உங்கள் கேள்விகளை இங்கே பதிவு செய்யுங்கள்

From Blog.PKP.in

Tuesday, October 11, 2011

புரிந்தால் ரசிக்கலாம்

இங்குள்ள ஒவ்வொரு படத்தையும் கூர்ந்து நோக்கி அதில் புதைந்திருப்பதை நாம் புரிந்து கொண்டால் புல்லரித்து ஒரு புன்னகையை உதிர்க்கலாம்.
எங்கே முயற்சித்து பாருங்களேன்.


















Email PostDownload this post as PDF

ஐ-ஃபை

ருக்கு கிளம்பும் முன் அவசர அவசரமாக இந்த பதிவு.Eye-Fi-பற்றியது.இந்த மாதிரியான அற்புத தொழில் நுட்பங்களை பற்றி கேள்விப்படும் போது உடனே எழுதிவிட வேண்டும். நம்மில் அநேகருக்கு இது ஏற்கனவே தெரிந்த விசயம் தான். தெரியாதவர்களுக்கு மட்டும் இந்த அறிமுகம். சாதாரண மெமரி கார்டுக்கு உயிர்கொடுக்கும் தொழில் நுட்பம் இது. memory card + Wi-Fi = Eye-Fi எனும் சமன்பாட்டை பயன்படுத்தியிருக்கிறார்கள். அதாவது உங்கள் SDHC மெமரிகார்டால் Wi-Fi எனப்படும் வயர்லஸ் நெட்வொர்க்கோடு இணைய முடியும். அவ்ளோதான். இதனால் என்ன பயன்? உங்கள் சாதாரண டிஜிட்டல் கேமராவில் இந்த Eye-Fi மெமரிகார்டை பயன்படுத்தினால் உங்கள் கேமரா உங்கள் வீட்டு வயர்லஸ் நெட்வொர்க்கோடு இணைக்கப்பட்டு விடும்.விளைவு போட்டோ எடுக்க எடுக்க அப்படியே வை-பை வழி உங்கள் கணிணிக்கோ அல்லது ஐபோன்/ஐபேடு/ஆண்ட்ராய்டுக்கோ போட்டோக்களை எளிதாக கடத்திவிடலாம். உங்கள் மெமரி கார்டு எப்போதுமே போட்டோக்களால் நிரம்பிவழியாது.never run out of space again, எப்படி கான்செப்ட்? எப்படியெல்லாம் யோசிக்கிறார்கள் பாருங்கள்? இங்கு ஆப்டிமம் மற்றும் AT&T வைபைகள் ஊரெங்கும் உள்ளன. எனவே எங்கிருந்து வேண்டுமானாலும் போட்டோக்களை சாதாரண டிஜிட்டல் கேமராவிலிருந்து அப்லோடு செய்துவிடலாம். இன்னும் அநேக நம்ம வீட்டு சாதனங்கள் சீக்கிரத்தில் உயிர்பெற்று வீட்டு வயர்லெஸ் நெட்வொர்க்கோடு இணைக்கப்படும். அந்த வழியில் டம்ப் பொருட்களைக்கூட நெட்வொக்கில் இணைக்க நாம் ரொம்ப கஷ்டப்படவேண்டியதில்லை என்பதை இந்த ஐ-பை நிரூபிப்பதாய் உள்ளது.

மீண்டும் cleartrip.com இந்திய ரெயில்வே ரெசர்வேசன்களுக்கு உதவியது. irctc.co.in -னோ makemytrip.com-மோ அல்லது yatra.com-மோ சர்வதேச அல்லது குறைந்த பட்சம் அமெரிக்க கிரெடிட்/டெபிட் கார்டுகளை ஏற்றுக் கொள்ளவில்லை. flykingfisher.com-ல் கூட முன் பதிவு செய்ய cleartrip.com - தான் உதவியது.Long live cleartrip.com. ஆன்லைன் coupon code-களையும் கவுரவிக்கிறார்கள். பல சென்னை ஹோட்டல் ஆன்லைன் ரெசர்வேசன் தளங்கள் அநியாயத்துக்கும் இருக்கின்றன. பக்காவாக வெளிநாட்டு ஓட்டல்களுக்கு வெப் பக்கங்களை வடிவமைக்கும் நாம், நம்ம ஊர் ஸ்டார் ஹோட்டல் ஆன்லைன் ரெசர்வேசன் தளங்களை பார்க்கவேண்டுமே, பாழடைந்த மண்டபத்தினுள் நுழைவது போல் இருக்கின்றது. வியாபார விரிவாக்கத்தில் கவனம் செலுத்தும் நம்மவர்கள் ஆன்லைன் அப்பியரன்ஸ்சிலும் கவனம் செலுத்தினால் நன்னாய் இருக்கும்.தூரத்து வாடிக்கையாளார்களுக்கு அந்தந்த இணைய தளங்களே அந்த வியாபாரம் பற்றிய மறைமுக நல்லெண்ணத்தையும் நம்பிக்கையின்மையினையும் கொடுக்கும் என்பதை அறியவேண்டும். வெள்ளிக்கிழமை ஐபோன் 4S கையில் வந்து கிடைத்ததும் கூகிளுக்கு ஆப்படிக்க வந்திருக்கும் SIRI-யோடு கூட அப்படியே கிளம்பிவிட வேண்டியது தான்.புதிதாக சர்வதேச விமானநிலையம் ஒன்றை திருவனந்தபுரத்தில் கட்டியிருக்கிறார்களாம். பார்க்கலாம். அப்படியே ஒரே கல்லில் இரண்டு மாங்காயிட்ட அசோக்கையும் சந்திக்க வேண்டும்.போன முறை வேலுவை பார்த்தோம் இந்த முறை முடிந்தால் பொன்னுசாமி. வேறெதாவது இருக்கு பரிந்துரைக்க?

On the Lighter Side


Email PostDownload this post as PDF

Thursday, October 06, 2011

தேங்யூ ஸ்டீவ்!!

அபூர்வமாக கிளிக்கப்பட்ட இந்த படம் ஏதோ ஆழமாக பலவற்றையும் சொல்லும். ஸ்டீவ் தனது இறுதி மேடை பேச்சான WWDC 2011 Keynote மேடை பேச்சை முடித்து கீழே இறங்கியதும் போய் முதல் வேலையாக தனது மனைவின் தோளின் மேல் தலையை சாய்க்கின்றார். பொதுவாகவே ஆப்பிளை பொறுத்தவரை இது போன்ற மீட்டிங்குகளில் ஸ்டீவ்வின் வருகை மிக மிக முக்கியமானது.அவர் இல்லாவிட்டால் தலை இல்லாது தவிக்கும் உடம்பு போலாகிவிடும். கடந்த ஐபோன் 4S அறிமுகவிழாவும் ஏறக்குறைய அப்படித்தான் இருந்தது. மனிதர் அந்த தனது கடைசி கீநோட் பேச்சை முடித்து இறங்கியதும் ஏற்கனவே கேன்சரினால் இளைத்துப்போன உடம்பின் களைப்பினால் தலையை சாய்த்தாரா அல்லது இதுதான் தனது கடைசி மேடை பேச்சு என்று தனது உள்ளுணர்வு சொன்னதால் அப்படி செய்தாரா யாரும் அறியோம்.அது ஒரு அற்புதமான தருணம்.அவர் மனதில் எண்ணங்கள் உருகிப்போயிருந்த நேரம். எதிர்காலத்தை கணித்து அதற்கேற்ப படைப்புகளை உருவாக்கிய அவருக்கு தன் எதிர்காலமும் தெரியாமலா போயிருக்கும். எத்தனையோ பேரின் விருப்பங்களை படைப்புகளாக்கி காட்டிய பல அடிச்சுவடுகளை விட்டுச்சென்ற அந்த நல்மனிதரின் ஆன்மா சாந்தியடையட்டும்.
தேங்யூ ஸ்டீவ்!!


Email PostDownload this post as PDF

Tuesday, September 20, 2011

சமையலறை ஆங்கிலம்

மளிகைப் பொருட்கள் / சமயல்பொருட்கள் / காய்கனிகள் / மூலிகை கீரைகளின் ஆங்கில வார்த்தைகள். விடுபட்டவற்றை சொல்லலாம். தவறுகளை சுட்டிகாட்டலாம்.

ஜாதிக்காய் - Nutmeg - நட்மெக்
ஜாதிபத்திரி - Mace - மெக்
இஞ்சி - Ginger - ஜின்ஜர்
சுக்கு - Dry Ginger - டிரை ஜின்ஜர்
பூண்டு - Garlic - கார்லிக்
வெங்காயம் - Onion - ஆனியன்
புளி - Tamarind - டாமரிண்ட்
மிளகாய் - Chillies - சில்லிஸ்
மிளகு - Pepper - பெப்பர்
காய்ந்த மிளகாய் / சிவப்பு மிளகாய் - Red chillies
பச்சை மிளகாய் - Green chillies
குடை மிளகாய் - Capsicum
கல் உப்பு - Salt - ஸால்ட்
தூள் உப்பு - Table salt
வெல்லம்/கருப்பட்டி - Jaggery - ஜாக்கரீ
சர்க்கரை/சீனி - Sugar - ஸுகர்
கற்கண்டு - Sugar Candy
ஏலக்காய்/ஏலம் - Cardamom - கார்டாமாம்
பாதாம் பருப்பு/வாதுமை கொட்டை - Almonds
முந்திரி பருப்பு/அண்டிப்பருப்பு - Cashew nuts
கிஸ்மிஸ் - Dry Grapes
லவங்கம்,கிராம்பு - Cloves - க்லெளவ்ஸ்
கசகசா - Poppy - பாப்பி
உளுந்து - Black Gram - பிளாக் கிராம்
கடலைப் பருப்பு - Bengal Gram - பெங்கால் கிராம்
பச்சைப்பயறு/பயித்தம் பருப்பு / பாசிப் பயறு - Moong Dhal/ Green Gram - மூனிங் தால்/கீரின் கிராம்
பாசிப்பருப்பு - Moong Dal
கடலைப்பருப்பு - Gram Dal - கிராம் தால்
உழுத்தம் பருப்பு - Urid Dhal
துவரம் பருப்பு - Red gram / Toor Dhal- ரெட்கிராம்
கம்பு - Millet - மில்லட்
கேழ்வரகு - Ragi - ராகி
கொள்ளு - Horse Gram - ஹார்ஸ் கிராம்
கோதுமை - Wheat - வீட்
கோதுமை ரவை - Cracked Wheat
சோளம் - Corn
சோளப்பொறி - Popcorn
எள்ளு - Sesame seeds / Gingelly seeds
நெல் - Paddy - பாடி
அரிசி - Rice - ரய்ஸ்
அவல் - Rice flakes
பச்சை அரிசி - Raw Rice
புளுங்கல் அரிசி - Par boiled rice
கடலை மா - Gram Flour
மக்காச்சோளம் - Maize - மெய்ஸ்
வாற்கோதுமை - Barley - பார்லி
பச்சை பட்டாணி - Green peas
சேமியா - Vermicelli
சவ்வரிசி - Sago
ரவை - Semolina
கொண்டை/கொண்டல் கடலை - Chickpeas/Channa
கடுகு - Mustard - முஸ்டார்ட்
சீரகம் - Cumin - குமின்
வெந்தயம் - Fenugreek
சோம்பு,பெருஞ்சீரகம் - Anise seeds
பெருங்காயம் - Asafoetida - அசஃபோய்டைடா
மஞ்சள் - Turmeric - டர்மரிக்
ஓமம் - Ajwain / Ajowan
தனியா - Coriander - கோரியண்டர்
கொத்தமல்லி தழை - Coriander Leaf -கோரியண்டர் லீப்
கறிவேப்பிலை - Curry Leaves
கஸ்தூரி - Musk - மஸ்க்
குங்குமப்பூ - Saffron - சஃப்ரான்
பன்னீர் - Rose Water - ரோஸ் வாட்டர்
கற்பூரம் - Camphor - கேம்ஃபர்
மருதாணி - Henna - ஹென்னா
துளசி - Tulsi
எலுமிச்சை துளசி - Basil
எண்ணெய் - Oil - ஆயில்
கடலை எண்ணெய் - Gram Oil - கிராம் ஆயில்
தேங்காய் எண்ணெய் - Cocoanut Oil - கோக்கநட் ஆயில்
நல்லெண்ணெய் - Gingili Oil/Sesame oil - ஜின்ஜிலி ஆயில்
வேப்ப எண்ணெய் - Neem Oil - நீம் ஆயில்
பாமாயில் - Palm Oil
ஆலிவ் ஆயில் - Olive Oil
பால் - Milk - மில்க்
பால்கட்டி - Cheese - ச்சீஸ்
நெய் - Ghee - கீ
வெண்ணெய் - Butter - பட்டர்
தயிர் - Curd/Yoghurt - க்கார்ட்
மோர் - Butter Milk - பட்டர் மில்க்
கீரை - Spinach - ஸ்பீனச்
அவரை - Beans - பீன்ஸ்
கர்பூரவள்ளி - Oregano
நார்த்தங்காய் - Citron - சிட்ரான்
திருநீர்பச்சை - Ocimum-basilicum
சீத்தாப்பழம் - Custard-apple
மாதுளை - Pomegranate
பரங்கிக்காய்/பூசனிக்காய் - Pumpkin
கருங்காலி மரம் - Cutch-tree
அதிமதுரம்-Liquorice
அருகம்புல் - Bermuda Grass
வல்லாரை கீரை - Pennywort (Centella asiatica)
புதினா இலை - Mint leaves
வெற்றிலை - Betel leaves
நொச்சி இலை - Vitexnegundo (Chaste Tree)
அத்தி - Fig
கீழாநெல்லி - Phyllanthus nururi
தாழை மரம் - Pandanus Odoratissimus,Fragrant Screwpine
தூதுவளை - Purple-fruited pea eggplant
துத்திக்கீரை - Abutilon indicum
பிரமத்தண்டு - Argemone mexicana Linn,(Ghamoya) Papaveraceae
கோவைக்காய் - Coccinia grandis
முடக்கத்தான் கீரை - Cardiospermum halicacabum
குப்பைமேனி - Acalypha indica; linn; Euphor biaceae
நத்தைச்சூரி - Rubiaceae,Spermacoce hispida; Linn;
சோற்றுக்கற்றாழை - Aloe Vera
நாவல் பழம் - Naval fruit (Syzygium jambolana)
பேய் மிரட்டி செடி - Anisomeles malabarica, R.br, Lamiaceae
தேள்கொடுக்கு செடி - Heliotropium
நிலக்குமிழஞ் செடி - Gmelina Asiatica
நெல்லிக்காய் - Amla,Indian Gooseberries
சதகுப்பை (சோயிக்கீரை,மதுரிகை) - Peucedanum grande; Umbelliferae
சிறு குறிஞ்சான் - Gymnema Sylvestre; R.Br.Anclepiadaceqe
அரிவாள்மனை பூண்டு - Sida caprinifolia
அகத்திக்கீரை - Sesbania grandiflora
செண்பகப் பூ - Sonchafa (champa)
சுண்டைக்காய் - Solanum torvum(Turkey Berry)
செம்பருத்தி - Hibiscus(Shoe Flower)
கரும்பு - Sugar cane
நீர்முள்ளி - Long leaved Barleria (Hygrophila auriculata)
அன்னாசிப் பூ - Star Anise
பூவரசு - Portia tree (Thespesia populnea)
ஊசிப்பாலை - Oxystelma Secamone
அமுக்கரா சூரணம்,அசுவகந்தி - Indian winter cherry
கத்தரிக்காய் - Egg plant / Aubergine / Brinjal
கொய்யாப் பழம் - Guava
மரவள்ளிக் கிழங்கு - Tapioca
சர்க்கரை வள்ளி கிழங்கு/சீனி கிழங்கு - Sweet Potato
சேனைக்கிழங்கு/கருணைக்கிழங்கு - Yam
விளாம் பழம் - Wood apple
முள்ளங்கி - Radish / parsnip
புடலங்காய் - Snake gourd
பாகற்காய் - Bitter gourd
வெண்டைக்காய் - Ladies Finger/ Okra
வேர்கடலை/நிலக்கடலை - Peanut
வாழைக்காய் - Ash Plantain
வாழைப்பழம் - Banana
ஊறுகாய் - Pickle
உருளைக் கிழங்கு - Potato
தேங்காய் - Coconut
இளந்தேங்காய் - Tender Coconut
இளநீர் - Tender Coconut water
பதநீர்/பயினி - Neera /Palmyra juice
கள்ளு - Palm wine/Palm Toddy
சுண்ணாம்பு - Lime
ஆப்பச் சோடா - Baking Soda
தீப்பெட்டி - Match Box
ஊதுபத்தி/ஊதுவர்த்தி - Incence Stick


Email PostDownload this post as PDF

Thursday, September 01, 2011

பிடித்து போடு போடு.

முன்பு ஒரு முறை கணிணி ஹேக்கிங் அடிப்படைகளை பற்றி நாம் இந்த வலைத் தளத்தில் எழுதிய போது ஏன் இதையெல்லாம் எழுதி ஜனங்களை கெடுக்கின்றீர்கள் என்கிற ரீதியில் ஒருவர் கோபமாய் பின்னூட்டமிட்டு போயிருந்தார்.களவும் கற்று மற என்பது நம் ஊர் வாக்கு.திருடர்களின் தந்திரங்களை அறியாத போலீசாரால் என்ன பயன். போனால் போகட்டும் மக்களுக்கு பிடிக்கவில்லை ரூட்டை மாத்து என்றானது.

இன்றைக்கு இந்த ஹேக்கிங்குகளின் போக்கே மாறியிருக்கின்றது. திருட்டுத்தனமாய் இல்லாமல் நல்ல முறையில் ஹேக்கிங் செய்பவர்களை ஒயிட் ஹேட்ஸ் (White Hats) என்பார்கள்.இத்தகையோருக்கு இன்றைக்கு மார்க்கெட்டில் நல்ல வரவேற்ப்பு. பேப்பர் பேப்பராக வேலை தேட வேண்டியதில்லை, பயோடேட்டாவெல்லாமல் எழுத வேண்டியதில்லை, பேஸ் டு பேஸ் இண்டர்வியூவெல்லாம் செல்லாமல் கூகிள்,ஆப்பிள் போன்ற பிரதான கம்பெனிகள் வேலை கொடுக்கின்றன ஹேக்கர்களுக்கு. ஆஸ்திரியாவை சேர்ந்த வலைப்பதிவர் பிளோரியன்.புதிதாக வந்துள்ள கூகிள் ப்ளசின் இண்டு இடுக்குகளில் நுழைந்து மோப்பமிட்டு கூகிள் ரகசியமாக டெவலப் செய்து கொண்டிருந்த பல புது கூகிள் பிளசின் வசதிகளை முன்கூட்டியே உலகுக்கு தனது வலைப்பதிவுகள் வழி அறிவித்துவிட கூகிளுக்கு பொத்துக்கொண்டு வந்தது டென்சனும் ஆச்சரியமும். கூகிளுக்கு தெரிந்த ஒரே ஈசி சொலூசன். இத்தனை புத்திசாலியை விட்டு வைக்கக்கூடாதுவென தன் நிறுவனத்தில் அவரை சேர்த்துக்கொண்டது.

இதே மாதிரி இன்னொரு கதை.பத்தொன்பதே வயதான நிக்கோலஸ் என்பவர் ஆப்பிள் ஐபோன்களை ஜெயில் பிரேக் பண்ணுவதில் படு கில்லாடி. www.jailbreakme.com-னு இதற்கென தனியாக ஒரு வலைத்தளமே வைத்திருக்கின்றார். பார்த்தது ஆப்பிள். தொல்லை தாங்க முடியாமல் அவருக்கு அப்பாயிண்ட்மெண்ட் ஆர்டர் அனுப்பி இருக்கின்றது. இப்படி இந்த மாதிரியான கதைகள் தொடர்கின்றது.

என் இனிய தமிழ் மாணவர்களே! ஹேக்கிங்கில் ஆர்வமா,இன்னும் வாய்ப்புகள் இருக்கின்றன. பேஸ்புக் இணையதளம் ”Security Bug Bounty” எனும் திட்டத்தை அறிவித்திருக்கின்றது. அதன் படி பேஸ்புக் வெப்சைட்டின் புரோகிராம் கோடில் நீங்கள் ஏதாவது பாதுகாப்பு குறைபாடுகளை கண்டுபிடித்து அறிவித்தால் $500 முதல் இன்னும் அதிகமான டாலர்கள் வரை சன்மானம் நீங்கள் கொடுக்கும் தகவலை பொறுத்து கொடுப்பதாக அறிவித்திருக்கின்றார்கள்.இதுவரை இந்த மாதிரி பக் ரிப்போர்ட் கொடுத்துள்ளவர்கள் லிஸ்டில் பல இந்திய பெயர்கள் இருக்கும் என நினைத்து ஓடிப்போய் பார்த்தால் இரண்டே இந்திய பெயர்கள் தான் தெரிந்தது.”நம் ஊர் காரர்களுக்கு சம்பளத்துக்கு தான் புரோகிராம் பண்ணத் தெரியும், ஹேக்கிங்குக்கு சீனர்களைத்தான் பிடிக்கனும்” என்று கோபப்பட்டான் கோபால். அதனால் என்ன பேஸ்புக்குக்கு போட்டியாக வந்து சக்கை போடு போடும் கூகிள் பிளஸ் புராஜெக்டின் லீடரே ஒரு இந்தியர் தான் என நாம் பெருமைபட்டுக்கொள்ளலாம். பெயர் Vic Gundotra.

On the Lighter Side


Email PostDownload this post as PDF

Thursday, August 25, 2011

வி வில் மிஸ் யூ ஸ்டீவ்

கல்லூரி டிராப் அவுட்களால் கூட ஒரு மிகப்பெரிய தொழில்நுட்ப சாம்ராஞ்யத்தையே எழுப்ப முடியும் என்பதற்கு ஆப்பிளின் முன்னாள் CEO ஸ்டீவ் ஜாப்ஸ் ஒரு நல்ல எடுத்துக்காட்டு.மேக் கணிணிகள், ஐபாட், ஐபோன், ஐபேட் போன்ற பிரபல ஜனரஞ்சக கைக்கருவிகளை மக்களிடையே அறிமுகப்படுத்தி பெரும் பேரும் புகழும் பணமும் சம்பாதித்தவர் ஸ்டீவ் ஜாப்ஸ்.”ஒரு குறிப்பிட்ட சாராருக்கென கருவிகளை வடிவமைப்பது எனபது நிஜமாகவே கடினமான காரியம். பெரும்பாலான சமயங்களில் நீங்களே கொண்டு வந்து காட்டாத வரை அவர்களுக்கு தேவை என்ன என்பதே அவர்களுக்கு தெரியாது.” என்கிறார் ஜாப்ஸ்.

கடந்த மாதத்தில் ஆப்பிள் நிறுவனத்திடம் அமெரிக்க அரசாங்கத்தின் கையிருப்பு கரன்சிகளை விட அதிகப்பணம் இருக்கவே கிண்டலாக அமெரிக்க அரசாங்கத்தை ஐபோன் ஐபேட் விற்க சொல்லி பத்திரிகைகள் ஆலோசனை கொடுத்தன. வாங்கிய சம்பளம் மாதம் $1 தான் எனினும் ஆப்பிள் நிறுவன பங்குகளின் வழி இவர் சொத்து மதிப்பு எட்டு பில்லியன் டாலர்களையும் தாண்டும்.”மிகப்பெரிய பணக்காரனாக இடுகாட்டுக்கு செல்வதைவிட, ஏதோ ஒரு நல்லதை செய்தேன் என்ற திருப்தியோடு படுக்கைக்கு செல்வதையே விரும்புகிறேன்.” என்பதும் அவர் வார்த்தைகள் தான்.

”எதாவதொன்றை சாதித்து விட்டீர்களா?.அருமை.அருமை.ஆனால் அதிலேயே முடங்கி கிடக்காதிருங்கள். அடுத்தது என்ன அதைவிட பெரிதாக சாதிக்கலாமென யோசியுங்கள்.” என்பார். “கவனம் மற்றும் எளிமை என்பதே என் மந்திரம் என்றாகிவிட்டது. எளிமை என்பது சிக்கலானதை விட மிக கடினமானதாகும்: கொஞ்சம் கஷ்டப்பட வேண்டும்.ஆனால் ஒருமுறை நாம் அதை அடைந்து விட்டால் மலைகளை கூட நாம் நகர்த்த முடியும்."என்பது அவர் நம்பிக்கை. புத்த மதத்தில் மிகவும் ஈடுபாடு கொண்ட ஸ்டீவ் ஜாப்ஸ் ஒரு வெஜிடேரியன் ஆவார்.நான்கு பிள்ளைகள் உள்ளனர்.மனைவியின் பெயர் லாரின் பவல் ஜாப்ஸ்(படம்).

சமீபகாலமாக உடல் நலம் மிகவும் பாதிக்கப்பட்ட நிலையில் ஸ்டீவ் தனது முழு கவனத்தையும் வேலையில் செலுத்த முடியாததாகையால் நேற்று தனது ராஜினாமா கடிதத்தை கொடுத்துள்ளார். மரணத்தை பற்றி முன்பு ஒருமுறை அவர் சொன்ன வரிகள் இப்போது நினைவுக்கு வருகின்றது. ”யாருமே சாக விரும்புவதில்லை. சொர்க்கத்திற்கு செல்ல விரும்பும் நபர்கள் கூட சாவதற்கு விரும்புவதில்லை. ஆனாலும் நம் எல்லோரின் இலக்கும் மரணமே. யாரும் அதனிடமிருந்து தப்பிக்க முடியாது. அது அப்படித்தான், சொல்லப் போனால் வாழ்க்கையின் ஒரே சிறந்த கண்டு பிடிப்பு மரணம் மட்டுமே. அது தான் நம் வாழ்க்கையை மாற்ற உதவும் இடைத்தரகு. பழையனவைகளை களைந்து புதியன வர வழி விடுகின்றது. இப்போது நீ புதியவனாக இருக்கலாம், ஆனால் படிப்படியாக கூடிய சீக்கிரத்தில் ஒரு நாள் நீயும் பழையவனாகி விடுவாய். காணாமல் போய் விடுவாய். கொஞ்சம் நாடகத்தனமாக பேசிவிட்டேன். மன்னித்துக் கொள்ளுங்கள். ஆனாலும் அது தான் உண்மையும் கூட.”
We will miss you Steve.

On the Lighter Side


Email PostDownload this post as PDF

Wednesday, August 24, 2011

எங்கே தான் தவறு

ரம்ப காலத்தில் தைவானை சேர்ந்த ASUSTeK எனும் நிறுவனம் Dell கணிணிகளுக்கு தேவையான சிறு சிறு சர்கியூட் போர்டுகளை தயாரித்து கொடுத்து வந்தது. கொஞ்சகாலம் சென்றதும் அந்த ஏசுஸ் நிறுவனம் டெல்லிடம் வந்து “ஹேய் நாங்கள் தான் நல்லபடியாக சர்கியூட் போர்டுகளை செய்து தருகிறோமே, உங்கள் கணிணிகளுக்கு தேவையான மதர்போர்டுகளையும் செய்ய எங்களுக்கு வாய்ப்பு கொடுங்களேன்” என்றது. ”இருபது சதம் வரைக்கும் குறைந்த விலைக்கு நாங்கள் அதை செய்து தருகிறோம்” என்றது ஏசுஸ். டெல்லுக்கும் இது நல்ல டீலாக பட்டது. ஏனெனில் டெல் நிறுவனத்தின் வருவாய் எந்தவிதத்திலும் இதனால் பாதிக்கப்படவில்லை. உண்மையில் அதிக லாபமே கிடைத்தது.
கொஞ்ச காலம் தள்ளி மொத்த கணிணியையும் நாங்களே அசம்பிள் செய்து தருகிறோமே இன்னும் குறைந்த விலைக்கு என்றது ஏசுஸ். டெல்லுக்கும் இது நல்லதாக படவே அதையும் ஒத்துக்கொண்டது.அப்புறம் ஏசுஸ் டெல்லின் அனுமதியுடன் நேரடியாகவே பல டெல் டீலர்களிடம் டெல் கணிணிகளை சப்ளை செய்யவும் ஆரம்பித்தது. டெல்லுக்கும் இது ரொம்ப வசதியாக போய்விட்டது. ரொம்ப வேலையில்லை, சிரமப்பட வேண்டியதில்லை ஆனால் வரவேண்டிய பணம் சரியாக வந்து கொண்டிருந்தது. ஒரு கட்டத்தில் கணிணிகளை வடிவமைக்கும் வேலைகளை கூட இந்த ஏசுஸ் நிறுவனமே செய்ய ஆரம்பித்தது.இப்படி ஒவ்வொரு கட்டத்திலும் ஆசுஸ் டெல்லிடம் வந்த போதெல்லாம் டெல்லின் வருவாய் எந்த விதத்திலும் பாதிக்கப்படவில்லை. சிலகாலம் தள்ளி ஆசூஸ் மீண்டும் இன்னொரு டீலோடு வநதது.ஆனால் அது இந்த முறை வந்தது டெல்லிடமில்லை. பெஸ்ட்பை,சர்கியூட் சிட்டி போன்ற எலக்ட்ரானிக்ஸ் கடைகளிடம். டெல்லை விட 20 சதவீதம் குறைவான விலையில் கணிணிகளை நாங்களே தருகிறோம் என்றது ஏசுஸ்.
பிங்கோ.
ஒரு கம்பெனி தொலைந்தது.இன்னொரு கம்பெனி உருவாகியது.இப்படித்தான் இன்றைக்கும் பல கம்பெனிகள் உருவாகின்றன.ASUS லேப்டாப்புகளும், நெட்புக்குகளும் சந்தையில் முக்கிய இடம் பிடித்தன. Squaretrade சர்வே மிகவும் நம்பகமான லேப்டாப்களில் ஒன்றாக ஏசுஸ் லேப்டாப்புகளை (Most Reliable Laptop) கூறியது. ஆப்பிள் ஐபேடுக்கு அடுத்தபடியாக அதிக அளவில் டேப்ளட் பிசிக்களை விற்பவர்களும் இவர்கள் தான். இங்கு எங்கே தவறு நடந்தது. டெல் மேனேஜரும் தவறு செய்யவில்லை ஏனெனில் டெல் இறுதிவரை லாபம் பார்த்துக் கொண்டே தான் வந்தது. ஏசுசும் தவறுசெய்யவில்லை அதுவும் தன் நிறுவனத்தை வளர்க்கும் நிலைநாட்டும் நோக்கத்தில் மட்டுமே குறியாய் இருந்தது.அப்புறம் எங்கே தான் தவறு நடந்தது?.

முன்பு பிரபலமாக இருந்து இப்போது காணாமல் போன அல்லது காணாமல் போய்க் கொண்டிருக்கும் பல பிரபல பெயர்களின் வரிசை இங்கே.
Bear Stearns-ஐ Chase வாங்கியது.
Cadbury-யை Kraftfoods வாங்கியது.
Cingular-யை At&t வாங்கியது
Circuit city-யை Tigerdirect வாங்கியது.
Compaq -க்கை HP வாங்கியது.
COMPUSA காணாமல் போனது.
Hummer காணாமல் போய்க்கொண்டிருக்கிறது.
Jaguarஐ TATA வாங்கியது.
JP Morgon -ஐ Chase வாங்கியது.
Lehman Brothers காணாமல் போனது.
Orkut காணாமல் போய்க்கொண்டிருக்கிறது.
Palm-ஐ HP வாங்கியது.
Schering Plough-ஐ Merck வாங்கியது.
Skype-இ Microsoft வாங்கியது.
Sun-ஐ Oracle வாங்கியது.
T-mobile-யை At&t வாங்க போகிறது.
Washington Mutual-ஐ Chase வாங்கியது.


Email PostDownload this post as PDF

Thursday, August 11, 2011

ஐம்பது பெயர் காரணங்கள்

உலகின் பல்வேறு துறைகளில் புகழ் பெற்ற பெரிய 50 நிறுவனங்களின் பெயர்கள் தோன்றியது எப்படி என விளக்கும் படங்கள் இங்கே எனது சேகரிப்புக்காக.
Adidas name origin

Ikea store name origin

Duanereade name origin

Adobe name origin

Wendys name origin

Mattel name origin

Geico Insurance company name origin

Sharp name origin

Virgin Records name origin

Lego name origin

Audi car company name origin

Seven Elevan name origin

Ebay corporate name origin

Vodafone name origin

KIA cars name origin

Nokia cellphone company name origin

Qualcomm Telecommunication company name origin

SEGA name origin

Reebok name origin

IBM corporation name origin

Nintendo name origin

Tacobell name origin

Canon name origin

Nabisco name origin

Amazon.com name origin

Sprint name origin

CVS Pharmacy name origin

Walmart store name origin

Garmin name origin

Coca Cola name origin

Pepsi name origin

SAAB technologies name origin

Hasbro name origin

ConocoPhillips name origin

Verizon name origin

Comcast name origin

3M name origin

QVC name origin

Bridgestone name origin

H&R Block name origin

Volkswagen name origin

Arbys name origin

AT&T name origin

Starbucks name origin

AMC Theatres name origin

Nissan name origin

Arm & Hammer name origin

Sony name origin

Nikon name origin

ATARI Games name origin

How corporate names came, How big companies are named, How famous companies got their names.


Email PostDownload this post as PDF
Related Posts Plugin for WordPress, Blogger...

சமீபத்திய பின்னூட்டங்கள்