காற்றின் முகவரி

சீனப்பெரும் தலைவர் மாவோ சொன்னதாகச் சொல்வார்கள் "மரம் சும்மா இருந்தாலும் காற்று அதை சும்மா இருக்கவிடுவதில்லை"என்று.என் கதையும் இப்போது அப்படித்தான்.PKP என்றாலே அதன் விரிவாக்கம் "பல கேள்விப் பதில்கள்" என்றாகிவிட்டது.என்னப் பண்ணுவது? அடுத்தடுத்தாய் கேள்விகள்.காற்று விடவில்லையே.

நண்பர் சங்கர் அடிக்கடி என்னிடம் கேட்பதுண்டு.நீங்கள் யார் உங்களை பற்றிய விவரம் தேவை என்று.இண்டர்நெட் உலகில் நான் வெற்றிகரமாக முகமூடி போட்டுக் கொண்டிருக்கின்றேன். என்னை யாரும் கண்டே பிடிக்கமுடியாதுவென நான் கூறுவேனாயின் என்னைப்போல் முட்டாள் யாரும் இங்கு இருக்கவே முடியாது. என்னை வாசித்து வருபவர்கள் பலருக்கும் நான் யார், என்ன படித்திருக்கின்றேன்,உத்தேசமாக எங்கிருக்கின்றேன், என்ன பணியில் இருக்கின்றேன்,ஏன் சிலரிடம் என் ஒளிப்படம் கூட இருக்கலாம்.Im not trying to hide myself.But I dont like to give importance to that.அவ்வளவே.

Whois-களஞ்சியத்தில் வெப்சைட் பெயர் டைப் செய்தாலே போதும். அந்த வெப்சைட்டுக்கு சொந்தக்காரர் யார், அவர் பெயர் மற்றும் வீட்டு முகவரி வரைக்கும் அது கொடுத்துவிடும்.(அதையும் மறைக்க பிரைவசி வசதிகள் உண்டு என்பது வேறு விஷயம்) ஆனால் அதிலிருக்கும் தகவல் உண்மையா பொய்யா என்பது ஆண்டவனுக்குத்தான் தெரியும்.

நண்பர் எம்.ரிஷான் செரீப்-ன் பதில் எனக்கு ரொம்பவும் பிடித்திருந்தது
"நம்முடைய நல்லதொரு நண்பராக புனைப்பெயரில் வலம் வந்துகொண்டிருக்கும் அவரைப் பற்றிய தனிப்பட்ட தகவல்கள் எதற்கு நண்பரே ?
காற்றின் முகவரி பார்த்தா சுவாசித்துக் கொண்டிருக்கிறோம்?
அவர் சேவை தொடரட்டும்.தேவைப்படும் பட்சத்தில் அவர் பற்றிய தகவல்களை அவரே தருவார். :)"

அட இங்கும் அதே காற்று!!! Thanks Sankar!! Thanks Rishan Sherif! You two are great. :)

சரி விஷயத்துக்கு வருவோம்.

நண்பர் K கேட்டிருந்தார்
திரு PKP, நானும் blog எழுதப்போறேன் என்று உங்கள் நண்பர் சொன்னதும், மனதுக்குள் சிரித்தேன். It is a damn difficult job to write a blog. I am a physician in chennai with 25 years of experience..... Started a blog about diabetes, but couldn't carry it on for more than two weeks or so. it is tough.
I am somewhat a self trained computer junkie. I have the latest asus P5k mobo, xfx 9800 GTX card, 4 GB ram, 2 HDD in raid 1, vista ultimate, bios junkie, a seagate 500GB ext HDD.
I had a problemn in mbr and called up microsoft call center, those people cannot even identify their right hand from left. Such poor standards,was transferred to a tech man and he said sir, i am well versed in xp only sorry i cannot help you in vista. பாவம் மக்கள்!!! கேள்விகேட்போரும், பதிலளிப்பவரும் தான்.
I have lots of spare time, medical related activities what to do, other than coding, transcription and blogging. கேணத்தனமான கெள்வி ,எனக்கே புரிகிறது, இருந்தாலும் பதில் சொல்லுங்கள் நண்பரே!!!

கடந்த பல வருடங்களாக மைக்ரோசாப்டின் மென்பொருள்கள் பலவற்றையும் கையாளும் வாய்ப்புகள் கிட்டியவன் என்கின்ற முறையில் நான் படித்து மிகவும் ரசித்த மிகப் பழைய நகைச்சுவை கதை ஒன்று இங்கே.

குட்டிவிமானம் ஒன்று சில முக்கிய அலுவலக பிரநிதிகளை ஏற்றிக்கொண்டு மைக்ரோசாப்டின் தலைமையகம் உள்ள சியாட்டிலின் மீது பறந்து கொண்டிருந்ததாம்.பயங்கர பனிமூட்டம் காரணமாக விமானியால் தரையை பார்க்க இயலவில்லை.

ஆனால் பத்திரமாக விமானத்தை தரை இறக்கியாக வேண்டும். விமானம் இப்போது எவ்விடத்தில் பறந்து கொண்டிருக்கின்றதுவெனக் கூட விமானிக்கு தெரியவில்லை.தாழ பறந்து கொண்டிருந்த விமானத்திலிருந்து விமானி உரக்க கத்தினார் "நான் இப்போது எங்கே இருக்கின்றேன்?"

கீழே தரையிலிருந்து ஒருவன் உரக்க பதிலளித்தான் "நீர் குட்டி விமானத்தில் பறந்து கொண்டிருக்கின்றீர்" என்று.

குஷி பற்றிக்கொண்டது விமானிக்கு. 275 டிகிரி அப்படியே திரும்பி 5 மைல்தூரம் போய் குருட்டுத்தனமாய் ஆனால் சரியாய் விமானத்தை தரையிறக்கினார் அந்த விமானி.

பயணிகள் அத்தனை பேருக்கும் அத்தனை ஆச்சரியம்.கேட்டார்கள் "அதெப்படி சரியாய் தரையிறக்கினீர்கள்?".

விமானி பதிலளித்தார்.
"Quite easy, I asked the guy in that building a simple question. The answer he gave me was 100 percent correct but absolutely useless, therefore, that must be Microsoft's support office and from there the airport is just five miles due East."

இந்த நகைச்சுவையை நான் அப்படி ரசிக்கக் காரணம் அதிலுள்ள நிதர்சனமான உண்மை. மைக்ரோசாப்டின் காற்றுபட்டு காற்றுபட்டு கடைசியில் நான் கூட என்னிடம் கேள்விகள் கேட்பவர்களுக்கு இதுமாதிரியான "சரியான அதேவேளையில் பயனற்ற" பதில்களையே அளிக்கும் நிலைமைக்கு ஆகிவிட்டேன்.எல்லாம் ஒரு புரொபசனல் சம்மாளிபிக்கேஷன்ஸ் தான். முடியாதுவென்பதை அப்படி ஒரு சாதுர்யமாய் சொல்லுவார்கள். அதுவும் ஒரு திறமை தான். அந்த வகையில் மைக்ரோசாப்டிடமிருந்து உங்களுக்கு கிடைத்தது ஒரு மோசமான அனுபவமே. :)

நீங்கள் கேட்ட "உபயோகமான பொழுதுபோக்கை" பொறுத்தவரையில் வலைப்பதிவதையே தொடர்ந்திருக்கலாமென்பேன். துரதிஷ்டமாக அதனால் பலன் உடனே கிடைப்பதில்லை. ரொம்ப நாள் பிடிக்கும். இன்னொன்று Freelance writer-ஆக எழுதுதல். நிறைய படித்தால் நிறைய எழுதலாம். நான் சொல்லித்தெரிய வேண்டியதில்லை. ஒன்றிரண்டு சூப்பர் ஹிட் மெடிக்கல் ஆர்டிக்கிள்கள் படைத்தால் போதும். அது உங்கள் வலைப்பூவிற்கு பிரமாண்டமான டிராபிக்குகளை உருவாக்கிக்கொடுக்கும் என்பதில் சந்தேகமில்லை. தொடர்ந்து எழுதலாம்.
முக்கியமாய் அமெரிக்க லைசென்ஸ் தேர்வுகளுக்காக தங்களை தயார்படுத்தும் இளம்மருத்துவர்கள், செவிலிகளுக்கு உதவும் வகையான கட்டுரைகள், வீடியோக்கள் தயார் செய்து வெளியிடலாம். போட்டிகள் இருக்கும் தான். ஆனால் தனிநபர் கவனிப்பு இருக்கும் போது உதவி கேட்டு அதிகம் பேர் வருவார்கள் என நம்புகின்றேன். இவை இந்தியாவிலும் இப்போது பெருத்துவிட்டனவென போலும்.
இந்த வகையில் தான் ஆன்லைன் டியூசன் வகையும். இன்றைக்கு இருக்கும் அகலப்பட்டை இணைப்பில் வீடியோ ஆடியோ கான்ஃபெரன்சிங் போட்டு அயல்நாட்டு மாணவர்களுக்கு மெடிக்கல் பாடங்களில் பாடம் எடுக்கலாம். சந்தேகங்கள் தீர்த்துவைக்கலாம். மாதிரி தேர்வுகள் நடத்தலாம். இப்படி வானமே எல்லை. ஆனாலும் என்னப்பண்ணுவது அதற்கு வியர்வை அல்லவா விலை. நான் சொல்லியவற்றில் தவறுகள் இருக்கலாம்.என்னுடைய குறுகிய மூளைக்கு எட்டிய சிலவற்றை சொன்னேன்.சிகரங்களை எட்டிப்பிடிக்க வாழ்த்துக்கள்.

நண்பர் Nimalan கேட்டிருந்தார்
நண்பா windows XPயில் password மறந்து போய் விட்டால் C: உள்ளவற்றை எப்படி எடுப்பது password உடைப்பது சாத்தியமா? அப்படியானால் அதன் வழி என்ன என்பதை கூறுவீர்ளா? என் நண்பர் ஒருவர் password மறந்து விட்டு தவிக்கிறார் நண்பர் ஒரு துன்பம் என்றால் அது எமக்கும்தானே என நண்பா

எனது பழையதொரு பதிவான "அட்மின் பாஸ்வேர்ட் மறந்துபோனால்"-ஐ படித்து பாருங்களேன்.It works!!

நண்பர் Samuel கேட்டிருந்தார்
Dear PKP,
I run a small non profit organisation in Singapore to help migrant workers. A fax machine is out of question, so I seek your assistance in guiding me to send and receive faxes over the internet. I have a 512 kpbs broadband internet connection and a windows pc. Your help is much appreciated.Thanks

நண்பரே இங்கு ஒரு சுட்டியைக் கொடுத்துள்ளேன்.அதை சொடுக்கி ஒரு நோட்டமிட்டு பாருங்கள்.உங்களுக்கு பொருந்துமாயின் உபயோகித்துப்பாருங்கள்.நீங்கள் சிங்கப்பூரிலுள்ளதால் தான் இச்சுட்டி.
http://www.pfingo.com
இதுவே நீங்கள் அமெரிக்காவிலிருந்திருந்தால் கீழ்கண்ட சுட்டியை கொடுத்திருப்பேன்.
http://drop.io/fax

நண்பர் அமான் கேட்டிருந்தார்.
அன்பு நண்பர் பிகேபிக்கு Yahoo Messengerல் View Proile இருப்பது போல Gmail Google talkல் இல்லையே ஏன்?

அமான்! Google talk-ல் அது ஒரு குறை தான். நீங்கள் கூகிள் டாக்கில் இருக்கும் போது உங்கள் நண்பர் மேல் "சுட்டெலியை" வைத்தால் அது அந்த நண்பர் பற்றிய சில விவரங்களை மட்டுமே சொல்லும்.இதை Profile cards என்பார்கள். ஒரு வேளை அந்நபர் orkut-காரர் எனில் "View orkut profile"என்று ஒரு சுட்டி வரும்.அச்சுட்டியை கிள்ளி இன்னும் தெளிவாய் அவர் பற்றிய விவரங்களை தெரிந்து கொள்ளலாம். இதைச் சொல்லும்போது இங்கு இன்னொரு விஷயமும் சொன்னால் தேவலாம் போல் தோன்றுகிறது.திருமதி சோனியா காந்தி பற்றி விவகாரமாய் ஆர்குட்டில் எழுதிய வட இந்திய கம்ப்யூட்டர் வல்லுனர் ஒருவரை பிடித்து நம் போலீசார் நேற்று உள்ளே தள்ளியிருக்கின்றார்கள்.இனிமேல் தட்டச்சும்போதும் கொஞ்சம் கூடுதல் கவனமாயிருக்க வேண்டுமாக்கும்.More detail here.

நண்பர் Thanga கேட்டிருந்தார்
அன்பு நண்பரே,
மீன்டும் உதவி கோரித்தான். என்னுடைய பழைய டாக்குமென்ட்ஸ் எல்லாம் லோட்டஸ் 123 யில் உள்ளது. அதை எக்ஸலில் மாற்ற இலவச ஸாப்டுவேர் உள்ளதா? நான் டவுன்லோட் செய்த ஸாப்டுவேர் சில வரிகளை மட்டுமே மாற்றித் தருகிறது.ஏதும் வழி இருந்தால் சொல்லுங்களேன். நன்றி அன்புடன்

உங்கள் கோப்புகளெல்லாம் .123 extension வடிவில் இருக்கின்றனவென நினைக்கின்றேன்.
உங்கள் கோப்புகளை Lotus 1-2-3 வழியாக *.wk4-ஆக Save as செய்தாலே போதும்.
எக்செலால் .wk4 கோப்புகளை படிக்க இயலுமல்லவா?

ஆண் பெண் குழந்தைகளின் செல்லப்பெயர்கள் தமிழில் இங்கே சிறு மென் பொருளாக. Tamil Baby Boy Girl Names software Download. Right click and Save.Download

Download this post as PDF

Related Posts by Categories

PKP.in Home