கட் அண்ட் பேஸ்ட் அபாயம்

கட் அண்ட் பேஸ்ட், காப்பி அண்ட் பேஸ்ட் (Cut&Paste,Copy&Paste) இல்லாத கணிணி ஒன்றை நினைத்து கூட பார்க்க இயலவில்லை. அப்படி நம்மோடு மிக ஒன்றிப்போன வசதிகள் அவை.
இதனால் அபாயமா?..ஆமாம் என்கின்றார்கள்.எப்படி?. நீங்கள் சமீபத்தில் உங்கள் வசதிக்காக காப்பி செய்த கிரெடிட் கார்டு எண் அல்லது பாஸ்வேர்ட் போன்றவை எளிதாக லபக் செய்யப்படலாமாம்.
அதுதான் எப்படி? .நீங்கள் ஒவ்வொரு முறையும் ஒரு குறிப்பிட்ட வரிகளை கட்டோ அல்லது காப்பியோ செய்யும் போது இத்தகவல்கள் கிளிப்போர்டு (Clipboard) எனும் தற்காலிக பிரதேசத்தில் தற்காலிகமாக சேமித்து வைக்கப்படுகின்றது. So அந்த தற்காலிக பிரதேசத்தை நீங்கள் அடையமுடிந்தால் ஆப்பரேசன் சக்ஸஸ். அதைத்தான் செய்கின்றார்கள்.

ஒரு சிறு சோதனை செய்து பார்க்கலாம்.
ஒரு வரியை தெரிவுசெய்து காப்பி செய்யுங்கள்.
ஆச்சுதா?
பின் கீழ்கண்ட சுட்டியை தட்டுங்கள்.

http://www.sourcecodesworld.com/special/clipboard.asp

என்ன ஆச்சர்யம்?.இந்த தளம் நீங்கள் காப்பி செய்த வரியை அப்படியே புட்டு வைத்து விடுகின்றது.(மஞ்சள் பிரதேசத்தில் பார்க்க).

இப்படி சேகரிக்கும் தகவல்களை அப்படியே ஒரு டேட்டாபேஸில் சேமித்தல் எவ்வளவு கடினம்??. அவர்களே இதை தடுப்பதற்கும் வழி சொல்கிறார்கள். முதலில் செய்யுங்கள் அதை.

அது போல் சில கீலாகர்களும் (Key Loggers) இந்த வேலையை தெளிவாய் சத்தமின்றிசெய்கின்றன. உதாரணத்துக்கு கீழ்கண்ட இந்த மென்பொருளை முயன்று பாருங்கள். நீங்கள் கட் அண்ட் பேஸ்ட், காப்பி அண்ட் பேஸ்ட் செய்யும் அனைத்து வரிகளும் அந்தரங்கமாய் நோட்டமிடப்பட்டு நோட்பண்ணப்படும்.

Download Clipboard Logger here.
http://www.niftytoolworks.com/download/InstCNPLoggerv1.exe

ரொம்ப உஷாரா இருக்கணும்பா.ஆமா.

எனது கீலாக்கரை பற்றிய இன்னொரு பதிவு இங்கே.
பெற்றோர்களுக்கு ஒரு hacking டிப்

Download this post as PDF

அலுவலக கலாட்டாக்கள்

Office Humor Toons

Download this post as PDF

போர்ட்டபிள்களை படைக்கலாம்.

போர்ட்டபிள் அப்ளிகேஸன்கள் எனப்படும் கையக மென்பொருள் பயன்பாடுகள் இப்போது மிக பிரபலம். இது பற்றிய எனது அறிமுக பதிவினை இங்கே ( போர்ட்டபிள் அப்ளிகேஷன்களின் சகா) பார்க்கலாம்.. அதாவது FireFox, Office போன்ற மொத்த மென்பொருளையும் உங்கள் கணிணியில் நிறுவாமலே USB டிரைவிலிருந்து ஓட்டலாம்.

இது போன்ற மென்பொருள்கள் பல இணைய தளங்களில் இறக்கத்துக்கு அநேகம் இருந்தாலும் தேடும் போது உங்களுக்கு தேவையான மென்பொருள் போர்ட்டபிள் அப்ளிகேஸன்களாக இறக்கத்துக்கு இல்லாமல் போகலாம். இது போன்ற வேளைகளில் நீங்களே உங்கள் அபிமான சாதாரண அப்ளிகேஷன்களை போர்ட்டபிள் அப்ளிகேஸன்களாக மாற்ற ஒரு வழியுள்ளது.
அதற்கு உதவுவது தான் Innounp (Inno Setup Unpacker). என்ன கொஞ்சம் மெனக்கெட வேண்டும்.

Innounp Home Page

http://innounp.sourceforge.net/

Download Innounp from here

http://downloads.sourceforge.net/innounp/innounp019.rar

Inno Setup Home Page

http://www.jrsoftware.org/isinfo.php

Download Inno Setup from here

http://www.jrsoftware.org/download.php/is.exe

How to make portable applications?

Download this post as PDF

எதையும் தாங்கும் ASP.net

அப்படி ஒன்றும் மைக்ரோசாப்டின் விசிறி அல்ல நான். இங்கு மைஸ்பேஸ் பற்றி சொல்லப்போகின்றேன்.

சன் தொலைகாட்சியில் "அசத்தபோவது யாரு" நிகழ்ச்சியில் தம்பி பட இயக்குனர் சீமான் சொன்ன சில நறுக் வரிகள் தெளி தமிழில் எழுத உசுப்பினாலும் மைக்ரோசாப்ட், மைஸ்பேஸ்-ன்னு ஆங்கிலத்தில் சொல்லித்தான் ஆக வேண்டியுள்ளது. என்னப் பண்ணுவது?.

பதின்மவயது இளசுகள் திரள் திரளாய் வந்து குவியும் MySpace.com-க்கு தினம் 40 பில்லியன் பேர் வருகின்றனராம். அதோடு தினம் தினம் புதிதாய் 230,000 பேர் அதில் இணைகின்றனராம். இத்தனை சுறுசுறு கணிணிகள் இயங்குவது Windows 2003 server - Microsoft .NET Framework-ல்லாம். இதன் பயன்பாடுகள் C# for ASP.NET -ல் எழுதப்பட்டுள்ளனவாம். எதையும் தாங்கும் போல் ASP.net.




ஆரம்பத்தில் friendster.com எனும் இணைய நண்பர்கள் வட்டத்தில் அங்கம் வகித்து திளைத்த Chris Dewolfe-ம் Tom Anderson-ம் 2003-ல் ஏன் நாமே ஒரு இணைய நண்பர் வட்டம் எளிதாக, அதிக வசதிகளுடன் , மிக குறைந்த கட்டுபாடுகளுடன் தொடக்க கூடாது வென எண்ணி தொடக்கியதுதான் MySpace.com. குறுகிய காலத்தில் மீப்பெரும் வளர்ச்சியை அடைந்தது. ஆங்கில தெரிந்த அனைத்து இள வயசு பொடிசுகளும் இதற்கு அடிமைகள் போலாயினர்.
செய்தி நிறுவன முதலை Rupert Murdoch-க்கை இது உறுத்தியது. $580 மில்லியனுக்கு தன் சட்டைப்பையில் வாங்கிபோட்டுக் கொண்டார்.
கழிந்த வருடம் தன் விளம்பரங்கள் மற்றும் தேடல் வசதியை மைஸ்பேசில் உபயோக படுத்த வேண்டும் மென கேட்டு 900 மில்லியன் டாலர்களை கூகிள் நிறுவனம் மைஸ்பேசு-க்கு வழங்கியது. அதாவது இந்த தொகை ரூபர்ட் மர்டோக் மைஸ்பேசை வாங்கிய விலையைவிட அதிகம். தாத்தா இன்னும் இன்னும் பணம் குவித்துகொண்டிருக்கின்றார். கூடவே 106 மில்லியன்கள் 107 மில்லியன்கள் என விசிறிகள் கூட்டம் வேறு MySpace-க்கு பெருகி கொண்டே இருக்கின்றது.
இத்தனைக்கும் மைஸ்பேஸ் நிறுவனத்தில் பணிபுரிவோர் மொத்தம் 300 பேர் தானாம்.

அப்படா தெளிதமிழில் பதிவு போடல் கஷ்டமடோ சாமி!!

Download this post as PDF

அடோபி தலைவலி

அடோபியின் "அடோபி ரீடரை" (Adobe Reader) இதுநாள் வரை பயன்படுத்திவந்தேன். பிடிஎப் எனப்படும் (PDF-Portable Document Format ) புத்தக வகை கோப்புகளை இது வழி திறந்து படிப்பதற்குள் போதும் போதும் என்றாகி விடுகின்றது. 22.3 MB அளவில் வரும் இந்த ரீடர் அவசரகாரர்களுக்கு ஒத்து வராதுவென நினைக்கின்றேன்.

துரிதமாய் PDF கோப்புகளை மின்னல் வேகத்தில் திறந்து படிக்க பாக்ஸிட்டின் FoxitReader-யை முயன்று பாருங்கள். பட் பட்டென தன் வேலையை மட்டும் செய்து அருமையாய் அசத்துகின்றது. இது வெறும் 1.67 MB அளவுதான்.

Download Adobe Reader
http://ardownload.adobe.com/pub/adobe/reader/win/8.x/8.1/enu/AdbeRdr810_en_US.exe

Download Foxit Reader
http://us01.foxitsoftware.com/foxitreader/foxitreader_setup.exe

Download Foxit Reader Portable Edition
http://us01.foxitsoftware.com/foxitreader/foxitreader.zip

Download this post as PDF

ஒரு குலுக்கல்

அவசரமாய் நியூயார்க் வரை போயாக வேண்டிய கட்டாயத்தால் இந்த பக்கம் அவ்வளவாய் எட்டிப் பார்க்க நேரம் கிடைக்கவில்லை. இவ்வலைப்பதிவில் எழுதுவதால் எட்டிப்பார்க்கும் நண்பர்கள் எவ்வளவாய் பயன்பெறுகின்றார்கள் என
தெரியவில்லை.நான் நிறையவே பயன்பெறுகின்றேன். புதுசு புதுசாய் தெரிந்து கொள்கின்றேன். உந்தி தள்ளப்படுகின்றேன். பொழுது போக்குக்காகவே எழுதினாலும் நல்லதாய் பொழுது போகின்றதால் தொடர்ந்து எழுத ஆர்வம். பார்க்கலாம்.

நியூயார்க் போன நேரமோ என்னமோ இங்கே குலுக்கல் பற்றிய ஒரு சேதி

javascript:function Shw(n) {if (self.moveBy) {for (i = 35; i > 0; i--) {for (j = n; j > 0; j--) {self.moveBy(1,i);self.moveBy(i,0);self.moveBy(0,-i);self.moveBy(-i,0); } } }} Shw(6)

மேல் கண்ட வரிகளை அப்படியே வெட்டி உங்கள் பிரவுசரின் விலாசப்பகுதியில் ஒட்டி ஓட்டினால் என்னவாகின்றதென்று பாருங்கள்.
இதெல்லாம் ஜுஜுபினு ஜாவாக்காரர்கள் முனுமுனுப்பார்கள். எங்களைப் போன்றோர்க்கு இது பெரிசு அய்யா!!
(உங்கள் மானிட்டர் ஸ்கிரீன் குலுங்கும்.படத்துக்கும் இந்த பதிவுக்கும் சம்பந்தமில்லை)

Download this post as PDF

கயின் & ஏபலால் பாஸ்வேர்ட் போச்சு

உங்கள் அலுவலக கணிணிகள் நெட்வொர்க்கிலோ அல்லது காலேஜ் கணிணிகள் நெட்வொர்க்கிலோ அல்லது பள்ளிக்கூட கணிணிகள் நெட்வொர்க்கிலோ அப்பாவியாய் சாதாரணமாய் User name மற்றும் password-டைப்பி தைரியமாய் வெப்பக்கங்களில் நுழைபவர்களா நீங்கள்? ஒரு நிமிடம். உங்கள் பயனர் பெயர் மற்றும் பாஸ்வேட் எளிதாய் களவு போகலாம்.எப்படி?.இந்த கயின் & ஏபல் Hacking மென்பொருளானது (Cain & Abel password recovery tool), நீங்கள் கொடுத்த உங்கள் User name மற்றும் password, நெட்வொர்க்கில் செர்வரை நோக்கி பயணிக்கும் போது அப்படியே லாவகமாக பிடித்து hacker-ரிடம் கொடுத்து விடும்.அதுவும் clear text எனப்படும் encryption செய்யப்படாத முறையில் உங்கள் user name மற்றும் password நெட்வொர்க்கில் செர்வரை நோக்கி பயணித்தால் அதற்கு அது அல்வாதான். எளிதாக திருடிவிடும்.
இதற்காகத்தான் https,NTLM,Kerberos,Chap,EAP-TLS போன்ற முறைகளை பயன்படுத்தி பாஸ்வேர்டை மூடிப்பொதிந்து Cain & Abel போன்ற மென்பொருள்களுக்கு தெரியாமல்/புரியாமல் பத்திரமாய் நெட்வொர்க்கில் அனுப்ப வேண்டியுள்ளது. hotmail-லிலோ அல்லது gmail-லிலோ நீங்கள் புகும் போது நீங்கள் கொடுத்த http விலாசமானது ஒரு நிமிடம் https ஆக மாறுவதின் ரகசியம் இது தான். ஜிமெயிலில் https://www.gmail.com/ இந்த விலாசம் பயன்படுத்தி மெயில் பார்வையிட்டால் உங்கள் User name மற்றும் password மட்டுமல்லாது அனைத்து மெயில் பறிமாற்றங்களும் பாதுகாப்பானதாய் அமையும். அதாவது https முழு பறிமாற்றத்தையும் encrypt செய்துவிடும்.

கயின் & ஏபலை விளையாட்டாய் வீட்டில் முயற்சித்து பாருங்கள். சிக்கலான இடத்தில் இயக்கி சிக்கலில் மாட்டிகொள்ளாதீர்கள். :)

Product Home Page
http://www.oxid.it/cain.html

Download Cain & Abel v2.0 for Windows 9x
http://www.oxid.it/downloads/cain20.exe

Download Cain & Abel v4.9.3 for Windows NT/2000/XP
http://oxid.netsons.org/download/ca_setup.exe

Cain & Abel - User Manual
http://www.oxid.it/ca_um/

எளிய step by step முறை
http://www.pkp.in/2007/06/12/how-to-sniff-and-hack-plain-text-passwords-in-13-steps/

Download this post as PDF

இந்திய மென்பொருள் பில்லியனர்கள்

அமெரிக்க டாலர் மதிப்பில் பில்லியன் கணக்கில் தன் சட்டைப்பையில் வைத்திருக்கும் நம்மூர் மென்பொருள் பண்ணையார்கள் யாரென்றெல்லாம் என்று பார்த்தபோது வந்த வரிசை இது.

முதலில் வருவது மென்பொருள் நிறுவனம் விப்ரோவின் 61 வயது அசிம் ப்ரீம்ஜி. அடிப்படையில் குஜராத்தை
சேர்ந்தவராயினும் இப்போதைக்கு பெங்களூர்காரராகிவிட்டார். யாரோ சொன்னார்கள் "பெங்களூரின் புலி" என்று.இஸ்லாமிய சமூகத்தை சேர்ந்த இவரின் சொத்து மதிப்பு ஏறக்குறைய 17 பில்லியன் டாலர்கள்.

அடுத்து வருவது வன்பொருள் நிறுவனம் HCL-Hindustan Computers Limited-ன் 61 வயது சிவ் நாடார்.அடிப்படையில் நம்மூர் திருசெந்தூரை அடுத்த மூலைபொழி கிராமத்தை சேர்ந்தவர்.இவரின் சொத்து மதிப்பு ஏறக்குறைய 3.7 பில்லியன் டாலர்கள்.






அடுத்து வருவது மென்பொருள் நிறுவனம் இன்போஸிஸி-ன் 60 வயது N.R.நாராயண மூர்த்தி. அடிப்படையில் கர்நாடகா மாநில மைசூரை சேர்ந்தவர்.இவரின் சொத்து
மதிப்பு ஏறக்குறைய 1.58 பில்லியன் டாலர்கள்.


அடுத்து வருவது ஆன்லைன் சூதாட்ட நிறுவனம் Partygaming.com-ன் 33 வயது அனுரக் தீட்சித். அடிப்படையில் டில்லியை சேர்ந்தவர்.இவரின் சொத்து மதிப்பு ஏறக்குறைய 1.5 பில்லியன் டாலர்கள்.




அடுத்து வருவது மென்பொருள் நிறுவனம் இன்போஸிஸி-ன் 51 வயது நந்தன் நிலகனி.
அடிப்படையில் கர்நாடகா மாநில பெங்களூரை சேர்ந்தவர்.இவரின் சொத்து மதிப்பு ஏறக்குறைய 1.15 பில்லியன் டாலர்கள்.





அடுத்து வருவது மென்பொருள் நிறுவனம் இன்போஸிஸி-ன் 52 வயது செனபதி கோபாலகிருஷ்ணன்.
இவரின் சொத்து மதிப்பு ஏறக்குறைய 1.1 பில்லியன் டாலர்கள்.




அடுத்து வருவது மென்பொருள் நிறுவனம் இன்போஸிஸி-ன் 52 வயது K.தினேஷ்.
அடிப்படையில் கர்நாடகா மாநில சாகரை சேர்ந்தவர். இவரின் சொத்து மதிப்பு ஏறக்குறைய 780 மில்லியன் டாலர்கள்.

இவ்வரிசை பல உண்மைகளை சொல்லலாம். நீங்களே புரிந்து கொள்ளுங்கள்

Download this post as PDF

நாட்டுபுறத்தானுக்கு இவைகள்..

Download this post as PDF

கண்டான்....படைத்தான்....

Biomimicry அல்லது Bionics பற்றி உங்களுக்கு தெரியுமோ இல்லையோ கவிஞர் கண்ணதாசனுக்கு முப்பது வருடங்களுக்கு முன்பே தெரிந்திருக்கின்றது. அதனால் தான் இப்படி பாடினார் போலும். பறவையைக் கண்டான் விமானம் படைத்தான். பாயும் மீன்களில் படகினைக் கண்டான். எதிரொலி கேட்டான் வானொலி படைத்தான். எதனைக்கண்டான் பணம் தனைப் படைத்தான் என்று.இதைவிட தெளிவாய் Biomimic-ஐ விளக்கமுடியாது. மனிதன் தனக்கு தேவையான தீர்வுகளை இயற்கையிடமிருந்து எளிதாக கற்று கொள்ளலே இந்த பயோமிமிக்ரி. சில வருடங்களில் இந்த டெக்னாலஜி அதிகம் பேசப்படும் என்கின்றார்கள்.

வேதிய பொருட்களால் பெயிண்ட் தயாரிப்பதைவிட பூக்கள் மற்றும் வண்ணத்து பூச்சிகள் எப்படி வண்ணம் பெறுகின்றதோ அப்படியே வண்ணம் தயாரித்தால் என்ன?. அழகாகவும் இருக்கும் சுற்று சூழலும் கெடாதே.

தாமரை தன்மேல் விழும் தண்ணீரை வழுக்கி விட்டுவிடுகின்றதே...இப்படியே வீட்டு கூரைகளையும், சுவர்களையும் அமைத்தால்...நல்ல பாதுகாப்பாச்சுதே.

மின்மினி பூச்சி போல் விளக்கு எரிய வைக்க முடியுமா? இப்படி பலவாறு யோசிக்கின்றார்கள்.

சுருங்கக்கூரின் இயந்திரவியலானது இப்போது உயிரியலை படிக்கின்றது.

ஆக்கவழியில் பலர் சிந்திக்க வழக்கம்போல அழிவுவேலைக்கும் சிலர் சிந்திக்கின்றார்கள்.
கொசுவை மாடலுக்கு கொண்டு, படத்தில் காண்பது போல "bionic hornet" எனும் "எந்திரகொசு"-வை இஸ்ரேல் விஞ்ஞானிகள் உருவாக்கிவருகின்றார்கள். இது ஓடோடி விரட்டி பறந்து எதிரியை தாக்கி கொல்வதோடு கூடவே கேமராவால் படமும் எடுத்துக்கொண்டு வருமாம்.

"சிறு ஆயுதங்களின் தேவையை லெபனான் போர் உணர்த்தியது. தற்கொலைபடை தீவிரவாதியை கொல்ல 100 மில்லியன் டாலர் விமானத்தை அனுப்புதல் அனாவசியம். அதனால் எதிர்காலத்திய ஆயுதங்களை உருவாக்குகிறோம்" என்கிறார் இஸ்ரேலிய துணைபிரதமர் சைமன் பெரேஸ்.

Download this post as PDF

இதற்கொரு கூகிள்

சோபாக்கடியில் ரிமோட்டை தொலைத்துவிட்டு அதை வீடெல்லாம் தேடல், அது போல் சாவியை எங்காவது தொலைத்துவிட்டு சந்துபொந்தெல்லாம் தேடல்,மூக்குக் கண்ணாடியை தொலைத்துவிட்டு தடவி தடவி தேடல், பர்ஸை தொலைத்துவிட்டு பக் பக்கென தேடல் இதெல்லாம் சராசரி மனிதர் வீட்டில் சகஜமப்பா. இதெற்கெல்லாம் ஒரு முடிவுவாராதாவென வேண்டுவோருக்கு இதோ ஒரு எலக்ட்ரானிக் தீர்வு.
"Sharper Image"-ன் "Now You Can Find It!" Things Locator எனும் கையடக்க உபகரணம் உங்களுக்கு உதவலாம். உதாரணமாய் உங்கள் சாவிகொத்தோடு இதனோடு வரும் குறிப்பிட்ட வண்ண "தொங்கட்டாணை" இணைத்துவிட்டால் போதும். சாவிகொத்து காணாமல் போனதும் கொடுக்கபட்ட அந்த சாதனத்தில் அந்த குறிப்பிட்ட சாவி சம்பந்த பட்ட வண்ண பொத்தானை அமுக்கினால் சாவிகொத்துவிலிருந்து கீ... கீ... வென குரலெழும். என்ன நீங்கள் 40 அடி தூரத்துக்குள் இருக்க வேண்டும்.
இந்த சாதனமே காணாமல் போனால் என்ன பண்ணவென்று மட்டும் கேட்காதீர்கள்.

Product Page
http://www.sharperimage.com/us/en/catalog/product/sku__SI676FUN

இதற்கெல்லாம் மயங்காமல் "இதற்கொரு கூகிள் வேண்டுமடா"-வென்று நீங்கள் அடம்பிடித்தால் கீழ்கண்டவாறு சாவிகொத்தை தேடி கண்டுபிடிக்கும் கூகிள் சீக்கிரத்தில் வரலாம்.என்ன சிலகாலம் காத்திருக்க வேண்டும்.

Download this post as PDF