மினி பிசி ஸ்டிக்குக‌ள்

HDMI போர்ட்டுக‌ளோடு கூட‌ வ‌ர‌க்கூடிய‌ இந்த‌ மினி பிசி ஸ்டிக்குக‌ள்தான் இப்போதைக்கு ஹாட் கேட்ஜ‌ட்க‌ளாம். பொடி க‌ணி சுளிக‌ள் என‌லாமோ?க‌ண‌ப்பொழுதில் உங்க‌ள் டிவியை க‌ணிணியாக்கிவிடுகிற‌து. பென்டிரைவ் போல குட்டியாயிருக்கும் இந்த‌ க‌ணி சுள்ளியை உங்க‌ள் டிவியின் HDMI போர்ட்டில் செருகிவிட்டால் போதும். உங்க‌ள் டிவி கணிணியாக‌ உருமாறிவிடுகிற‌து. அன்ட்ராய்ட் முத‌லான‌ ப‌ல்வேறு OS-க‌ளோடு வ‌ருகின்ற‌ன‌. இத‌ன் Wi-fi வ‌ழி கேம்ஸ்,அப்ஸ்,பிரவுஸ் என‌ ப‌ல‌வும் ப‌ண்ண‌லாம்.வீட்டு போட்டோக்க‌ளை வீடியோக்க‌ளை பார்க்க‌ மெம‌ரி கார்ட் போட‌ ஸ்லாட்டும் இருக்கிற‌து.பிசி ஸ்டிக்கிலுள்ள‌ USB போர்ட்டில் ஒரு வ‌ய‌ர்ல‌ஸ் ம‌வுசை செருகிவிட்டால் ஆல்செட்.க‌வுச்சில் அம‌ர்ந்து உலகை உலாவ‌ர‌லாம்.அம்ப‌து டால‌ருக்கெல்லாம் கிடைக்கிற‌து.சும்மா ஒரு அறிமுக‌ம்.

Download this post as PDF

நூறு வருடங்களில்....1912 vs 2012

Download this post as PDF

ஐ-ஃபை

ஊருக்கு கிளம்பும் முன் அவசர அவசரமாக இந்த பதிவு.Eye-Fi-பற்றியது.இந்த மாதிரியான அற்புத தொழில் நுட்பங்களை பற்றி கேள்விப்படும் போது உடனே எழுதிவிட வேண்டும். நம்மில் அநேகருக்கு இது ஏற்கனவே தெரிந்த விசயம் தான். தெரியாதவர்களுக்கு மட்டும் இந்த அறிமுகம். சாதாரண மெமரி கார்டுக்கு உயிர்கொடுக்கும் தொழில் நுட்பம் இது. memory card + Wi-Fi = Eye-Fi எனும் சமன்பாட்டை பயன்படுத்தியிருக்கிறார்கள். அதாவது உங்கள் SDHC மெமரிகார்டால் Wi-Fi எனப்படும் வயர்லஸ் நெட்வொர்க்கோடு இணைய முடியும். அவ்ளோதான். இதனால் என்ன பயன்? உங்கள் சாதாரண டிஜிட்டல் கேமராவில் இந்த Eye-Fi மெமரிகார்டை பயன்படுத்தினால் உங்கள் கேமரா உங்கள் வீட்டு வயர்லஸ் நெட்வொர்க்கோடு இணைக்கப்பட்டு விடும்.விளைவு போட்டோ எடுக்க எடுக்க அப்படியே வை-பை வழி உங்கள் கணிணிக்கோ அல்லது ஐபோன்/ஐபேடு/ஆண்ட்ராய்டுக்கோ போட்டோக்களை எளிதாக கடத்திவிடலாம். உங்கள் மெமரி கார்டு எப்போதுமே போட்டோக்களால் நிரம்பிவழியாது.never run out of space again, எப்படி கான்செப்ட்? எப்படியெல்லாம் யோசிக்கிறார்கள் பாருங்கள்? இங்கு ஆப்டிமம் மற்றும் AT&T வைபைகள் ஊரெங்கும் உள்ளன. எனவே எங்கிருந்து வேண்டுமானாலும் போட்டோக்களை சாதாரண டிஜிட்டல் கேமராவிலிருந்து அப்லோடு செய்துவிடலாம். இன்னும் அநேக நம்ம வீட்டு சாதனங்கள் சீக்கிரத்தில் உயிர்பெற்று வீட்டு வயர்லெஸ் நெட்வொர்க்கோடு இணைக்கப்படும். அந்த வழியில் டம்ப் பொருட்களைக்கூட நெட்வொக்கில் இணைக்க நாம் ரொம்ப கஷ்டப்படவேண்டியதில்லை என்பதை இந்த ஐ-பை நிரூபிப்பதாய் உள்ளது.

மீண்டும் cleartrip.com இந்திய ரெயில்வே ரெசர்வேசன்களுக்கு உதவியது. irctc.co.in -னோ makemytrip.com-மோ அல்லது yatra.com-மோ சர்வதேச அல்லது குறைந்த பட்சம் அமெரிக்க கிரெடிட்/டெபிட் கார்டுகளை ஏற்றுக் கொள்ளவில்லை. flykingfisher.com-ல் கூட முன் பதிவு செய்ய cleartrip.com - தான் உதவியது.Long live cleartrip.com. ஆன்லைன் coupon code-களையும் கவுரவிக்கிறார்கள். பல சென்னை ஹோட்டல் ஆன்லைன் ரெசர்வேசன் தளங்கள் அநியாயத்துக்கும் இருக்கின்றன. பக்காவாக வெளிநாட்டு ஓட்டல்களுக்கு வெப் பக்கங்களை வடிவமைக்கும் நாம், நம்ம ஊர் ஸ்டார் ஹோட்டல் ஆன்லைன் ரெசர்வேசன் தளங்களை பார்க்கவேண்டுமே, பாழடைந்த மண்டபத்தினுள் நுழைவது போல் இருக்கின்றது. வியாபார விரிவாக்கத்தில் கவனம் செலுத்தும் நம்மவர்கள் ஆன்லைன் அப்பியரன்ஸ்சிலும் கவனம் செலுத்தினால் நன்னாய் இருக்கும்.தூரத்து வாடிக்கையாளார்களுக்கு அந்தந்த இணைய தளங்களே அந்த வியாபாரம் பற்றிய மறைமுக நல்லெண்ணத்தையும் நம்பிக்கையின்மையினையும் கொடுக்கும் என்பதை அறியவேண்டும். வெள்ளிக்கிழமை ஐபோன் 4S கையில் வந்து கிடைத்ததும் கூகிளுக்கு ஆப்படிக்க வந்திருக்கும் SIRI-யோடு கூட அப்படியே கிளம்பிவிட வேண்டியது தான்.புதிதாக சர்வதேச விமானநிலையம் ஒன்றை திருவனந்தபுரத்தில் கட்டியிருக்கிறார்களாம். பார்க்கலாம். அப்படியே ஒரே கல்லில் இரண்டு மாங்காயிட்ட அசோக்கையும் சந்திக்க வேண்டும்.போன முறை வேலுவை பார்த்தோம் இந்த முறை முடிந்தால் பொன்னுசாமி. வேறெதாவது இருக்கு பரிந்துரைக்க?

On the Lighter Side

Download this post as PDF

எங்கே தான் தவறு

ஆரம்ப காலத்தில் தைவானை சேர்ந்த ASUSTeK எனும் நிறுவனம் Dell கணிணிகளுக்கு தேவையான சிறு சிறு சர்கியூட் போர்டுகளை தயாரித்து கொடுத்து வந்தது. கொஞ்சகாலம் சென்றதும் அந்த ஏசுஸ் நிறுவனம் டெல்லிடம் வந்து “ஹேய் நாங்கள் தான் நல்லபடியாக சர்கியூட் போர்டுகளை செய்து தருகிறோமே, உங்கள் கணிணிகளுக்கு தேவையான மதர்போர்டுகளையும் செய்ய எங்களுக்கு வாய்ப்பு கொடுங்களேன்” என்றது. ”இருபது சதம் வரைக்கும் குறைந்த விலைக்கு நாங்கள் அதை செய்து தருகிறோம்” என்றது ஏசுஸ். டெல்லுக்கும் இது நல்ல டீலாக பட்டது. ஏனெனில் டெல் நிறுவனத்தின் வருவாய் எந்தவிதத்திலும் இதனால் பாதிக்கப்படவில்லை. உண்மையில் அதிக லாபமே கிடைத்தது.
கொஞ்ச காலம் தள்ளி மொத்த கணிணியையும் நாங்களே அசம்பிள் செய்து தருகிறோமே இன்னும் குறைந்த விலைக்கு என்றது ஏசுஸ். டெல்லுக்கும் இது நல்லதாக படவே அதையும் ஒத்துக்கொண்டது.அப்புறம் ஏசுஸ் டெல்லின் அனுமதியுடன் நேரடியாகவே பல டெல் டீலர்களிடம் டெல் கணிணிகளை சப்ளை செய்யவும் ஆரம்பித்தது. டெல்லுக்கும் இது ரொம்ப வசதியாக போய்விட்டது. ரொம்ப வேலையில்லை, சிரமப்பட வேண்டியதில்லை ஆனால் வரவேண்டிய பணம் சரியாக வந்து கொண்டிருந்தது. ஒரு கட்டத்தில் கணிணிகளை வடிவமைக்கும் வேலைகளை கூட இந்த ஏசுஸ் நிறுவனமே செய்ய ஆரம்பித்தது.இப்படி ஒவ்வொரு கட்டத்திலும் ஆசுஸ் டெல்லிடம் வந்த போதெல்லாம் டெல்லின் வருவாய் எந்த விதத்திலும் பாதிக்கப்படவில்லை. சிலகாலம் தள்ளி ஆசூஸ் மீண்டும் இன்னொரு டீலோடு வநதது.ஆனால் அது இந்த முறை வந்தது டெல்லிடமில்லை. பெஸ்ட்பை,சர்கியூட் சிட்டி போன்ற எலக்ட்ரானிக்ஸ் கடைகளிடம். டெல்லை விட 20 சதவீதம் குறைவான விலையில் கணிணிகளை நாங்களே தருகிறோம் என்றது ஏசுஸ்.
பிங்கோ.
ஒரு கம்பெனி தொலைந்தது.இன்னொரு கம்பெனி உருவாகியது.இப்படித்தான் இன்றைக்கும் பல கம்பெனிகள் உருவாகின்றன.ASUS லேப்டாப்புகளும், நெட்புக்குகளும் சந்தையில் முக்கிய இடம் பிடித்தன. Squaretrade சர்வே மிகவும் நம்பகமான லேப்டாப்களில் ஒன்றாக ஏசுஸ் லேப்டாப்புகளை (Most Reliable Laptop) கூறியது. ஆப்பிள் ஐபேடுக்கு அடுத்தபடியாக அதிக அளவில் டேப்ளட் பிசிக்களை விற்பவர்களும் இவர்கள் தான். இங்கு எங்கே தவறு நடந்தது. டெல் மேனேஜரும் தவறு செய்யவில்லை ஏனெனில் டெல் இறுதிவரை லாபம் பார்த்துக் கொண்டே தான் வந்தது. ஏசுசும் தவறுசெய்யவில்லை அதுவும் தன் நிறுவனத்தை வளர்க்கும் நிலைநாட்டும் நோக்கத்தில் மட்டுமே குறியாய் இருந்தது.அப்புறம் எங்கே தான் தவறு நடந்தது?.

முன்பு பிரபலமாக இருந்து இப்போது காணாமல் போன அல்லது காணாமல் போய்க் கொண்டிருக்கும் பல பிரபல பெயர்களின் வரிசை இங்கே.
Bear Stearns-ஐ Chase வாங்கியது.
Cadbury-யை Kraftfoods வாங்கியது.
Cingular-யை At&t வாங்கியது
Circuit city-யை Tigerdirect வாங்கியது.
Compaq -க்கை HP வாங்கியது.
COMPUSA காணாமல் போனது.
Hummer காணாமல் போய்க்கொண்டிருக்கிறது.
Jaguarஐ TATA வாங்கியது.
JP Morgon -ஐ Chase வாங்கியது.
Lehman Brothers காணாமல் போனது.
Orkut காணாமல் போய்க்கொண்டிருக்கிறது.
Palm-ஐ HP வாங்கியது.
Schering Plough-ஐ Merck வாங்கியது.
Skype-இ Microsoft வாங்கியது.
Sun-ஐ Oracle வாங்கியது.
T-mobile-யை At&t வாங்க போகிறது.
Washington Mutual-ஐ Chase வாங்கியது.

Download this post as PDF

போலி பிளாஷ் டிரைவுகளை கண்டுபிடிப்பது எப்படி?

256GB, 512GB, 640GB என மிகப்பெரிய அளவுகளில் USB பிளாஷ் டிரைவுகள் மலிவான விலையில் சந்தையில் கிடைத்தால் நாம் போட்டி போட்டுக் கொண்டு வாங்கிவிடுகிறோம். கணிணியில் இணைத்துப் பார்த்தால் அதுவும் 640GB USB Flash drive detected என பெருமையாக கூறிவிடுகின்றது. ஆனால் பிரச்சனையே இனிதான் ஆரம்பிக்கிறது. கோப்புகளை காப்பி செய்ய ஆரம்பித்தால் 2GB அல்லது 4GB-க்கு மேல் காப்பியாக திணறும், கடைசியில் இருக்கின்ற கோப்புகளை கரப்ட் செய்துவிட்டு டிரைவும் செத்துவிடும்.இது தான் போலி பிளாஷ் டிரைவுகளின் குணாதிசயம். இந்த போலி டிரைவுகளில் மறைவாக ஏற்கனவே எழுதப்பட்டிருக்கும் ஒரு சிறிய புரோகிராம் அதை உங்கள் கணினிக்கு 640GB-யாக காண்பித்து பொய்சொல்லும்.ஆனால் நிஜத்தில் அங்கே 2GB-யோ அல்லது 4GB-யோ தான் இருக்கும். சீனாவிலிருந்து இது போன்ற போலி பிளாஷ் டிரைவுகள் உலகமெங்கும் இறக்குமதியாகின்றன. சோனி,கிங்ஸ்டன் என பிரபலமான பெயர்களில் இவை லோக்கல் சந்தைகளில் கிடைக்கின்றன. ஈபேயிலும் இவைகள் கொட்டிக் கிடக்கின்றன. நாம தான் உசாரா இருக்க வேண்டியுள்ளது.நம்பத்தகுந்த நபர்களிடமிருந்து அல்லது நிறுவனங்களிடமிருந்து மட்டுமே டிரைவுகளை வாங்குவது நல்லது. மேற்சொன்ன கதை மெமரிகார்டுகளுக்கும் பொருந்தும்.அது சரி, உங்களிடம் ஏற்கனவே இருக்கும் USB பிளாஷ் டிரைவ் ஒரிஜினலா அல்லது போலியா என தெரிந்துகொள்வது எப்படி? H2testw என ஒரு இலவச மென்பொருளை நீங்கள் கீழ்கண்ட சுட்டியிலிருந்து இறக்கம் செய்துகொள்ளலாம். இதை உங்கள் கணிணியில் unzip செய்து டார்கெட்டாக உங்கள் USB பிளாஷ் டிரைவ் அல்லது மெமரிகார்டை காண்பித்து (உங்கள் டிரைவை empty ஆக்கினபின்) ஓடவிட்டால் அது சிறிது நேரம் கழித்து உங்கள் டிரைவின் லட்சணத்தை கூறிவிடும்.Test finished without errors என்றால் நீங்கள் ஏமாறவில்லை என அர்த்தம்.The media is likely to be defective எனச் சொன்னால் கண்ணன் ஏமாந்தான் என அர்த்தம்.
Download H2testw for free
Download link below
http://www.heise.de/ct/Redaktion/bo/downloads/h2testw_1.4.zip
Homepage link below
http://sosfakeflash.wordpress.com/2008/09/02/h2testw-14-gold-standard-in-detecting-usb-counterfeit-drives

கேள்வி: தமிழ்நாட்டில் மின்கட்டணத்தை இணையதளம் வழி ஆன்லைனில் செலுத்தலாமாமே.(Tamil Nadu Online Electricity Bill Payment) அது உண்மையா?
பதில்: உண்மைதான்.கீழ்கண்ட சுட்டியில் இணையதள மின் கட்டண சேவை தமிழகம் முழுவதும் உள்ளது .
https://www.tnebnet.org/awp/tneb/

On the Lighter Side

Download this post as PDF

எல்லாமே அறிந்தவன்

இது நாள் வரை இணையத்தில் எதையாவது தேட கூகிளை மட்டுமே பயன்படுத்திக் கொண்டிருந்த கோபால் இப்போதெல்லாம் பிங்குக்கும், யாகூக்குமாக தாவிக் கொண்டிருக்கின்றான். இரண்டிலும் சிக்காத பட்சத்தில் மட்டுமே கடைசி முயற்சியாக கூகுளுக்கு செல்வதாக கேள்விப் பட்டேன். அதற்கு அவன் சொல்கின்ற காரணம் சமீபத்தில் கூகிளின் CEO Eric Schmidt பேட்டி ஒன்றில் பார்வையாளர்களைப் பார்த்து சொன்ன ஒரு கூற்று "We Know Where You Are. We Know Where You've Been. We Can More Or Less Know What You're Thinking About."

அந்தாள் சொல்வதிலும் உண்மை இல்லாமல் இல்லை.ஜிமெயிலிலோ அல்லது ஐகூகிளிலோ நீங்கள் லாகின் செய்ததும் ஐபி விலாசம் வைத்து கூகிளுக்கு நீங்கள் எங்கே இருக்கின்றீர்கள் என்ற தகவல் தெரிந்து விடுகின்றது. உங்கள் ஜிமெயில் மற்றும் Gtalk தொடர்புகள் வழி உங்கள் நண்பர்கள் யார், யாரிடம் அடிக்கடி தொடர்புகொள்கின்றீர்கள் என்ன விசயமாக போன்ற விசயங்கள் கூகிளுக்கு தெரிந்து விடும். தேடல்களில் நீங்கள் டைப்பும் கீ வார்த்தைகள் மூலம் உங்கள் ஆர்வங்களும் கூகிளுக்கு தெரிந்து விடுகின்றது.கூகிள் மேப் பயன் படுத்தி போக வர டைரக்சன்கள் நாம் கேட்கும் போது உங்கள் இருப்பிடமும், எங்கே செல்ல விழைகின்றோம் என்ற தகவலும் கூகிளுக்கு தெரிந்து விடுகின்றது.பிறரிடம் நாம் கேட்க தயங்குவதைக் கூட கூகிளிடம் வெட்கமில்லாமல் தைரியமாக கேட்கின்றோம். சிக்கன் பிரியாணி செய்து பார்க்கலாமாவென யோசித்து அதை மனைவியிடம் சொல்லுமுன்பே கூகிளிடம் நீங்கள் சொல்லிவிடுகின்றீர்கள்.How to make chicken biryani?.

உண்மையில் கூகிளால் உங்களை பற்றி ஓரளவு ஆருடம் கூட சொல்ல முடியும். உங்கள் குணங்களையும் ஆர்வங்களையும் செயல்பாடுகளையும் பட்டியலிட்டு இவர் இப்படிபட்ட நபராகத்தான் இருக்க முடியும் என ஒரு ரிப்போர்ட்டே கொடுக்க முடியும்.பெண்ணை கட்டிக் கொடுக்கப் போகின்றவர் மாப்பிளையின் குணநலன்கள் செயல்பாடுகள் பற்றி எதிர்காலத்தில் கூகிளிடமே விசாரிக்கலாம். இதை தான் எரிக் சிமிட் அப்படிச் சொன்னார். இதனால் கோபம் பொத்துக்கொண்ட கோபால் கூகிளை விட்டுவிட்டான். இதனால் யாருக்கு நஷ்டமோ தெரியவில்லை.

”டிஸ்பிளே போர்ட்” ஒரு அறிமுகம்:
சில சமயம் நம் கணிணியில் அல்லது மடிக்கணிணியில் இருக்கும் வினோதமான புதியவித போர்ட்டுகள் எதற்காக இருக்கின்றனவென்றே நமக்கு தெரிவதில்லை. அப்படி புதிதாக சமீப காலங்களில் உங்கள் கண்களில் சிக்கும் ஒரு போர்ட்டு தான் ”டிஸ்பிளே போர்ட்”. அது பற்றிய ஒரு சிறிய அறிமுகம் இங்கே.
படத்தில் நீங்கள் காணும் இந்த புதிய வகை ”டிஸ்பிளே போர்ட்டுகள்” சீக்கிரத்தில் VGA,DVI மற்றும் HDMI போர்ட்டுகளை பெவிலியனுக்கு அனுப்பிவிடுமாம்.மிக அதிக ரெசல்யூசன் மானிட்டர்களுக்கு இந்த போர்ட்டு வகைகள் நல்லதாம். HDMI போல இது வீடியோவோடு ஆடியோவையும் கடத்துகின்றது. அது போல ஒரு நடுபெட்டி அமைத்து பல எண்ணிக்கையில் மானிட்டர்களை ஒரு கணிணியில் இணைக்கலாமாம். பல வீடியோ கார்டுகள் தேவைப்படாது. HDMI போல இது பாயிண்ட் டூ பாயிண்ட்டாக வேலை செய்யாமல் பாக்கெட் சுவிட்சிங் முறையில் இது வேலை செய்வது இங்கு குறிப்பிடத் தக்கது. ராயல்டி இல்லாமை, விசேச கண்ட்ரோலர் தேவை இல்லாமை இவ்வகை ஹார்டுவேர்களின் விலையை குறைக்கின்றன. ஆப்பிள் கணிணிகள் இப்போதெல்லாம் அதன் விசேச mini DisplayPort-களுடன் வருகின்றன.
DisplayPort vs HDMI port comparison chart

Caught on Camera
செய்த தவறை ஒத்துக்கொள்ளாமல் மாறாக தவறை சுட்டிக்காட்டிய தொண்டனை கும்மாங்குத்து குத்தும் தலைவனெல்லாம் என்ன தலைவன்?
கேப்டனின் நிஜ சண்டைக் காட்சி.

மேலே ஒளிப்படம் தெரியவில்லையா?
யூடியூப் வீடியோவை பார்க்க இங்கே சொடுக்கவும்
http://www.youtube.com/watch?v=u9TS5xUHIRk
On the Lighter Side

Download this post as PDF

வாமுக‌ : ஸ்மார்ட் போன்கள்

"வாங்கும் முன் க‌வ‌னிக்க‌" வ‌ரிசையில் இன்று ஸ்மார்ட் போன்கள் என‌ப்ப‌டும் கணிப்பேசிகள் பற்றி பார்க்கலாம். முன்பைப்போல கைப்பேசிக‌ளின் ப‌ய‌ன்பாடு வெறும் பேச‌வும், டெக்ஸ்ட் செய்ய‌வும் என்றில்லாது இன்றைக்கு அதை இணைய‌த்தோடு இணைய‌ச்செய்து, அதற்கு ப‌ல்வேறு புத்திக‌ளையும் கொடுத்து அதை நாம் அநேக‌ம் செய்ய‌ வைத்திருக்கின்றோம். சீக்கிரத்தில் ஒரு ஸ்மார்ட் போன் வாங்க‌ உத்தேச‌த்திலிருப்போர்க்கு கீழ்க‌ண்ட குறிப்புக‌ள் உதவலாம்.

1.ஆப்பரேட்டிங் சிஸ்டம் : ஸ்மார்ட் போன்க‌ள்,க‌ணிணிகளைப் போல‌வே ஏதாவ‌து ஒரு ஆப்பரேட்டிங் சிஸ்டம் கொண்டு வ‌ரும். எகா: கூகிளின் ஆன்ட்ராய்ட், ஆப்பிளின் iOS4, பிளாக்பெர்ரியின் BlackBerry OS ,மைக்ரோசாப்டின் Windows Mobile, நோக்கியாவின் Symbian அல்லது MeeGo. இந்த‌ OS-‍க‌ளில் எந்த‌ OS உங்க‌ளுக்கு மிக‌வும் பிடித்த‌மான‌து ச‌வுக‌ரிய‌மான‌து என‌ முடிவு செய்து கொள்ளுங்க‌ள். ஒவ்வொன்றும் அத‌ற்கென‌ "பய‌ன்பாடு ச‌ந்தை"க‌ளை கொண்டுள்ள‌ன.‌ ஐமீன் AppStore or Application Marketplace.எப்ப‌டியும் உங்க‌ள் ஸ்மார்ட்போன் மேற்சொன்ன‌வைக‌ளில் எதாவ‌து ஒரு OS-ஐ கொண்டிருப்ப‌தாக‌ பார்த்துக்கொள்ளுங்க‌ள். என‌து ப‌ரிந்துரை Android. முடியுமெனில் iOS4.

2. இணைய இணைப்பு வசதிகள் : உங்க‌ள் ஸ்மார்ட்போனில் கண்டிப்பாக Wi-Fi இருக்குமாறு பார்த்துக்கொள்ளுங்கள். கூடவே உங்கள் இடம், சூழலுக்கேற்ப 4G, UMTS/HSDPA அதாவது 3G,GPRS, EDGE போன்ற இணைய இணையும் வசதிகள் இருக்குமாறு பார்த்துக்கொள்ளுங்கள்.

3.தொடுதிரை : சிலருக்கு எல்லாமே டச் ஸ்கீரினால் செய்ய முடியும். சிலருக்கு டச் ஸ்கீரின் என்றாலே அலர்ஜி. உங்கள் ஸ்மார்ட் போன் எது கொண்டிருக்க வேண்டுமென நீங்க‌ளே முடிவுசெய்து கொள்ளுங்க‌ள். சில‌ கணிப்பேசிக‌ள் இர‌ண்டுமே கொண்டு வ‌ருகின்ற‌ன‌. ட‌ச் ஸ்கிரீனெனில் Capacitive Touchscreen ந‌ல்ல‌ தொடு உண‌ர்வை தரும். எதற்கும் வாங்கும்முன் ஒரு முறை தொடுதிரையை தொட்டு பார்த்து அது உங்களுக்கு லாயக்காவென தெரிந்துகொள்ளுத‌ல் ந‌ல்ல‌து.பிற்பாடு விர‌ல்க‌ளால் மொத்து மொத்தென திரையை மொத்துவ‌தை த‌விர்க்க‌லாம்.யூடியூப் வீடியோ பார்வைக‌ளுக்கு ந‌ல்ல‌ Display Resolution இருப்பது ந‌ல்ல‌து.விரல்கள் விளையாட வசதியான அளவு Display Size வேண்டும்.

4.நினைவகம் : ப‌ய‌ன்பாடுக‌ளை நிறுவ‌ அதிக‌ Internal Memory தேவைப்ப‌டும்.GB க‌ண‌க்கில் இருப்ப‌து ந‌ல்ல‌து.

5.பேட்டரி : கடைசியாக ஆனால் மிக முக்கியமாக battery life.

கிறிஸ்த‌வ‌ர்க‌ளின் வேதாக‌ம‌ புத்தகம் த‌மிழில் ஒரு ஐபோன்/ஐபேட் ப‌ய‌ன்பாடாக‌ ஆப்பிள் AppStore-ல் வ‌ந்துள்ள‌து. தேவையுள்ள‌வ‌ர்க‌ள் இல‌வ‌ச‌மாக‌ இற‌க்க‌ம் செய்து நிறுவிக் கொள்ள‌லாம்.
AppStore link to Tamil Bible - Reference iPhone iPad App by Joy Solutions

Download this post as PDF

வாமுக‌ : போர்ட்ட‌பிள் டிரைவ்க‌ள்

"வாங்கும் முன் க‌வ‌னிக்க‌" வ‌ரிசையில் இன்று போர்ட்ட‌பிள் டிரைவ் என‌ப்ப‌டும் எக்ஸ்டெர்ன‌ல் யூஎஸ்பி ஹார்ட் டிரைவுக‌ள் பற்றி பார்க்கலாம்.

த‌ங்க‌ளிட‌முள்ள‌ டேட்டாக்க‌ளையெல்லாம் த‌ன் ம‌டிக்க‌ணிணியில் ம‌ட்டுமே சேமித்து வைத்திருந்து, பின் ஒர் ந‌ன்னாளில் அத‌ன் ஹார்ட்டிரைவ் கிராஷ்ஷாக‌ அவை முழுவ‌தையும் இழ‌ந்து த‌விக்கும் ந‌ண்ப‌ர்க‌ளை பார்த்திருக்கின்றேன். இப்ப‌டி தாங்க‌ள் நெடுநாளாக சேகரித்து
வைத்திருந்த டிஜிட்ட‌ல் போட்டோ ஆல்ப‌ங்க‌ளை ஒரே நொடியில் இழ‌ந்தோர் அதிக‌ம். 3-2-1 Backup Strategy ப‌ற்றி கேள்வி ப‌ட்டிருக்கின்றீர்க‌ளா? முத‌லாவ‌தாக உங்க‌ள் க‌ணிணியிலுள்ள‌ ஒரிஜினல் காப்பி, பின் இர‌ண்டாவ‌தாக ஒரு போர்ட்ட‌பிள் டிரைவ்வில் அத‌ன் பேக்‍அப் காப்பி, மூன்றாவ‌து கிள‌வுடில் ஒரு பேக்கப் காப்பி (எ.கா பிக்காசா அல்லது Carbonite) என‌ மூன்று காப்பிக‌ளை வைத்துக்கொள்வ‌து எப்போதும் ந‌ல்ல‌து.எந்த‌ ச‌ம‌ய‌த்திலும் உங்க‌ள் மேலான‌ டேட்டாக்க‌ளை இழ‌க்க‌மாட்டீர்க‌ள்.

இப்போது இர‌ண்டாவ‌தாக நாம் சொன்ன போர்ட்ட‌பிள் டிரைவ்வில் ஒரு காப்பி வைத்துக்கொள்ள,‌ அந்த போர்ட்ட‌பிள் டிரைவ் வாங்குவ‌தைப் ப‌ற்றி க‌வ‌னிப்போம்.

1.கொள்ள‌ள‌வு: 320GB,500GB,750GB,1TB என‌ ப‌ல்வேறு அள‌வுக‌ளில் இது கிடைக்கின்ற‌து. 320GB-யில் ம‌ட்டும் 91,400 போட்டோக்க‌ளை நாம் சேமித்து வைக்கலாமாம் அல்ல‌து 80,000 MP3 பாட‌ல்க‌ள் அது கொள்ளும். அப்ப‌டியென்றால் 1TB ப‌ற்றி நீங்க‌ளே க‌ண‌க்கிட்டுக் கொள்ளுங்க‌ள். விர‌லுக்கேற்ற‌ மோதிர‌ம் வாங்கிக்கொள்ள‌வும்.

2.பரிம‌அள‌வு: 4"X3" அள‌வில் அல்லது 2.5" form factor அளவில் கிடைக்கும் டிரைவுகள் ரொம்ப கியூட். பாஸ்போர்ட் போல‌ ச‌ட்டைப்பையில் வைத்துக் கொண்டு நீங்கள் செல்லலாம்.

3.No Power Cord please: த‌னியாக‌ பெரிய‌ ப‌வ‌ர் கார்டெல்லாம் கொடுக்காம‌ல், USB கேபிளே ப‌வ‌ர் ம‌ற்றும் டேடாக்கு ப‌ய‌ன் ப‌டுமாறு இருத்த‌ல் அதை இன்னும் போர்ட்ட‌பிள்ளாக‌ வைத்துக்கொள்ள‌ உத‌வும். அப்ப‌டியே டிரைவில் ஒரு LED லைட்டும் இருந்தால் ந‌ல்ல‌து. டிரைவ் மூச்சு விடுகிறதா இல்லையாவென‌ தெரிஞ்சுக்க‌லாமே.

4. go USB3: அதிவேக‌மாக‌ டேட்டாக்க‌ளை ப‌ரிமாற உங்க‌ள் போர்ட்ட‌பிள் டிரைவ் USB 3 ஆக‌ இருப்ப‌து ந‌ல்ல‌து. உங்க‌ள் க‌ணிணியும் அதுபோல USB 3.0 போர்ட் கொண்டிருக்க‌ வேண்டும். பழைய USB 2.0-ஆனது 25GB டேட்டாவை காப்பி செய்ய‌ 14 நிமிட‌மெடுக்கின்றதுவென்றால் புதிய SuperSpeed USB 3.0 வெறும் 70 நொடிக‌ளே எடுக்கின்ற‌துவென்றால் வேகத்தை பார்த்துக் கொள்ளுங்க்கள். உங்கள் பழைய மடிக்கணிணியில் USB 3.0 போர்ட் இல்லையென்றால் 2PORT USB 3.0 Expresscard Superspeed Card உதவலாம்.

5.RPM: அது போல‌ போர்ட்ட‌பிள் டிரைவ் சுழ‌லும் வேக‌மும் முக்கிய‌ம்.7200RPM என்றால் மிக‌வும் ந‌ல்ல‌து. 5400RPM மோச‌ம‌ல்ல‌.

இப்போதைக்கு எனது அபிமான பிராண்ட் Western Digital My Passport Essential External Portable Hard Drive

சேவை செய்யும் க‌ர‌ங்க‌ள் பிரார்த்த‌னை செய்யும் உத‌டுக‌ளை விட‌ மேலான‌து. - ‍ம‌காத்மா காந்தி

”உபுண்டு உட‌ன் ஒரு ப‌ய‌ண‌ம் த‌மிழ் மென்னூல் ”Getting Started with Ubuntu 10.04 manual in Tamil

Download this post as PDF

வித விதமான மனிதர்கள்

எனது இந்த பிகேபி வலைப்பதிவுக்கு வந்து செல்லும் நண்பர்களைப் பற்றி எனக்கு எப்போதுமே ஒரு பெரிய அபிப்ராயம் உண்டு. காரணம் பெரும்பாலும் நான் மெலிதான விஷயங்களை இங்கு பேசுவதைவிட சொரசொரப்பான விசயங்களையே அதிகம் பேசி போரடித்திருக்கின்றேன். ஆயினும் தவறாமல் வந்து பொறுமையாய் படித்து தங்கள் பின்னூட்டங்களை இட்டு உற்சாகப்படுத்தி... உண்மையைச் சொல்லப்போனால் இங்கு எனது அநேக பதிவுகளுக்கு காரணமே இந்த நண்பர்கள் தான். இதைப் பற்றி எழுதுங்களேன், அல்லது இதை எப்படிப் பண்ணுவது என சொல்லுங்களேன் அல்லது இதற்கு ஏதாவது மென்பொருள் உண்டா அப்படி இப்படி என்று கேள்விகள் கேட்டே அநேக பதிவுகள் என்னை போட வைத்துவிட்டனர். நான் எழுத நினைப்பது ஒன்றாயிருக்க கடைசியில் நண்பர்கள் கேட்டதையே பதித்து நின்றிருக்கின்றேன்.

அதையும் தாண்டி சில நண்பர்கள் "பிகேபி I think there is a spelling mistake in this post"-ன்னு சொல்லி என்னை திருத்தியிருக்கின்றார்கள். சில நண்பர்கள் "This is not good for you PKP,do this way" அப்படினு சொல்லி அக்கரையாய் ஆலோசனை கொடுத்திருக்கின்றார்கள். இன்னும் சில நண்பர்கள் தாங்கள் கேள்விப்பட்ட நல்ல தகவல்களை எனக்கும் மின்னஞ்சலாய் அனுப்பி மகிழ்ந்திருக்கின்றார்கள்.இப்படி பதிவுகள் எழுதுவது நான் மட்டுமே ஆயினும் இதுவரை இவ்வலைப்பூ ஓடிக்கொண்டிருப்பதற்கு முழ முதற்காரணம் இதை படித்துக் கொண்டிருக்கும் நீங்கள் தான் என்றால் அது மிகையாகாது.(பெப்ஸி உமா நியாபகம் வருதா? :))

சில தினங்களுக்கு முன் கூட தமிழில் ஒரு சந்தேகத்தை கேட்டிருந்தேன். அப்பாடா எத்தனை பின்னூட்டங்கள். நண்பர்கள் எத்தனை தெளிவாய் இருக்கின்றார்கள் என தெரிந்து கொண்டேன். "தமிழ் அண்ணை வாழ்க" கோஷ்டி இது இல்லை எனப் புரிந்தது. இரண்டு வல்லின மெய்யெழுத்துகள் - க் ச் ட் த் ப் ற் -வரின் ஒன்றாக வாரா-னு அற்புதமாக விளக்கம் அளித்து பலரும் வியக்கவைத்தனர்.

எனக்கு இப்போதெல்லாம் எழுத கொஞ்சம் பயமாய் இருக்கின்றது. அறிமுகமே இல்லாத 1500 பெரியவர்கள் அமர்ந்திருக்கும் சபையில் எழுந்து பேச என்னை யாரோ கட்டாயப்படுத்துவது போல் உள்ளது.

வயதான பெரியவர் ஒருவர் எனக்கு எழுதியிருந்தார்.
"அன்புடைய அறிஞர் திரு பி.கே.பி. அவர்களுக்கு நன்றிகள் பல. என்னைப்போல் எழுபது அகவை தாண்டியவனுக்கும் கூட கணினியில் ஆர்வம் காட்ட உதவும் உங்கள் தொண்டு சிறக்க வாழ்த்துகிறேன்.

ஒரு மருத்துவரிடம் பல் நோவுக்கெனச் சிகிச்சைக்குச் சென்றிருந்தபோது பொய்ப்பல் கட்ட அளவுகள் எடுத்துப் பூர்வாங்கப் பணிகள் துவக்கப்பட்ட அமர்வில், மெழுகுக் கலவையின் சூடாக்கிய பல்வடிவை வாயினுள் இட்டு , முகத்தின் மீது செல்லோ டேப் பலவாறாக ஓட்டிவிட்டு 61, 62. 63, 64, 65, 66. வரை ஆங்கிலத்தில் உறக்க உச்சரிக்கக் கூறினார்.
அவரது கூற்றின்படி உச்சரித்து வாய் கழுவி எழும் போது அவருக்குப் பிரியமான மந்திர எண்களாஅவை ? எனக் கேட்டேன். அவர் முறுவல் பூத்து இதுநாள் வரையில் என் அனுபவத்தில் இப்படி ஒரு கேள்வியை எவரும் கேட்டதில்லை என்று கூறி விளக்கம் சொல்லிப் பாராட்டினார். அந்த எண்கள் வாயின் உதடுகளின் குவிப்பு, நாவின் சுழற்சி, மடிப்பு, திண்மை,மென்மை, வலிமை இவற்றின் தொகுப்பாக அந்த எண்களின் உச்சரிப்பு இருக்கும். அதனை வைத்து உங்கள் உட்தாடையினில் பல்செட் எவ்வாறு பொருந்துகின்றது என்பதை நிர்ணயிக்க முடியும் என்றார். என் கேள்வி மிகவும் அற்பமானதாகத் தென்பட்டாலும் அதன் உண்மைப் பொருளைக் கூறிய அம்மருத்துவரை நான் மிகவும் மதிக்கிறேன்

இதை ஏன் உங்களிடம் பேசுகின்றேன் என்றால், கணினி அறிவும் முதிர்ச்சியும் பெற்றோர் ஆங்கிலத்தினின்றும் தமிழுக்கு வந்து உதவுவார்கள் என்பது எதிர்பார்க்க முடியாது. எனவே பொறுமையாக தமிழ் உள்ளீடு செய்து சிறப்பாக கணினி நுணுக்கங்களை தமிழ்கூறும் நல்லுலகுக்கு வழங்கிக் கொண்டிருக்கும் உங்கள் சேவை ஓர் இன்றியமையாததாகும்.." இப்படியாக எழுதியிருந்தார்.
உங்கள் விலைமதிப்பற்ற வார்த்தைகளுக்கு மிக்க நன்றி ஐயா.

இது இப்படி இருக்க மூன்று வாரங்களுக்கு முன்பு சென்னையிலிருந்து ஒரு மருத்துவர் தானும் எனது பதிவுகளை விடாமல் படித்துவருவதாக எழுதியிருந்தார்.சத்தியமாய் அதிர்ச்சியாகிப் போனேன். மருத்துவ துறைக்கும் எனது பதிவுகளுக்கும் ஏணி வைத்தாலும் எட்டாதே.

இப்படி இவ்வலைப்பதிவு பக்கங்களில் வித விதமான மனிதர்கள்.

முன்பெல்லாம் உங்கள் நண்பர்களுக்கெல்லாம் இவ்வலைப்பதிவை அறிமுகப்படுத்துங்கள் என உங்களிடம் கேட்கலாமோவெனத் தோன்றும். இப்போது ஐயோ யாருக்கும் இவ்வலைப்பதிவை அறிமுகப்படுத்தாதீங்கனு சொல்ல தோன்றுகிறது.

ஏறக்குறைய 645 பேர் மின்னஞ்சல் வழியும் 308 பேர் RSS ரீடர் வழியும் படிக்கின்றார்கள் என Feedburner சொல்றான்.
நேரடியாக தளத்திற்கே வந்து சராசரியாய் தினமும் 500-றிலிருந்து 650 பேர் வரை படிக்கின்றார்கள் என Statcounter சொல்றான்.
இப்படியாய் போய்கொண்டிருக்கின்றது எண்கள்.
ஏறக்குறைய 60% வருகை நேரடியாக தளத்துக்கே வருபவர்கள்.பிற சுட்டிகள் மூலம் வருபவர்களில் பெரும்பாலோர் எழுத்தாளர் திரு.எஸ்.இராமகிருஷ்ணனின் sramakrishnan.com -மிலிருந்தும் இன்னும் பலர் thenkoodu.com வழியும் வருகின்றனர் என Google analytics சொல்றான்.இதுவே போதுமென நினைக்கின்றேன்.

நண்பர் Prakash K கேட்டிருந்தார்
How to make a blog more popular like ur blog....! give some tips.

நெஜமாவா பிரகாஷ்! இந்த வலைப்பதிவையா popular என்கின்றீர்கள். எதை வைத்து இப்படி சொன்னீர்களெனத் தெரியவில்லை. என்னை வைத்து காமெடி கீமெடி ஒன்ணும் பண்ணலையே?? :)

டிப்ஸ் கொடுக்கும் அளவுக்கு நான் இன்னும் வளரவில்லை என்றே நினைக்கின்றேன் பிரகாஷ்!!

ஒன்றுமே தெரியாத ஒருவருக்கு ஒரு விஷயத்தை சொல்லி விளக்க என்ன செய்வேனோ அதையே தான் நான் இங்கு எழுத்தால் விளக்க முற்படுகின்றேன்.இதில் அதிகமாய் தொழில் நுட்பத் தகவல்கள்.
வேடிக்கை என்னவென்றால் இங்கு வந்து செல்லும் நண்பர்களெல்லாம் தொழில் நுட்பங்களில் பழம் தின்று கொட்டை போட்டவர்கள். அவர்களும் அதை பொறுமையாய் படிக்கின்றார்கள் எனில் அவர்கள் பொறுமை நிச்சயம் அபாரமே.

அவர்களுக்காக இங்கு ஒரு விவாதகளத்தை அறிமுகப்படுத்த விரும்புகின்றேன். ஆங்கிலத்தில் Geeks அல்லது Nerds என்பார்கள். தமிழில் படிப்பாளிகள் எனலாமோ?
நீங்கள் இந்த ரகமெனில் இத்தளம் உங்களுக்கு நிச்சயம் ஒரு வரப்பிரசாதமாயிருக்கும். நண்பர்கள் சிலர் நடத்துகின்றனர்.ஏகப்பட்ட கட்டுப்பாடுகள். But It looks great.முயன்று பாருங்கள்.
forum.Only4gurus.org

எனது Techies நண்பர்களுக்கு இன்னொரு சுட்டி கூட..
A free training From HP
Introduction to HP BladeSystems Web based training class.Click this link.

கோபாலிடம் சொல்லிக்கொண்டிருந்தேன்.
"எனக்கு இப்போதெல்லாம் எழுத பயமாய் இருக்குடா. நிறைய பேரு என் வலைப்பதிவை படிக்க வர்றாங்க.எல்லாம் பெரிய பெரிய தலைங்க போல இருக்குது"

"அட கம்முனு கெட, நீ தைரியமாய் எழுது , நீ எழுதுவதையெல்லாம் யாரும் படிப்பதில்லை. எல்லாம் நீ கொடுக்கும் ஈபுத்தகங்களுக்காக தான் இத்தனை பேர் உன் வலைப்பூ பக்கம் வருகின்றார்கள். மற்றபடி பெருசா ஒண்ணும் நெனைச்சுக்காத"-ன்னு செவிட்டில் அடித்தாற்போல் சொன்னான்.

பக்கத்தில் நீங்கள் காணும் விவேகானந்தரின் அற்புதமான வார்த்தைகள் தான் அப்போது எனக்கு நினைவுக்கு வந்தன.

கம்முனு இருந்தேன்.

கர்மவீரர் காமராஜரின் வாழ்க்கை நிகழ்சிகள் இங்கே தமிழில் சிறு மென் புத்தகமாக. Kamarajar Life history in Tamil pdf ebook Download. Right click and Save.Download

Download this post as PDF

எல்லாமே டிஜிட்டல்

எதெல்லாம் டிஜிட்டலாவது என்ற வரைமுறையே இல்லாமல் போய் விட்டது.தொடக்கத்தில் அனலாகாக இருந்த சில விடயங்கள் கண் தெரிய மெதுவாய் டிஜிட்டலாயின. உதாரணமாய் முள் கடிகாரங்கள் குவாட்ஸ் எண் கடிகாரங்களாயின. பின் காகிதங்களை டிஜிட்டல் யுத்திகள் மெதுவாய் விழுங்க தொடங்கின.உதாரணமாய் ஈபுக்ஸ், ஈஸ்டேட்மென்ட்கள் etc. அதன் பின் கண் முன் தெரியாமல் எல்லாமே டிஜிட்டலாக தொடங்கின. வேதிய கேமெராக்கள் டிஜிட்டலாயின, கார்களில் டிஜிட்டல் டேஷ் போர்ட்கள், டிஜிட்டல் உபகரணங்கள், பொம்மைகள், இசை கருவிகள் எனப் பலப் பல.
இப்போது டிஜிட்டல் போட்டோ பிரேம். அந்தகாலத்தில்(?) பிளாக் அண்ட் ஒயிட் அல்லது கலர் காகித போட்டோக்களை பெரிதாய் பிரேம் போட்டு மாட்டி வைப்பது நம்மூர் வழக்கம். இப்போது அந்த பாரம்பரிய போட்டோ பிரேமை விழுங்க வந்து விட்டது டிஜிட்டல் போட்டோ பிரேம். பார்க்க அந்த கால போட்டோ பிரேம் போலவே இருக்க ஆனால் ஒரே ஒரு வித்தியாசம் இவற்றில் ஸ்லைட் ஷோ போல போட்டோவானது மாறிக்கொண்டேயிருக்கும். பின்ணனியில் எதாவது ஒரு MP3 இன்னிசையை ஓடவிடலாம்.உங்கள் டிஜிட்டல் கேமராவை இதனோடு நேராக இணைத்து உங்கள் போட்டோக்களை இவற்றில் நேரடியாக இறக்கம் செய்து கொள்ளலாம்.கணிணியின் உதவி தேவை இல்லை.கலர் கலராய் வகை வகையாய் விலை விலையாய் வித விதமான வசதியோடு இந்த டிஜிட்டல் போட்டோ பிரேம்கள் இருக்குதுங்க.இனி இது தான் எதிர்காலம் போல.இது பற்றி ஏற்கனவே தெரிந்தவர்கள் பொறுத்தருள்க.

Sungale AA8F - 8 LCD Digital Photo Frame with Built-In Memory SUNGALE AA8f 8 LCD Digital Photo Frame with Built-In 512 MB On Board Memory Hi-resolution digital LCD screen Accept all popular memory cards Built-in 128M (256M 2G optional)memory, store your photos directly Copy, transfer photos between the memory cards without using a computer USB Host(2.0) to read various external devices USB Slave to be connected to PC for file management Slide show, step show, background music, enjoy your photos in diversification Frame exchangeable TXT E-book reading Calendar, Clock, Alarm Support firmware upgrade

Download this post as PDF

பெண்டியம் போய் பென்ரின் வருகுது

இந்த வருட தொடக்கத்தில் சிப் பயில்வான் இன்டெல் கார் (Intel) பெண்டியத்தின் அடுத்த வடிவத்தை அறிவித்திருக்கிறார்கள். இந்த வருட முடிவுக்குள் Penryn எனும் புதுவகையான மைக்ரோ புராசசர்கள் மார்க்கெட்டில் புழங்கும் என எதிர்பார்க்கப்படுகின்றது. 1993-ல் மாபெரும் எதிர்பார்ப்போடு Pentium சந்தையில் வந்து ஒரு கலக்கு கலக்கியது.




இதை உருவாக்கியதில் முக்கிய பங்காற்றிய வினோத் தாம் (Vinod Dham -"The father of the Intel Pentium processor") இண்டல் பெண்டியம் புராசசரின் தந்தை என அறியப்பட்டார்.இவர் பூனாவில் பிறந்து டெல்லியில் படித்து பின் அமெரிக்கா பறந்தவர்.இண்டல் நிறுவனத்தின் VP பதவிவரை ஏறி பின் வெளியேறியவர்.

விஷயத்துக்கு வருவோம்,இந்த பென்ரின் புராசசர்கள் 45 nanometre technology கொண்டவையாய் இருக்குமாம்.அதாவது இன்றையவை 65 nanometre technology கொண்டவை.இதனால் சிப் அளவு மிகச் சிறிதாவதோடு அதிலிருக்கும் டிரான்சிஸ்டர்கள் எண்ணிக்கை இன்றை போல் பலமடங்காய் அதிகரிக்குமாம்.அதேநேரம் குறைந்த அளவே மின்சாரம் அது பயன்படுத்துமாம்.எதோ ஒருவகையில் Moore's Law நிரூபிக்கப்பட்டுகொண்டே வருகின்றது.

Download this post as PDF

இனி புத்தகங்களுக்கு குட் பை!!

சோனி (Sony) அவ்வப்போது அட்டகாசமான கருவிகளோடு மார்க்கெட்டில் வருவது அவர்கள் பொழுதுபோக்கு. தனக்கே உரித்தான நவீன தொழில்நுட்பங்கள், தரம் என அசத்திவருவது உலகறியும். இப்போது இன்னொரு புரட்சிபடைக்கும் பெட்டியோடு வந்திருக்கிறார்கள். Sony Reader ஈ புக் ரீடர்.ஈ புத்தகங்களை படிப்பது முன்னெப்போதும் இல்லாதபடி இனி மிக எளிதாகப் போகின்றது. இன்றைய நிலையில் இந்த மென் புத்தகங்களை (E books) படிக்க மேஜை கணிணி அல்லது மடிக்கணிணியில் உட்கார்ந்து படிக்க வேண்டும்.அது boot ஆகி அப் ஆகி படிப்பதற்குள் போதும் போதும் என்றாகிவிடும்.மேலும் 8 மணி நேர வேலை போக படிக்கவும் கணிணியா-..னு வெறுப்பு வேறு. இதோ ஒரு கையடக்க கருவி சாதாரண காகித புத்தகம் போல மென்,மின் புத்தகங்களை படிக்க உதவுகின்றது.பஸ்ஸில் ஏறி பட்டென திறந்து படிக்கத் தொடங்கிவிடலாம்.7,500 பக்கங்களை இன்னொரு முறை ரீசார்ஜ் செய்யாமல் முழுதுமாய் படித்து விடலாமாம்.மேலும் ஒரு நூலக புத்தகங்களை இதில் உள்ள டிஸ்கில் சேமித்து வைத்துகொள்ளலாம். சாதாரண புத்தகம் போலவே பக்கங்களை புரட்டி புரட்டி படிக்கவேண்டுமாம்.முக்கியமாய் இது கணிணி மானிட்டர் போல் CRT-யோ அல்லது மடிக்கணிணி போல் LCD technology-யோ பயன்படுத்தாமல் e Ink-னு ஒரு
நுட்பம் பயன்படுத்துவதால் கண்ணுக்கு இது காகிதத்தில் படிப்பது போலவே தோன்றுமாம்.நாம் படித்துக் கொண்டிருக்கும் போது அது துளி கூட மின்சாரம் பயன்படுத்தாது என்பது இன்னொரு ஆச்சர்ய விஷயம்.ஓ மறந்துட்டேன் MP3 பாடல்களையும் இது கொள்வதால் இனிய இசை கேட்டுக்கொண்டே படிக்கலாமாம் போங்கள்.காகித நாவல்களை சுமப்பது போய் இனி இந்த சிலேட்டை அனைவரும் சுமந்து கொண்டு திரிவதை சீக்கிரத்தில் பார்க்கலாம்.

Download this post as PDF

USB செல்லும் பாதை

ஆரம்பத்தில் ஸ்கேனர்,பிரிண்டர் அப்புறமாய் மவுஸ்,கீபோர்டு அதன் பின் கேமரா, பென் டிரைவ்கள் என அமைதியாய் தன்னை ஆக்கிரமித்து கொண்டிருந்த USB thing இப்போது ஒரு காய்ச்சல் போல் கணிணி geek-களை பிடித்தாட்டுவித்து கொண்டிருக்கின்றது. யாரும் நினைத்திராத அளவில் அது இன்று அனைவருக்கும் ஒரு pet.கையடக்க அளவில் எளிதில் எல்லா கணிணி சாதனங்களையும் plug and play அதாவது மாட்டு ஓட்டு நிலைக்கு கொண்டுவந்தது USB யின் சாதனையே. இப்போது அந்த யூஎஸ்பி எதெற்கெல்லாம் பயனாகின்றதென்று பாருங்கள். டீ கப்பை சூடாக்குவதிலிருந்து பக்கத்து டெஸ்க் மேதாவிக்கு ஏவுகணை விடவரை போய்விட்டது.

USB Pencil Sharpener



USB Cooling Fans


USB Dual LED Light


USB Light


USB Desk Lamp


USB Massager


USB Beverage Chiller


USB Missile Launcher


USB Rocket Launcher


USB Snowbot


USB Laser Guided Missile Launcher


USB Mini Desktop Aquarium

Download this post as PDF