களையும் கொண்டுள்ளது.
  • Abcdef என்ற ஆறு எழுத்துக்களும் கொண்ட ஒரே குறுகிய வார்த்தை Feedback.
  • ஆங்கில தட்டச்சுபலகையின் ஒரே ஒரு வரிசையை மட்டும் பயன்படுத்தி நம்மால் தட்டமுடியும் மிக நீளமான வார்த்தை Typewriter.
  • "Stewardesses" is the longest word that is typed with only the left hand.
  • The only 15 letter word that can be spelled without repeating a letter is "uncopyrightable".
  • The longest word in the English language, according to the Oxford English Dictionary, is "pneumonoultramicroscopicsilicovolcanoconiosis". The only other word with the same amount of letters is "pneumonoultramicroscopicsilicovolcanoconioses", its plural.
  • லாஸ் ஏஞ்சலஸ் நகரின் ஆரம்பகாலப்பெயர் "El Pueblo de Nuestra Señora la Reina de los Ángeles de Porciuncula."
  • உலகிலேயே நீளமான பெயரைக் கொண்ட இடம் நியூசிலாந்திலுள்ளது. (படம்) Taumata­whakatangihanga­koauau­o­tamatea­turipukaka ­pikimaunga ­horo­nuku­pokaiwhenua­kitana­tahu (85 letters).
  • உலகிலேயே குறுகிய பெயரைக் கொண்ட இடம் நார்வேயிலுள்ளது. (படம்) A (1 letter)
  • Question: A word in which first 2letters means male,first 3letters means female,first 4letters means male & the whole word means female? Answer: Heroine

பழனியப்பா பிரதர்ஸ் பால்ஸ் ஈ ஆங்கிலம்-ஆங்கிலம்-தமிழ் டிஷ்னரி இங்கே சிறு மென்பொருளாக. Palaniappa Bros Pals English - English - Tamil e-Dictionary software Download. Right click and Save.Download


Email PostDownload this post as PDF

Wednesday, June 04, 2008

கிரெடிட் கார்டு ரோபோ

பரிமளாவின் இந்தியப்பயணம் இப்படி ஒரு படுதோல்வியில் முடியும் என்று நாங்கள் யாரும் எதிர்பார்க்கவில்லை. ஆனால் கோபாலுக்கு மட்டும் மகிழ்ச்சியே.இங்கே ஒரு சின்ன ப்ளாஷ் பேக். பரியின் முதல் திருமணம் விவாகரத்தில் முடிந்தது எங்களுக்கெல்லாம் தெரியும்.ஆனால் அதற்கான காரணம் யாருக்கும் தெரியாது.அவள் யாரிடமும் சொன்னதும் இல்லை.பரி இந்தக்கால சில பெண்டிரைப்போலவே ஒரு துடுதுடுப்பான வகை.எல்லாரிடமும் கல கல வென பேசுவாள்.இதில் ஆணெண்றும் பெண்ணென்றும் கிடையாது.அப்போதுதான் புதுசாய் அறிமுகமானவர்களிடம்கூட மட மட வெனப் பேசுவாள்.கொஞ்சம் நேரம் பேசிக்கொண்டிருந்தால் நமக்கு இவள் ஒரு குழந்தையோவெனத் தோன்றும். அவள் அணியும் ஆடைகள் மட்டும் விழுந்துவிடுமோ பறந்துவிடுமோவென அச்சமூட்டும். அவளின் முதல் திருமணத் தோல்விக்கு இதில் ஒன்றுதான் காரணமா இல்லை நாமறியா வேறொன்றா தெரியாது.எனினும் சந்தேக நோய் எளிதாய் எந்த இல்லறத்தையும் கொன்றிடும் என நமக்கெல்லாம் தெரியுமன்றோ.

இது சமீபத்தில் நடந்தது.அந்த கேரளத்து ஆண்நண்பர் இணைய சாட்டிங்கின் மூலம் அறிமுகமாகியிருக்கின்றான். நன்றாகவே ஆன்லைனில் கொஞ்சநாள் பழகியிருக்கின்றார்கள். சில மாத அரட்டையில் இவளுக்கு தெரிந்தது அவர் கேரளாவில் இருக்கின்றார், 2 எஸ்டேட்கள், ஒரு பங்களா, சில கார்களுக்கு சொந்தக்காரர்,அவரும் இவளைப் போலவே முதல் திருமணத்தில் தோல்விகண்டவராம். இந்தியா போய் அவரை சந்தித்து திருமணம் செய்து கொண்டு திரும்ப வருவது தான் அவளின் நோக்கமாய் இருந்தது.

ஊர் வந்து பார்த்த பின்பு தான் தெரிந்தது அது ஒரு பிராடு பேர்வழி என்று.தப்பித்தோம்டா தம்பிரான் புண்ணியமென போன வேகத்திலேயே திரும்பிவந்து விட்டாள்.இப்போது அவள் still looking.

நேற்று பேசிக்கொண்டிருக்கும் போது அவள் கிரெடிட் கார்ட்டு பற்றிய பேச்சு வந்தது."பிகேபி, கேன் ஐ ஆஸ்க் யூ சம்திங். கிரெடிட் கார்ட்டின் பிராடு அலர்ட் சிஸ்டம் எப்படி வொர்க் ஆகுதுப்பா.ஆச்சரியமாய் இருக்குது.நான் இல்லாமல் வேறு யாராவது என் கிரெடிட் கார்டை பயன்படுத்தினால் அதெப்படி அவர்கள் கண்டு பிடிக்கின்றார்கள்."

புத்திசாலித்தனமாக கேள்வி.சீரியசாகவே அவள் கேட்பது போலிருந்தது.

வழக்கமாக வியாக்கியானம் சொல்ல ஆரம்பித்தேன்.
"கிரெடிட் கார்டு கம்பெனிகளின் ரோபோக்கள் ரொம்ப ரொம்ப புத்திசாலித்தனமானவை. ரோபோ என்றதுமே கை கால் தலையுடன் கூடிய மனித எந்திரமென நினைத்து விடாதே. நான் சொல்லும் ரோபோ ஒரு மென்பொருள்.இடைவிடாது செர்வரில் இயங்கிக்கொண்டிருக்கும் ஒரு சாப்ட்வேர் சர்வீஸ். நீ கடனட்டை வாங்கின காலத்திலிருந்தே அதற்கு உன்னை நன்றாகத்தெரியும். நீ இந்த உலகின் எந்த பிராந்தியத்தில் வசிக்கின்றாய். எந்தெந்த மால்களுக்கு செல்கின்றாய். என்னென்ன வாங்குகிறாய்,எங்கெல்லாம் போகின்றாய்,அதிக பட்சம் எவ்வளவு நீ செலவு செய்வாய் இதெல்லாம் அதற்குத் தெரியும். ஆக உன் செலவு செய்யும் பழக்க வழக்கம் அதாவது உன் spending pattern அதற்கு நன்றாகவே தெரியும்.இதில் எதாவது ஒரு அப்நார்மல் அதாவது அசாதாரண சம்பவம் நடந்தால் உடனே அந்த ரோபோ குரல் கொடுக்கத் தொடங்கிவிடும். நீ நியூயார்க்கில் இருப்பது அந்த ரோபோவுக்குத் தெரியும். உன் கிரெடிட்கார்டு தகவல்கள் திருடுபோய் அது சீனாவில் ஒரு திருடனால் பயன்படுத்தப்பட்டால் ரோபோ உஷாராகிவிடும். அதுபோலத்தான் உன் வழக்கத்துக்கு மாறாக அதிகமாய் உன் கணக்கில் பணம் செலவு செய்யப்பட்டாலும் அய்யாள் கொடிதூக்கி அலர்ட் அனுப்பிவிடுவார். இப்படித்தான் உன் கிரெடிட்கார்டும் தானாகவே உஷார்படுத்தப்பட்டு நிறுத்தப்பட்டுப்போயிருக்கும். இதெல்லாம் தாண்டி நாமும் ஒவ்வொரு மாதமும் கடனட்டை அறிக்கை வரும் போது வரி வரியாய் சரிபார்ப்பது நமக்கு நல்லது.அது போல உன் ஆன்லைன் கிரெடிட்கார்டு அக்கவுண்டில் கூட ஒரு குறிப்பிட்ட அளவுக்கும் மேல் பேலன்ஸ் போனால் அலெர்ட் அனுப்பவும் செட்டிங் செய்து வைத்திருப்பது நல்லது "என்றேன்.

ஆர்வமாய் கேட்டுக்கொண்டே இருந்தாள்.
பக்கத்தில் நின்று கொண்டிருந்த கோபால் ஏதோ எனக்கு சொல்லும் சங்கேதமாக கனைத்தான். எனக்கு புரிந்தது.
கோபாலும் பரியும் நேகாவும் ஜெர்ஸிகார்டன்ஸ் மாலுக்கு கிளம்பினார்கள்.


அ.முத்துலிங்கம் கதைகள் இங்கே தமிழில் சிறு மென் புத்தகமாக. A. Muthulingam Kathaigal in Tamil Stories pdf ebook Download. Right click and Save.Download


Email PostDownload this post as PDF

Tuesday, June 03, 2008

போலி வெப்கேமும் சில சுட்டிகளும்

ஏதாவது ஒரு மெசெஞ்சரில் சாட்டிங்கில் இருக்கின்றீர்கள்.உங்களிடம் வெப்கேமே இல்லை.எனினும் மறுமுனையில் இருப்பவரிடம் உங்களிடம் வெப்கேம் இருப்பது போல் பாவ்லா காட்ட ஆசையா?.அவர் போன்றோர்க்கு உதவுவது தான் இந்த போலி வெப்கேம். Fakewebcam இந்த மென்பொருளை நிறுவிவிட்டு பின் அதில் ஒரு போலி வெப்கேம் வீடியோவை ஓட விட்டு விட்டால் மறுமுனை மனசு அதை உண்மையென்றே நம்பிவிடுமாம். டைப்புவதில் மட்டும் அல்ல வெப்கேமில் தோன்றுபவரிலும் பொய் இருக்கலாம்.உசாராயிருங்கள் அவதார்களே.

கூகிளில் inurl:view/index:shtml அல்லது inurl:viewerframe?mode= எனத் தேடினால் ஆயிரக்கணக்கான திறந்த கேமராக்கள் உங்கள் பார்வைக்கு வரும்.அதெல்லாம் அங்காங்கே ரோடுகளிலும் ஓட்டல்களிலும் பார்க்குகளிலும் ஒழுங்காக பாதுகாக்கப்படாத CCTV security கேமராக்கள்.சிலவற்றை கிளிக்கினால் இன்டரஸ்டிங் காட்சிகள் கூட உங்களுக்கு கிட்டலாம். இதை பார்வையிட Axis Live View அல்லது live applet அல்லது webview livescope இதிலெதாவது ஒரு ஆக்டிவெக்ஸ் கன்ட்ரோல் நீங்கள் நிறுவ அனுமதிக்க வேண்டிவரும். அவ்வளவுதான்.முழுக் கேமராவும் உங்கள் கைபிடிக்குள் வந்து விடும். இஷ்டப்படி கேமராவை மேலே கீழே இடது வலது வென நகர்த்தலாம்.கேமரா தானாகவே நகர்வதை பார்த்து அங்கிருந்து நோக்கும் அன்னியர்கள் சற்று கிலியிலேயே கேமராவை பார்ப்பர்.

உதாரணத்துக்கு கீழ்கண்ட சுட்டியைப் பாருங்கள்.எங்கோ ஒரு ரெஸ்டாரன்டின் பாதுகாப்பு கேமரா பாதுகாப்பேயின்றி.
http://yamucha.miemasu.net:81/ViewerFrame?Mode=Motion&Language=1

இது இன்னொன்று.உலகின் எங்கோ ஒரு தெருமுனை.
நான் பார்த்ததிலேயே மிக வேகமாக ஸ்டிரீம் செய்யும் கேமரா.லைவ்வாய் உலகை காட்டுகின்றது.
http://213.196.182.244/view/index.shtml

கீழ்க்கண்ட இணையதளத்தில் இதுமாதிரி ஏகப்பட்ட அனாதை கேமராக்களை கண்டுபிடித்து உங்களுக்காக கண்காட்சி போல் அடுக்கிவைத்திருக்கின்றார்கள்.
http://www.opentopia.com/hiddencam.php

இந்தியாவிலும் ஏன் சென்னையிலும் இது போல் கேமராக்கள் சாலைகளிலுள்ளதுவென கீழ் கண்ட சுட்டியில் சொல்கின்றார்கள்.எதுவும் வேலை செய்வதாய் தெரியவில்லை.
http://www.webcamgalore.com/EN/India/countrycam-0.html

நியூஜெர்ஸி டர்ன்பைக்கில் டிராபிக் எப்படி இருக்குதுவென கேமரா வழி பார்க்க நாங்கள் அடிக்கடி பயன்படுத்தும் சுட்டி இது.
http://www.state.nj.us/transportation/traffic/cameras/

"கணிணி மொழி சி ஒரு அறிமுகம்" தமிழில் பிடிஎப் பக்கங்கள் Introduction to C in Tamil pdf pages download. Right click and Save.Download


Email PostDownload this post as PDF

Monday, June 02, 2008

வெப்கேம் ஹேக்கிங் பகுதி 2


கடந்த பதிவில் நம்மிடையே அறிமுகமான ரவி போன்றோர்களிடமிருந்து உங்கள் கணிணியை பாதுகாப்பது எப்படி?
முதலாவது உங்கள் இல்லக் கணிணி அல்லது மடிக்கணிணியை இயக்க யாருக்கும் அனுமதி அளிக்கவேண்டாம்.அப்படியே அனுமதி அளித்தாலும் அவர்கள் பக்கத்திலேயே அமர்ந்து இருந்து அவர்கள் நடவடிக்கையை பார்த்தும் பார்க்காததும் போல் இருப்பது நல்லது.முக்கியமாய் உங்கள் கணிணியை சரி செய்ய வரும் கணிணி வல்லுனர்கள் கூட அவர்கள் அருகிலேயே அமர்ந்து அவர்கள் செய்யும் விஷயங்களை மேலோட்டமாய் பார்வையிடுதல் நல்லது. சாதாரணமாய் பேச்சு கொடுத்து அவர்கள் இப்போது என்ன செய்து கொண்டிருக்கிறார்கள், என்ன செய்யப்போகின்றார்கள் என கேட்டு தெரிந்து கொள்வது ஒன்றும் தவறல்ல.

இரண்டாவதாய் உங்கள் கணிணியின் அட்மின் கணக்கை ஒரு போதும் சாதாரணமாய் உங்கள் கணிணியில் நுழைவதற்காக பயன்படுத்தாதீர்கள். அட்மின் கணக்கு மற்றும் அதன் கடவுசொல் உங்களுக்கு தெரிந்திருந்தாலும் அதன் வழி உங்கள் கணிணியில் நுழைவதை நீங்கள் பழக்கமாய் வைத்திராமல் உங்களுக்கென உங்கள் பெயரில் தனி பயனர் கணக்கு வைத்திருத்தல் நல்லது. அட்மின் கடவுசொல் உங்களிடம் எப்போதும் ரகசியமாகவே இருக்கட்டும். ரவி போன்ற நண்பர்கள் உங்கள் கணிணியை இயக்க அடிக்கடி கேட்பார்களாயின் அவர்போன்றோர்களுக்கென தனியாய் ஒரு விருந்தினர் பயனர் கணக்கு உருவாக்கி வைத்திருத்தல் எப்போதுமே நல்லது.

மூன்றாவதாய் உங்கள் கணிணியின் வின்டோஸ் ஃபயர்வால் எப்போதும் இயங்குநிலையிலேயே இருக்கட்டும். Windows XP SP2 முதல் இந்த ஃபயர்வால் அடிப்படையிலேயே இயங்குநிலையிலேயே இருக்கும்.ஆதலால் கவலையில்லை.அதை விட வலிமையான ஃபயர்வால் உங்களிடம் இருக்குமானால் சூப்பர் தான் போங்கள்.

என் அப்பார்ட்மென்டிற்குள் நுழைய ஒரே ஒரு கதவு தான் உள்ளது.அது வழியாய் நானும் நண்பன் கோபாலும் வந்து போவோம்.
இரு ஜன்னல்கள் உள்ளன அது வழியாய் காற்று வந்து போகும்.
சமையலறையின் புகைபோக்கிவழியாய் புகை வெளியே போகும்.
ஆக இவைகள் தான் என் வீட்டில் ஏதாவது நுழைய வழிகள். அவற்றை சரியான சமயத்தில் சரியாய் மூடி பாதுகாக்க வேண்டியது என் கடமை.

இதையெல்லாம் தாண்டி ஏதோ ஒரு வழியாய் திருடன் என் வீட்டில் நுழைந்து விட்டான் எனில் என் வீட்டில் ஏதோ ஒரு வழி அடைபடாமல் இருக்கின்றது என்று தானே அர்த்தம்.

அது போலத்தான் கணிணியில் அப்ளிகேஷன்கள் வந்து போக வழிபோல் Port-கள் உள்ளன.Http Web, Email போன்ற நல்லவர்கள் சில போர்ட்கள் வழி உங்கள் கணிணியுள் நுழைவார்கள்.உங்களுக்கு அது நல்லது தான். ஆனால் ரவி போன்றார் உங்கள் கணிணியில் நுழைந்து சில ரகசிய சுரங்கபாதைகளை தோண்டி வைத்துவிட்டுப் போனால்...
அப்புறமாய் தேவையானபோது உங்களுக்கே தெரியாமல் வந்து போகலாமே அதற்குத் தான்.
இது போன்ற அநாவசிய வழிகளை அதாவது தேவையற்ற போர்ட்களை அடைப்பது தான் ஃபயர்வாலின் வேலை.

இன்னும் ஒரு படி மேலே போய் "இல்லை பிகேபி எனக்கு நீங்கள் சொல்வது புரிகின்றது. ஆனால் என் கணிணியில் என்னென்ன போர்ட்டுகள் திறந்துள்ளன.அதை யாரெல்லாம் பயன்படுத்துக்கிறார்கள்" என நான் தெரிந்து கொள்ளலாமாவென நீங்கள் கேட்டால் அடடா நீங்கள் கலக்கிட்டீங்க.

இங்கே ஒரு மென்பொருளுக்கான சுட்டியை கொடுத்துள்ளேன் அதன் பெயர் CurrPorts
http://www.nirsoft.net/utils/cports.html

இது உங்கள் கணிணியில் தற்போது என்னென்ன மென்பொருள்கள் என்னென்ன போர்ட்களை பயன் படுத்துகின்றனவென அழகாய் காட்டும்.சந்தேகத்துக்கிடமான ரவி நிறுவிய பயன்பாடுகளையும் அதன் போர்ட்களையும் கூட இது காட்டும்.(படம்) நீங்கள் உஷாராகி அந்த ரவியின் சுரங்கப்பாதையை ஃபயர்வால் கொண்டு அடைப்பதோடு அம்மென்பொருளையும் உங்கள் கணிணியிலிருந்து நீக்கிவிடலாம். CurrPorts automatically mark with pink color suspicious TCP/UDP ports owned by unidentified applications (Applications without version information and icons)

இறுதியாய் ஆனால் உறுதியாய் நல்ல ஆன்டிவைரஸ் எப்போதுமே தேவையான ஒன்று.

அடிக்கடி பயன்பாட்டிலுள்ள போர்ட் எண்களின் வரிசையை நீங்கள் இங்கே காணலாம்.
List of Common TCPIP port numbers.pdf

அனைத்து போர்ட் எண்களின் வரிசையையும் நீங்கள் இங்கே காணலாம்.
All port numbers list

உடப்பூர் வீரசொக்கன் "கங்கை நீர் வற்றவில்லை" கவிதை தொகுதி இங்கே தமிழில் சிறு மென் புத்தகமாக. Udappur Veerachokkan kavithaikal "Gangai Neer Vatravillai" in Tamil pdf ebook Download. Right click and Save.Download


Email PostDownload this post as PDF

Sunday, June 01, 2008

வெப்கேம் ஹேக்கிங் பகுதி 1

வெப்கேம் ஹேக்கிங் பற்றி சமீபகாலமாக அநேக கேள்விகள் கேட்கப்படுகின்றன."அன்பு பிகேபிக்கு! எனது நண்பர்கள் கூறிய கதை கதையா உண்மையா என்று நீங்கள்தான் சொல்ல வேண்டும்.வேறொருவர் வெப்கேமை அவரது அனுமதியில்லாமல் மற்றொருவர் பார்க்க முடியும் அவர்கள் webcam hackers என அழைக்கப்படுவார்கள். பிகேபி இதற்கு தங்களின் பதில்.is it possible?" இது தென்றல் சங்கர்."Can any one see the webcam broadcasting (in yahoo messenger) without getting permission from the broadcaster? please reply in detail." இது இன்னொருவர்.

இதற்கு பதில் "நினைத்தால் முடியாதது எதுவும் இல்லை" என்பது தான்.

மூன்று வழிகளை என்னால் ஊகிக்க முடிகின்றது.

முதல் வழி நீங்கள் பயன் படுத்தும் யாகூ அல்லது MSN மெசஞ்சர் மென்பொருளிலுள்ள தவறுகளை (Bugs) ஆதாயமாக எடுத்துக் கொண்டு நம்ம பசங்க புகுந்து விளையாடுதல். இவ்வகையான தாக்குதல்கள் மிக மிக அபூர்வம் ஏனெனில் இது போன்ற Bugs இருப்பது தெரிய வந்ததுமே சம்பந்தப்பட்ட நிறுவனங்கள் உடனடியாக உஷாராகி Bug Fix அல்லது அப்டேட் வெளியிடுவது வழக்கம்.ஆக முதல் முக்கியமான விஷயம் Keep your softwares up to date.

இரண்டாவதாக எனக்கு தோன்றுவது மெசெஞ்சரில் யாரோ ஒரு முகம் தெரியா நபர் தோன்றி கவர்ச்சியாய் பேசி ஒரு சுட்டியை சொல்லி அதை கிளிக்கச் சொன்னால் கிளிக்காதீர்கள்.அதிலும் முக்கியமாய் Active x control இறக்கவா வேண்டாவாவென உங்கள் கணிணி கேட்டால் வேண்டவே வேண்டாமென சொல்லுங்கள். இந்த ஆக்டிவெக்ஸ் கண்ட்ராவிகளுக்குள் மறைந்திருக்கும் மர்மங்கள் நமக்கு வெளியே தெரிவதில்லை.அது மிகப் பெரிய ஆபத்தாக முடிய வாய்ப்புகள் உண்டு.அது வழியும் வெப்கேம்கள் ஹேக்கிங் செய்யப்படலாம்.

மூன்றாவது முறை மிகப் பயங்கரமானது.மிக எளிதானது. இது வழியாய் தான் அநேக வெப்கேம்கள் ஹேக்கிங் செய்யப்படுகின்றன.

இந்த சனிக்கிழமை மனோஜ் தனது பெசன்ட் நகர் வீட்டில் பார்ட்டி வைத்திருந்தான்.10 மணிக்கெல்லாம் திபு திபுவென இளஞ்ஞிகளும் இளைஞர்களும் ஒரே கும்பலாய் பானங்களில் மூழ்கிகிடந்தனர். உச்சஸ்தாயில் "தீப்பிடிக்க தீப்பிடிக்க" பாட்டு வேறு.மனோஜின் கணிணி மட்டும் ஒரு மூலையில் அமைதியாய் யார் கவனிப்புமின்றி அனாதையாய் இருந்தது.
"மனோஜ்! கேன் யூ டூ மீ எ பேவர்.ஐ வான் டு செக் மை மெயில். டு யூ மைன்ட்? ப்ளீஸ்" இது கில்லாடி ரவி.
பேதை மனோஜூம் "ஓ ஸ்யூர்" என பார்ட்டி ஆத்திர அவசரத்தில் கணிணியை அவனுக்கு திறந்து விட்டான்.
RAT அதாவது Remote administration tool-களில் கொட்டை போட்ட ரவி தான் கையோடு கொண்டு வந்திருந்த பேனாடிரைவிலிருந்து அந்த சிறு RAT மென்பொருளை கண் இமைக்கும் நேரத்தில் அவன் கணிணியில் நிறுவினான். பின் நல்ல பிள்ளை போல கழன்றுவிட்டான்.
இப்போது இந்த கணிணி மனோஜ்க்கு சொந்தமானது தான் ஆனால் ரவிக்கு இது அடிமை.

ரவி எங்கிருந்து வேண்டுமானாலும் இனிமேல் இந்த கணிணியின்மேல் ஆளுகை செய்யலாம். அடுத்த முறை மனோஜ் கணிணியிலிருக்கும் போது அவனுக்கே தெரியாமல் ரவியால் அந்த வெப் கேமை இணையம் வழி ஆன் செய்ய முடியும்.அதை பார்வையிட முடியும்.இன்னும் எல்லா அநியாயங்களும் செய்ய முடியும்.

ProRAT http://www.prorat.net
Poisonivy http://www.poisonivy-rat.com
Turkojan http://www.turkojan.com
போன்ற ட்ரோஜன் மென்பொருள்கள் இவற்றிற்கு பிரபலம்.பெரும்பாலும் இவை இணையத்தில் இலவசமாகவே கிடைக்கின்றன.

கலியுலகில் யார் ரவி யார் அப்பாவி என கண்டுபிடிப்பது கடினமல்லவா? அப்போ இந்த மாதிரியான ஹேக்கிங்கை தடுப்பது எப்படி? உங்கள் கணிணியில் ஏற்கனவே இது மாதிரியான மென்பொருள்கள் நிறுவப்பட்டு உள்ளனவாவென எப்படி கண்டுபிடிப்பது?
இதற்கான பதிலை நமது அடுத்தப் பதிவில் பார்க்கலாம்.

ஒரு முக்கிய விஷயம்.

இங்கு சொல்லப்படும் தகவல்கள் எல்லாம் Educational purpose only.யாரையும் ரவி போல தவறான பாதையில் போக தூண்டிவிடும் நோக்கத்தில் அல்ல.
அதையும் மீறி ஹேக்கிங் செய்ய நினைப்போர் ஒரு முறை கீழ்கண்ட சுட்டி போய் Indian Information Technology Act, 2000 -யை படிப்பது நல்லது.
http://www.vakilno1.com/bareacts/informationtechnologyact/informationtechnologyact.htm

கவியரசு வைரமுத்துவின் கவிதை வரிகள் அவர் சொந்த குரலில்.Kaviarasu Vairamuthu Kavithai Varikal In his own voice in Tamil mp3 audio format Download.Download


Email PostDownload this post as PDF
Related Posts Plugin for WordPress, Blogger...

சமீபத்திய பின்னூட்டங்கள்