உங்கள் கேள்விகளை இங்கே பதிவு செய்யுங்கள்

From Blog.PKP.in

Thursday, September 25, 2008

இந்த செப்டம்பர் 11

அந்த செப்டம்பர் 11-யை விட இந்த செப்டம்பர் 11 அமெரிக்காவை ரொம்பவே அசைத்து போட்டிருக்கின்றது. எதிர்கட்சி முக்கிய புள்ளிகளும் ஆளும்கட்சி முக்கிய புள்ளிகளும் வித்தியாசமில்லாமல் ஒரே அறையில் சுற்றி அமர்ந்து யோசித்துக் கொண்டிருக்கின்றார்கள். 700 பில்லியன் டாலர்களை அரசு போடாவிட்டால் சொல்லப்படும் பின்விளைவுகள் அச்சமூட்டுபவையாய் இருக்கின்றன. அப்படியே அந்த டாலர்களை அரசு போட்டாலும் அந்த எல்லா சுமையும் சாதாரணமக்கள் மேல் தான் வரிச்சுமையாய் வந்து விழும். இந்த வருடம் வரி ரிபேட் கொடுத்ததுக்கு வாட்டமாக அடுத்த வருடம் இரண்டுமடங்காய் பிடுங்கப்படலாம். லாபமாய் கம்பனிகள் ஓடும் போது மட்டும் அதில் வரும் லாபம் தனியாருக்குப் போகும். அதுவே நஷ்டத்தில் ஓடினால் அச்சுமையை பொதுமக்கள்மேல் சுமத்துவதாவென கடுப்பில் இருக்கின்றது ஒரு கூட்டம்.

இதற்கிடையே துணைஅதிபருக்கு போட்டியிடும் சாரா பாலின் அம்மையாரின் யாகூ மெயில் ஐடி ஹேக்செய்யபட்டதில் ஐற்றி(IT) துறைகாரர்கள் புதிதாய் பாடம் கற்றிருக்கிறார்கள். அந்த 20 வயது ஹேக்கர் பையன் ரொம்ப ஒன்றும் மெனக்கடவில்லை. பாலின் தனது மின்னஞ்சலாக யாகூ அக்கவுண்டான gov.sarah@yahoo.com பயன்படுத்துகிறார் என தெரிந்ததும் அவன் யாகூமெயிலின் "Forgot Your Password" ஐ கிளிக்கி அது கேட்கும் கேள்விகளுக்கு விடை அளிக்க முயன்றிருக்கிறான். அது கேட்கும் பெரும்பாலான கேள்விகளுக்கு பதில்களான அவர் பிறந்தநாள், அவர் வசிக்கும் இட Postal zip code போன்றன விக்கிபீடியாவிலும் கூகிளிலும் தேடி எடுத்துக்கொண்டான். “where did you meet your spouse?” என்ற கேள்விக்கு மட்டும் விடையளிக்க கொஞ்சம் கஷ்டப்பட்டிருக்கிறான. ஆனாலும் அங்கும் இங்கும் கூகிளில் தேடி (நம்மாட்கள் தான் பேட்டிகளில் இதையெல்லாம் ஒப்பித்துவிடுகிறார்களே) கடைசியில் கண்டுபிடித்து விட்டான். பாப்கார்ன் என்று அம்மையாரின் அக்கவுண்ட் பாஸ்வேர்டை ரீசெட் செய்துவிட்டு குளிக்கப்போய்விட்டானாம். பாலினின் சில குடும்ப படங்களும் சில தனிப்பட்ட மெயில்களும் அடுத்தநாள் பொதுஜன காட்சிக்கு வந்தன.நல்லவேளையாய் விவகாரமாய் எதுவும் கிட்டவில்லை. இப்படி யாகூவில் எளிதாய் கடவுசொல் திருடப்பட ஜிமெயிலின் பாதுகாப்பு பரவாயில்லை என்கின்றார்கள்.



எல்லோரும் தம்மை விட்டு
விட்டு வேறுயாரையோ
சீர்திருத்த முயலுகிறார்கள்
- தாகூர்

சோசியல் நெட்வொர்க்கிங் பெருத்த இக்காலத்தில் பெரும்பாலானோரின் மேற்சொன்ன தனிப்பட்ட தகவல்கள் மற்றும் "படித்த பள்ளி" "வேலைசெய்த இடங்கள்" "அம்மா பெயர்" ஆகிய தகவல்கள் ஆன்லைன் ப்ரொபைலில் எளிதாய் கிடைக்கின்றது. இதைப்போய் எப்படி Secret question ஆக கருதுவது?

இப்படி பயனர் பற்றிய எளிய "ரகசியகேள்விகளுக்கான" விடைகள் ஆன்லைனிலேயே கிடைப்பதால் இத்தகைய சில்லி கேள்விகளை கேட்பதற்கு பதிலாக இந்த சிஸ்டத்தையே மொத்தமாய் மாற்றவேண்டும் என்கின்றார்கள் ஐற்றி வல்லுனர்கள். ஒரு கேள்விக்கு பதில் பல கேள்விகள் கேட்டால் என்ன? பொதுவாக யாரும் எளிதில் வெளியில் சொல்ல விரும்பாத விருப்பு வெறுப்புகளை உணர்வுகளை ரகசியகேள்விகளாக்கலாமோவென ஆலோசிக்கின்றார்கள். இப்படி பார்க்கப்போனால் ஐற்றி செக்யூரிட்டி இன்னும் ரொம்பதூரம் போகவேண்டியிருக்கின்றது.

இந்தியன் ரயில்வேஸ் டைம்டேபிள் 2008 இங்கே ஆங்கிலத்தில் மென் புத்தகமாக. Indian Railways Timetable 2008 in English pdf ebook Download. Right click and Save.Download


Email PostDownload this post as PDF

Related Posts by Categories



4 comments:

selvamani.s said...

this is not fair

why you need to give original answer ? “where did you meet your spouse?"

Ans : you put like this 435678 .this is not a place.but hacker not able to find this .

so the security is our part .so we need to keep our password is safe.

தமிழ்நெஞ்சம் said...

Small Hacker can hack a big thing.

Here it is true.

Good post Friend

விஜய் said...

செல்வமணி சொல்வது ரொம்ப சரி. நாம் எக்காரணம் கொண்டும் சரியான பதில் கொடுக்க தேவையில்லை.

சம்பந்தமே இல்லாமல் ஒரு பதில் கொடுத்தால் எந்த ஒரு ஹேக்கராலும் கண்டி பிடிக்க முடியாது.

இது ஒரு சரியான பாடம். இனிமேலாவது, எல்லோரும் விழிப்புடன் இருந்தால் சரி.

Muhammad Ismail .H, PHD, said...

Dear PKP,

Hmmm. Most of hacking are related with women. Even the first hacking according to Al-Quran shaithan's first attempt with Adam was failed and shaithan was successful to gave false information about the knowledge tree to Hawwa(EVE).

Nowadays most of cafe's have keyloggers only in girls using pc. Why all are focusing women? Why ! Why !! Why !!! ? Do u have any idea PKP?


That only reason we are fighting for removal of printing DOB details in MNIC card and forcing to use Kanaiyazhi-ONE design to Govt of India. MNIC design is very easy to hackable.

Note : the k-one sample in my profile.

with care and love,
Muhammad Ismail .H, PHD,

Related Posts Plugin for WordPress, Blogger...

சமீபத்திய பின்னூட்டங்கள்