உங்கள் கேள்விகளை இங்கே பதிவு செய்யுங்கள்

From Blog.PKP.in

Thursday, August 30, 2007

கைக்கு எட்ட எட்ட அது விஞ்ஞானம்


ஒரு காலத்தில் கடவுளின் செயலாய் கருதப்பட்டவையெல்லாம் விஞ்ஞானத்தின் வளர்ச்சியால் இன்று சர்வ சாதாரணமாகி வருகின்றன. உதாரணமாய் அம்மைபோடுதல் முதலான நோய்கள் அப்போது கடவுளின் செயலாக கருதப்பட்டது.இன்று விஞ்ஞானம் அதற்கு வித்தியாசமான விளக்கம் அளித்து மருந்தும் தருகின்றது.

இன்னொரு உதாரணம்.50 வருடங்களுக்கு முன்போர் அதிகாலையில் ஒரு கிராமத்தான் வீட்டுக்கு வெளியே வந்து வானத்தை அண்ணாந்து பார்க்கின்றான் என வைத்துக்கொள்வோம்.வானில் என்னமோ ஒரு வார்த்தை எழுதப்பட்டிருக்கின்றது.அவ்வளவுதான் அது தெய்வ செயலாய் தெரிந்திருக்கும்.ஊரே அலறியிருக்கும்.வேற்றுகிரக வாழ் ஏலியனின் சதியோவென பயந்திருக்கும்.

இன்று அது எளிதாய் சாத்தியமாகின்றது.SKYWRITING அல்லது SKYTYPING என்கின்றார்கள்.வானில் ஏதோ எழுதியிருக்க சர்வ சாதாரணமாய் அதை பார்த்துக்கொண்டே நிலக்கடலை கொரிக்கின்றோம்.
வானத்தையும் விளம்பரத்துக்கு வசதியாய் வசப்படுத்திக்கொண்டு வருகின்றான் மனிதன். "Stick no bills"-னு கடவுள் தான் தன் சுவற்றை காப்பாற்றிக் கொள்ள வேண்டும்.

ஆக கைக்கு எட்ட எட்ட அதை விஞ்ஞானம் என்போம். கைகெட்டாததை கடவுளாக்கிவிடுவோம். அப்போதான் நமக்கும் நிம்மதி.

More details
http://www.sky-writing.com


Email PostDownload this post as PDF

Tuesday, August 28, 2007

கிலோ கணக்கில் சேட்டலைட்கள்

நானோ டெக்னாலஜியின் உபயத்தால் பெரிது பெரிதாய் அரக்கத்தனமாய் இருந்தவையெல்லாம் இப்போது பொடியன்களாய் மாறி வருகின்றன.சேட்டிலைட்களெல்லாம் முன்பு டன் கணக்கில் பேசப்பட்டன.இப்போது கிலோ கிராம் கணக்கில் சேட்டிலைட்கள் தயாரிக்கப்படுகின்றன. சமீபத்தில் இஸ்ரேல் ஏவிய மினி உளவு சேட்டிலைட்டின் (Ofeq 7) எடை முன்னூறு கிலோ கிராம்களே.மினி சாட்டிலைட்டை அடுத்து இந்த வரிசையில் மைக்ரோ சாட்டிலைட்கள்,நானோ சாட்டிலைட்கள் என சீக்கிரத்தில் தயாரிக்கப்படலாம்.

இஸ்ரேல் நாடு இருக்கும் இடம் லாகவமாய் இல்லாத காரணத்தால் அந்நாட்டின் அடுத்த உளவு சாட்டிலைட்டான, 260 கிலோகிராம் எடைகளே கொண்ட TechSar இந்தியாவின் ஸ்ரிகரிகோட்டாவிலிருந்து செப்டம்பர் மாதத்தில் ஏவப்படுமாம். இஸ்ரேலின் Shavit எனப்படும் ராக்கெட் கடந்த 2004-ல் மத்திய தரைக்கடலில் விழுந்து தோல்வியில் முடிந்தது.இந்தியாவின் அடுத்தடுத்த வெற்றியாலும், இந்தியாவின் PSLV ராக்கெட் மேலுள்ள அதீத நம்பிக்கையாலும் அவர்கள் இந்தியாவின் உதவியை நாடியிருக்கிறார்களாம்.ஏதோ சில ராணுவ ஒப்பந்தங்கள் இருக்கலாம்.

இவ்வாறு சாட்டிலைட்களின் எடை சிறிதாகிக்கொண்டே வருவதால் சீக்கிரத்தில் Boeing 747 போன்ற சரக்கு விமானத்திலிருந்தோ அல்லது F-15 போன்ற போர் விமானத்தில் பறந்தவாறோ சேட்டிலைட்களை ஏவ முயன்று வருகின்றார்கள்.அது வெற்றிகரமாய் முடிந்தால் பெரிதாய் கவுண்டவுன்கள் எதுவும் இல்லாது சென்னையிலிருந்து டெல்லி போகும் வழியில் போகிற போக்கில் விமானத்தில் பறந்தவாறே நாலு சேட்டிலைட்கள் ஏவுவார்கள்.
(படம் - ஒரு மாடல் நானோசாட்)


Email PostDownload this post as PDF

Monday, August 27, 2007

தெரு தெருவாய் படம் எடுக்கும் கூகிள் வேன்கள்

கூகிள் சமீபத்தில் தனது மேப்பில் Street View என்னும் புதிய சேவையை அறிமுகப்படுத்தியது. இதன்படி ஒரு குறிப்பிட்ட நகரின் ஒரு குறிப்பிட்ட தெருவுக்கு நீங்கள் விர்சுவலாகப்போய் அத்தெரு எப்படி இருக்கும் என பார்க்கலாம்.அதாவது இணையத்தில் அத்தெருவில் நின்றவாறே 360 டிகிரிக்கும் சுற்றிப் பார்க்கலாம். நியூயார்க் நகரின் லிவிங்ஸ்டன் அவெனியுவில் உள்ள சரவணாஸ் சைவ உணவகம் தான் நீங்கள் படத்தில் பார்ப்பது. சிவப்பு கலர் SaravanaS போர்டுக்கு கீழே நம்மாட்கள் பசியாய் சாப்பிட வெளியே காத்துநிற்கின்றார்கள். சைவ உணவுடன் இங்கே கிங்பிஷரும் கிடைக்கும் என்பது விஷேசம். சரவணபவன் என்ற பெயரை வேறொரு நிறுவனம் முன்கூட்டியே பதிவுசெய்துவிட்டதால் சரவணாஸ் என பெயராயிற்றாம்.

Link to Saravanas Streetview

சரி நம் விஷயத்துக்கு வருவோம்.

இது போன்ற immersive எனப்படும் மூழ்கு படங்களை எடுக்க அமெரிக்க நகரங்களில் கூகிளின் வேன்கள் தலைக்கு மேல் விசேசித்த கேமராவோடு சுற்றி வருகின்றனவாம்.அப்படியான ஒரு வேனை கேமராவோடு படத்தில் காணலாம்.அது போலவே Windows Live Local-காரர்களும் தெருக்களை சுற்றி வருகின்றார்கள். இது போன்ற immersive வீடியோ தொழில்நுட்பத்தில் http://www.immersivemedia.com முன்ணணியில் இருப்பதுபோல தெரிகின்றது.


Link to msn`s version of this feature
http://preview.local.live.com/
பிரைவசி போச்சுடோய்யென சிலர் கத்த "அது மாதிரி" படங்களை நீக்கும் பணியிலும் கூகிள் ஈடுபட்டு வருகின்றது.
அமெரிக்காவில் நீங்கள் இருப்பவரானால் ஸ்டிரீட்வியூ போய் பரிச்சயமான இடங்களை ஒரு பார்வை விடுங்கள்.ஒருவேளை உங்களையோ அல்லது உங்கள் நண்பரையோ அல்லது உங்கள் காரையோ காணலாம்.


Email PostDownload this post as PDF

Friday, August 24, 2007

புதுக் கணிணிகளுடன் வரும் குப்பைகள்

புதுசாய் ஒரு மடிக்கணிணி வாங்குகின்றீர்கள் என வைத்துக்கொள்வோம்.அது Sony Vaio வாக இருக்கட்டும் அல்லது ,Dell Inspiron ஆக இருக்கட்டும் அல்லது,HP Pavilion ஆக இருக்கட்டும் அல்லது Toshiba Satellite ஆக இருக்கட்டும், இல்லை அது ஒரு சாதாரண புது பிராண்டட் மேஜை கணிணியாகவே இருக்கட்டும். அனைத்து வகை புது கணிணிகளுடனும் தவறாமல் வருவது குப்பைகள் ஆமாம் குப்பைகள் தான். அதாவது அநேக Evaluation Software-கள்.

30 நாட்களுக்கப்புறம் இருக்கிற ஆன்டிவைரஸ் மென்பொருள் செத்துவிடும். அடிக்கடி அதை வாங்க சொல்லி நினைவூட்டி தொல்லைகள் வேறு. இது போல இன்னும் பிற மென்பொருள் குப்பைகள். ஏன் மைக்ரோசாப்டின் ஆபீஸ் மென்பொருளே இப்படித்தான் புது கணிணிகளோடு வரும்.
இக்குப்பைகளையெல்லாம் நீக்கி சுத்தம் செய்தால் தான் நமக்கு ஓர் இனிய அனுபவம் அந்த கணிணிவழி கிடைக்கும். ஓகே.இக்குப்பைகளை சுத்தம் செய்தல் எப்படி? ஒவ்வொன்றாய் உக்கார்ந்து தேடி நீக்க வேண்டிய அவசியமில்லை.இக் crap-களையெல்லாம் நீக்க இலவசமாய் கிடைக்கின்றது PC Decrapifier என்னும் மென்பொருள்.பெயருக்கேற்றார் போல் இந்த "வாக்கூம் கிளீனர்" அக்க்குப்பைகளையெல்லாம் தேடி தடவி சுத்தமாய் நீக்கிவிடுகின்றது.அப்புறமென்ன அக்கணிணி உங்களுக்கு இனிய நேரங்களை தருமென நம்பலாம்.

Product Home Page
http://www.pcdecrapifier.com/

List of Craps it can remove.
http://www.pcdecrapifier.com/removes


Email PostDownload this post as PDF

Wednesday, August 22, 2007

வால் ஸ்டிரீட்டுக்கு வந்த வெர்சுயலைஷேஷன்

ஒரே ஒரு செர்வர் டப்பாவை வைத்துக்கொண்டு அதில் விண்டோஸ்,யூனிக்ஸ் என பல வித செர்வர் ஆப்பரேட்டிங் சிஸ்டங்களை அல்லது பல விண்டோஸ்களை ஓட்டி பல பெருநிறுவனங்கள் காசு சேமித்துக்கொண்டிருக்கிறார்கள். குப்பையாய் கிடந்த அநேக டேட்டா சென்டர்கள் இதனால் சுத்தமாகி வருவதாய் தகவல்.இதற்கெல்லாம் காரணம் இன்றைக்கு சூடாக பேசப்படும் செர்வர் வெர்சுவலைசேசன் (Server Virtualization) அல்லது கைப்பர்வைசர் (Hypervisor) டெக்னாலஜி தான் காரணம். இத்தொழில் நுட்பத்தில் முன்ணணியிலுள்ள விஎம்வேர் (VMWare VMW)நிறுவனத்தின் பங்குகள் கடந்த வாரம் விற்பனைக்கு வர Subprime போன்ற சிக்கல்களில் நலிந்து கிடந்த வால் ஸ்டிரீட் சிறிது விழித்து அதென்ன "வெர்சுயலைஷேஷன்" என வியந்து பார்த்துகொண்டிருக்கிறது.கிடு கிடுவென ஏறுமுகத்தில் இருக்கும் இதன் பங்குகள் அடுத்து சில வார மாதங்களில் என்னவாகும் என தெரியாது. அடுத்த கூகிள் இதுதான் என சிலர் பீற்றிக் கொண்டு பங்குகளை வாங்கி குவிக்க, பலர் பங்கு வர்த்தக தந்திரங்களில் சிக்கிவிடாதிருக்க உஷாராய் எச்சரிக்கிறார்கள்.
சாலிடான விஎம்வேர் நிறுவனத்தின் ஈஎஸ்எக்ஸ் (ESX) மென்பொருள்,பல விதங்களில் பெரு நிறுவனங்களுக்கு கோடிக்கணக்கில் செலவு மிச்சப்படுத்துவதால் பெரிய நம்பிக்கை இருப்பதாக புதிதாய் பலரும், குறிப்பாய் I.T வல்லுநர்கள் இதன் பங்குகளை வாங்குகிறார்களாம்.
போகப் போகத்தான் தெரியும் மின்னுவது பொன்னாவென்று.


Email PostDownload this post as PDF

Monday, August 20, 2007

கூகிள் வழங்கும் பகுதி நேர வேலை வாய்ப்பு

ஒரு டிஜிட்டல் கேமராவோடு நகரத் தெருக்களில் ஒவ்வொரு கடையாய் ஏறி இறங்கி அதை படம் எடுத்து அக்கடை அல்லது வணிக நிறுவனம் பற்றிய தகவல்களை (such as hours of operation, types of payment accepted, etc.) சேகரித்து கூகிளுக்கு அனுப்பினால் ஒரு கடைக்கு 10 டாலர்கள் வரை தருகிறார்களாம்.இதற்கு Google Local Business Referrals (LBR) program என்று பெயர்.எப்படியாவது கூகிள் மேப்பை கட்டுக்கடங்கா தகவல்களால் நிரப்ப கூகிள் எடுக்கும் முயற்சியின் ஒரு பங்கு தான் இது. இன்றைய நிலையில் Knowlege is power.Knowledge is பணம் என அறிந்தவர்கள் அவர்கள்.
ஆதலால் இப்படி சேகரிக்கப்பட்ட தகவல்களால் அவர்கள் மேப்பிங் சிஸ்டத்தை நிரப்ப நிரம்ப அதன் விலைமதிப்பு கூடிக்கொண்டே போகும். கூகிளின் விளம்பர வருவாய் தெருவீதியிலிருந்தும் அவர்கட்கு வர அவர்கள் செய்யும் முதலீடுதான் இது. என்ன இப்படி பகுதி நேரத்தில் நீங்கள் கூகிளிடமிருந்து பணம் சம்பாதிக்க இப்போதைக்கு நீங்கள் அமெரிக்காவில் இருக்க வேண்டும்.

More details
http://www.google.com/services/local-business-referrals/repfaq.html


Email PostDownload this post as PDF

Friday, August 17, 2007

கார் பி.ஸி

காரில் போய் கொண்டிருக்கின்றீர்கள். யாரோ மொபைல்போனில் அழைத்து hypervisor பற்றி கேட்கின்றார்கள். ஒன்றும் புரியவில்லை.கூகிள் செய்தால் நன்றாயிருக்கும் போல் தோன்றுகின்றது.கணிணிக்கு எங்கே போக.கையறு நிலை.

அப்படியே உங்கள் பிளாக்பெரியை தீண்டாமல் மெயில் செக்செய்யவும் வசதியிருந்தால் எப்படியிருக்கும்.

அதற்கு உதவுகின்றது இந்த கார் பி.ஸி.(Car PC or Auto PC).இக்கணிணி உங்கள் காரின் டேஷ்போர்டின் ஒர் அங்கமாகிவிடும். கூடவே வயர்லெஸ் இணைப்பு வசதியும் இருப்பதால் இணையத்தோடு அதை இணைத்துவிடலாம்.இதை Carputer கார்பியூட்டர் என்கின்றார்கள்.இக்னீசியன் கொடுக்கும் போதே அது பூட்டாக தொடங்கிவிடுமாம். டச் ஸ்கிரீனுடன் மொத்த கணிணிவசதியோடு கூடவே ஆடியோ,வீடியோ,ஜிபிஎஸ்,காரை சோதிக்கும் மென்பொருள்கள்,சேட்டலைட் ரேடியோ இன்னும் பிற ஜிகினாக்களோடு இது வருவதால் பார்க்க நன்றாயிருக்கின்றது.

சீக்கிரத்தில் இதுவும் Builtin ஆக வாகனங்களில் வரலாம்.வந்திருக்கலாம்.

கூடவே நாம் தினமும் செய்யும் சில கணிணி சார் செயல்களை மின்னஞ்சல் பார்த்தல்,காலெண்டர் பார்த்தல்,சிஎன்என் போகுதல் போன்றவற்றை
ஸ்டடி செய்து அதை தானாகவே தினமும் செய்யும் மென்பொருள் ஒன்று இருந்தால் நன்றாயிருக்கும்.அவாள் எல்லா மவுஸ் நகர்தலையும்,கிளிக்குகளையும் செய்ய நாம் திரையை பார்த்து கொண்டே இருக்கலாமே. அப்படியே கூகிள் மெயில் போவென குரலால் கட்டளை கொடுத்தால் அது தானாவே கூகிள் மெயில் போய் மெயில் செக்பண்ணிணால் Carcomputing-க்கு இன்னும் சவுகரியம்.

எது வேண்டுமானாலும் நடக்கலாம் இவ்வுலகில்.

More Product Information
http://www.gnetcanada.com/vehiclepc-carpc-overview.asp


Email PostDownload this post as PDF

Wednesday, August 15, 2007

மனிதனிலிருந்து மின்சாரம்



ஆட்டைக் கடித்து மாட்டைக் கடித்து கடைசியாய் மனிதனையே கடித்த கதையாய் என்பார்கள்.மின்சார உற்பத்தி துறையில் அது சீக்கிரத்தில் நடந்தாலும் நடந்துவிடலாம் போல் இருக்கின்றது. இதுவரை எண்ணெயிலிருந்து, நிலக்கரியிலிருந்து, வேகமாய் விழும் தண்ணீரிலிருந்து,வீசும் காற்றிலிருந்து,கடல் அலைகளிலிருந்து தான் மின்சாரம் எடுத்தார்கள். இனி பாண்டிபஜாரில் வேகமாய் அங்கும் இங்கும் நடந்துகொண்டிருக்கும் பாதசாரிகளின் சிறு சிறு நடைஅதிர்வுகளிலிருந்தெல்லாம் மின்சாரம் தயாரிக்கப்படலாமாம் .இதை Crowd Farming System என்கின்றார்கள்.இதை MIT மாணவர்களான James Graham-ம் Thaddeus Jusczyk-ம் நிரூபித்திருக்கின்றார்கள்.இவர்கள் வடிவமைத்துள்ள ஒரு நாற்காலியில் யாராவது உற்கார்ந்தால் ஒரு சிறு மின்விளக்கு எரியுமாம். மேலும் இதை ஏற்கனவே காங்காங்கிலுள்ள ஒரு உடற்பயிற்சி நிலையகாரர்களும் நிரூபித்திருக்கின்றார்கள். சைக்ளிங் செய்யும் ஒவ்வொருவரும் அந்த உடற்பயிற்சி நிலையம் ஒளிர அங்குள்ள பாட்டரியை சார்ஜ் செய்கின்றார்களாம்."Powered by YOU" என்று வேறு பெருமையாய் சொல்லிக்கொள்கின்றார்கள்.

குளிர்ச்சியாய் பீர் ஊற்றிக்கொண்டு மகிழ்ச்சியாய் இளசுகள் பப்புகளில் ஆடிக்கொண்டிருக்க அவர்கள் எப்படி தங்களை அறியாமலே மின்சாரம் தயாரிக்க உதவுகிறார்களென வீடியோவை ஓட்டிப் பாருங்கள். எதிர்காலத்தில் இந்நுட்பம் என்னென்ன பரிமாணங்களெல்லாம் எடுக்கப்போகின்றனவோ?
கடவுளுக்கு தான் தெரியும்.அதென்ன ரோடுகளில் இடைவிடாமல் விர்விர்ரென ஓடும் கார்களின் அதிர்வகளை மட்டும் விட்டு வைத்திருக்கின்றார்கள்.


Email PostDownload this post as PDF

Monday, August 13, 2007

நவீன மகா யுத்தம்

டமால் டுமீலென குண்டுகளை வீசி போர் செய்த காலம் அக்காலம். இன்று நாடுகளெல்லாம் நாகரீகமாய் போர் செய்ய கற்று வருகின்றன.அதில் பண விளையாட்டே ஆயுதம். உலகின் நான்காவது பெரிய எண்ணெய் வள நாடு ஈரான். அங்கு பெட்ரோல் நிலையங்களில் மணிக்கணக்கில் வரிசையில் நின்று பெட்ரோல் போட வேண்டிய அவலம். எல்லாம் பொருளாதார திட்டமிடல் சரியில்லையாம்.

ஜிம்பாவே எனப்படும் அந்த கிரிக்கெட் புகழ் நாட்டில் பயங்கர குழப்பம்.இன்று பத்தாயிரம் ஜிம்பாவே பணங்கள் கொண்டு போனால் தான் ஒரு ரொட்டி துண்டு வாங்க முடியுமாம்.இத்தனை அவலங்களுக்கும் காரணம் பொருளாதாரம் அல்லது எக்கனாமிக் கணக்குகளோடு தவறாய் அந்த அரசு விளையாடிய விளையாட்டு தான் காரணம் என்கின்றார்கள்.

சிறிதாய் செய்யப்படும் மாற்றங்கள் மற்றும் சீர்திருத்தங்கள் பெரிய தாக்கங்களை முன்னேற்ற பாதையிலோ அல்லது அழிவுப்பாதையிலோ நடத்தி விடுகின்றது. அது பெரிய அணுவாயுதப்போரோடும் கொடுமை என்கின்றார்கள்.

இவ்வரிசையில் புதிது இன்றைய சீனா-அமெரிக்க வர்த்தப் போர். இந்தியா போலல்லாது சீனா தன் பண மதிப்பை மாற்றாது அப்படியே நெடுங்காலமாய் வைத்து டாலர் அட்வாண்டேஜை பெற்றுவருகின்றது.(இந்திய ரூபாய் மதிப்பு நாளுக்கு நாள் கூடிக்கொண்டே வருவது அனைவருக்கும் தெரிந்ததே) இப்படியே undervalued-ஆக இருக்கும் சைனாவின் பணமதிப்பை மாற்ற அமெரிக்காவின் நிர்ப்பந்தம் நாளுக்கு நாள் கூடிக்கொண்டே வருகின்றது. சீனர்களுக்கோ இதில் சிறிதும் விருப்பமில்லை. ரொம்ப மிரட்டினால் தங்களிடமுள்ள $1.3 trillion அமெரிக்க டாலர் இருப்பை விற்று விடப்போவதாக மறைமுக மிரட்டல். அப்படியானால் அமெரிக்க எக்கனாமி மிகப்பெரிய கிராஷ்க்குள்ளாகும் என நம்பப்படுகின்றது. ஆனால் அப்படி ஒர் நிலைவந்தால் அது சீனாவையும் இந்தியாவையும் back fire-ம் செய்யும். ஆக கூடி வாழ்ந்தால் கோடி நன்மை. மாறி மாறி அடித்து பழிதீர்த்து கொண்டால் அனைவருக்கும் இன்னல்தான்.


Email PostDownload this post as PDF

Friday, August 10, 2007

மனிதனுக்குள் ஒரு சிப்

கொஞ்ச நாட்களுக்கு முன்பு தான் நியூயார்க்கிலுள்ள ஒரு மருத்துவமனை (Vassar brothers medical center)சூப்பர்மார்க்கெட் சரக்கு போல வரும் நோயாளிகளுக்கு பார் கோடு (Bar code) போட தொடங்கியது.இதனால் மொத்த வேலையும் மிக எளிதாவதோடு மனித தவறுகளும் தவிர்க்கப்படுவதாக சொன்னார்கள்.மில்லியன் கணக்கில் டாலர்களும் மிச்சமாம்.




இப்போது ஐடி-காரர்கள் இன்னொரு டெக்னாலஜியோடு வந்திருகின்றார்கள்.
மனிதனுக்குள்ளே ஒரு சிலிகன் சிப்பை (Verichip அல்லது xmark) பொருத்திவிட்டு அவன் நடமாட்டத்தை கண்காணிக்க போகின்றார்களாம்.இரு அரிசி அளவே இருக்கும் இந்த சிப் மனிதனில் வலது கையில் நைசாக செருகப்படும். அப்புறமாய் அது செருகப்பட்டது சுத்தமாய் எவருக்கும் தெரியாது. அந்த சிப்பிலுள்ள 16 டிஜிட் எண்வழி அவன் கணிணியால் கண்காணிக்கப்படுவான் அடையாளம் காணப்படுவான். இதை radio-frequency identification (RFID) என்கின்றார்கள்.அப்புறமென்ன? மொத்த ஜாதகத்தையும் அது காட்டிவிடும்.

அமெரிக்க அண்ணாச்சிகள் Wal-Mart, Procter & Gamble, மற்றும் அரசு தபால் நிறுவனமான United States Postal Service போன்றவை இவற்றை தங்கள் பணியார்களிடையேஅமுல்படுத்த போவதாக பேசிக்கொள்கிறார்கள்.

"verichip inside"-னு இனி எல்லாரும் நெற்றியில் ஸ்டிக்கர் ஒட்டிக்க வேண்டியது தான். கணிணியார் கண்ணிலிருந்து யாரும் தப்பமுடியாது போலும்.


Email PostDownload this post as PDF

Thursday, August 09, 2007

ஆச்சீக்கு வழிகாட்டும் லேடி

இப்போதெல்லாம் காகித மேப்பு வழிகாட்டி புத்தகங்களின் விற்பனை அமெரிக்கா போன்ற நாடுகளில் படுக்க தொடங்கிவிட்டன. சிறிதாய் குட்டியோண்டு கலர் டிவிபோன்ற ஜீபிஎஸ் Global Positioning System (GPS) உபகரணம் காரில் பொருத்திக் கொண்டு ஆசைபடும் இடங்களுக்கெல்லாம் செல்கின்றார்கள். இனிய லேடி குரலொன்று போக வேண்டிய பாதைகளை வலதா இடதாவென எளிதாய் அவ்வப்போது ஓட்டுநருக்கு மேப்போட்டு சொல்லித் தருகின்றாள்.

அந்த காலத்தில் அமெரிக்கா பிறர் அசைவுகளை கண்டறிய தனது ராணுவத்துக்கு பயன்படுத்திய வசதி இப்போது பொது மக்கள் அளவுக்கு வந்துவிட்டது. இதற்காக உங்களுக்கு தேவையானது GPS ரிசீவர் எனும் பொட்டி. Garmin,TomTom போன்ற பிராண்டுகள் பிரபலம்.இப்போதைக்கு 250 டாலர் அளவில் கிடைக்கின்றது.மாத செலவெதுவும் இல்லை. Builtin GPS என்றால் கார் இன்சூரன்ஸ் எகிறும் என்கின்றார்கள். பல செல்போன்களும் இவ்வசதியோடு வருகின்றன.

வானில் இதற்காகவே பிரத்தியேகமாக 24 சேட்டிலைட்டுகள் சுற்றிகொண்டிருக்கின்றனவாம். அவசரத்துக்கு உதவ கூட மூன்று சேட்டிலைட்கள். இந்த 27 சேட்டிலைட்களும் செத்தால் மொத்த GPS வசதியும் செத்துவிடும். பூமியிலிருந்து 12,000 மைல்கள் தொலைவில் சூரியனிலிருந்து எடுக்கும் சோலர் ஆற்றலால் இடையறாது பூமியை இவை சுற்றி வருகின்றன. இவைகள் தான் இன்றைக்கு அமெரிக்காவில் மில்லியன் கணக்காணவர்களுக்கு ரோடுகளில் வழிக்காட்டி.

நான் எங்கே இருக்கிறேன்? பெங்களூரிலிருந்து 331 கிலோமீட்டர் தொலைவிலும் மதுரையிலிருந்து 444 கிலோமீட்டர் தொலைவிலும் திருப்பதியிலிருந்து 152 கிலோமீட்டர் தொலைவிலும் உள்ளேன் என சொன்னால் கண்டுபிடிக்க முடியாதாவென்ன? அது சென்னையாதான் இருக்கமுடியும் அல்லவா.அதைதான் ஜீபிஎஸ்-ம் செய்கின்றது. இதை Trilateration என்கின்றார்கள். அதாவது GPS வேலைசெய்ய அதுவால் குறைந்தது 3 சேட்டிலைட்டுகளிடம் பேச இயலவேண்டும்.High-frequency, Low-power radio signals இதற்காக பயன்படுத்தப்படுவதால் கட்டிடங்களிடையே சென்றால் வானிலை மோசமானால் வசமாய் மாட்டிக்கொள்வீர்கள்.அந்த லேடியால் உங்களுக்கு உதவமுடியாது.

மற்றபடி தனியே ஜாலியாக எங்கே வேண்டுமானாலும் செல்லலாம். கூகிள் மேப்பில் டைரக்சன் போட்டு பிரிண்ட் அவுட் எடுக்க தேவையில்லை.
நியூஜெர்ஸியில் நான்வெஜ் வெட்ட ஆச்சீஸ் செட்டிநாட்டுக்கு செல்ல கூட அவள் வழி சொல்வாள்.


Email PostDownload this post as PDF

Wednesday, August 08, 2007

தமிழ் எழுத்துரு தொல்லைகள்

சமீபத்தில் நண்பர்களிடமிருந்து வந்த சில மெயில்கள் கவலையுற வைத்தது. தமிழ் யூனிக்கோடானது சிலருக்கு இன்னும் ஒழுங்காக வேலைசெய்வது போல் தெரியவில்லை.

Firefox 2.0.0.6 கூட Intenet Explorer 6 மற்றும் Intenet Explorer 7 பயன்படுத்துகின்றேன். இவ்வலை பதிவைபடிப்பதில் சிக்கல் எதுவும் வந்ததில்லை.

ஒரு நண்பர் இவ்வாறு சொல்கின்றார்
Tamil Fonts in Unicode appear funny in these pages!
When Ka is to become Ke the additional script has to appear before the main type and not after.
Any scope for making amends? Or is it a problem of the Key board operator - data inputting?

இன்னொரு நண்பர் இவ்வாறு சொல்கின்றார்
Hi.
I had mailed you a while back about the problem of seeing the font properly in Firefox. Can see in IE, but not on Firefox. difference seems to be that IE has a provision for left-to-right and right-to-left fonts, and it automatically chooses the first. No such provision in firefox, and the matras are all in reverse order. (For font selection, I have used Unicode -8).
Any suggestions? I hate IE, and do not want to use it for this alone...
regards

எங்கு தவறுகின்றதென புரியவில்லை.பிரின்ட் ஸ்கிரீன் கொடுத்தால் முயன்று பார்க்கலாம். அனுபவபட்டோர் டிப்ஸ் இருந்தால் சொல்லலாம்.


Email PostDownload this post as PDF

Friday, August 03, 2007

இலவசமாய் மவுஸ் ஓட்டங்களை படமாக்கலாம்

கணிணியில் நீங்கள் செய்யும் செயல்களை பதிவுசெய்து இன்னொருவருக்கு வீடியோவாக அனுப்ப வசதியிருந்தால் எவ்வளவு நன்றாயிருக்கும் என சில சமயங்களில் தோன்றும். சில கணிணிசார் பணிகளை பிறருக்கு சொல்லி விளக்குவதை விடவும் இது போன்ற வீடியோக்களை உருவாக்கி அனுப்பினால் அது உங்கள் மவுஸ் அசைவுகள், திறக்கும் விண்டோஸ்கள், கீபோர்டு டைப்பிடுதல்கள் எல்லாவற்றையும் படிப்படியாக காட்டிவிடும். இதனால் சாமானியர்களுக்கும் கணிணிசார் பணிகள் ரொம்பவும் எளிதாகிவிடும். கூடவே உங்கள் குரலையும் மைக்ரோபோன் வழி பதிவு செய்து கலக்கலாம். இவையெல்லாம் இலவசமாக செய்ய அருமையான மென்பொருள்கள் உள்ளன. ஒன்று wink. இன்னொன்று screen2exe.

இரண்டாவதான இந்த screen2exe மென்பொருளானது நேரடியாக exe யாக வீடியோவை கொடுப்பதால் வீடியோபிளயர் கூட உங்களுக்கு தேவைப்படாது.

Wink Homepage
http://www.debugmode.com/wink/

Screen2exe Homepage
http://www.screen-record.com/screen2exe.htm

Screen2exe Direct Download Link
http://www.screen-record.com/dl/SCREXESetup.exe

Free Tools to convert screen sessions as videos.

சமீபத்தில் வலையத்தில் உலாவந்த போது தமிழ் MP3 களுக்கான ஒரு தளம் கண்ணில் அகப்பட்டது. இங்கே பகிர்ந்து கொள்கின்றேன். நண்பர்களுக்கு உதவலாம்.
http://www.tamilcowboy.com/page.php?2


Email PostDownload this post as PDF

Wednesday, August 01, 2007

போட்டோக்களுக்கு உயிகொடுக்கும் Photosynth

இந்த கலியுகத்தில் அஃறிணை பொருட்களும் உயிர் கொள்கின்றன. கைக்கு எட்டும் பொருட்களெல்லாம் நாளுக்கு நாள் ஸ்மார்ட் ஆகிக் கொண்டேயிருக்கின்றன.இதற்கு இன்றைய கணிணி/இணைய உலக போட்டோக்களும் விதி விலக்கில்லையாம். நாளை ஒரு நாள் "அறிவாலயம்" என்று டைப்பினால் அது சகல அறிவாலம் சம்பந்தப்பட்ட அனைத்து போட்டோக்களையும் ஒன்றாய் திரட்டிக் கொண்டு வந்து ஒருங்கிணைத்து 3டியாய் (முப்பரிமாணத்தில்) அந்த கட்டிடத்தை அழகாய் காட்டி விடுமாம். சமீபத்தில் வாங்கப்பட்ட Seadragon-னின் நவீன டெக்னாலஜியால் அந்த படங்கள் மெகாபிக்ஸனாலானாலும் சரி இல்லை கிகாபிக்ஸனாலானாலும் சரி உச்ச தரத்தில் கிளிக்கி கிளிக்கி ஸூம் பண்ணிக்கொண்டே போகலாமாம். போய் போய் சன் ஸ்டுடியோ இன்னும் அங்கிருக்கிறதாவென பார்க்கலாம். கல்வெட்டு வரிகளை தெளிவாய் படிக்கலாம் என்கின்றார்கள். இதெல்லாம் மைக்ரோசாப்டின் புதிய Photosynth நுட்பம் மூலம் சாத்தியமாகும். கீழ்க்கண்ட வீடியோவை கிளிக்கி பாருங்கள் இன்னும் தெளிவாய் புரியும்.

Photosynth மென்பொருள் இன்னும் Microsoft Live Labs-ல் பீட்டா வடிவில் உள்ளது. நீங்களும் முயன்று பார்க்கலாம்.

Product Home Page
http://labs.live.com/photosynth/


Email PostDownload this post as PDF
Related Posts Plugin for WordPress, Blogger...

சமீபத்திய பின்னூட்டங்கள்