உங்கள் கேள்விகளை இங்கே பதிவு செய்யுங்கள்

From Blog.PKP.in

Friday, January 15, 2010

பேர் சொல்லும் பிள்ளை

கூகிளின் பிரபல கைப்பேசி செயலியான அண்ட்ராய்ட்டின் வெற்றியைத் தொடந்து, அதன் கணிணிக்கான செயலி இந்த வருடம் வெளியாக இருக்கின்றது. ஏற்கனவே ”நெக்சஸ் ஒன்” மூலம் தனது சொந்த வன்பொருள் வெளியீட்டில் நுழைந்திருக்கும் கூகிள், தனது புத்தம் புதிய குரோம் ஆப்பரேட்டிங் சிஸ்டத்தோடு ஒரு பளபளா நெட்புக்கையும் சீக்கிரத்திலேயே அறிமுகபடுத்தினால் ஆச்சரியப் படுவதற்கில்லை. அல்லது ஒருவேளை HP அல்லது Dell போன்றோர்களின் வன்பொருளோடு முழுக்க முழுக்க குரோம் OS மட்டுமே கொண்ட மடிக்கணிணி வெளியாகலாம். மைக்ரோசாப்டுக்கு இங்கு அதிக அரசியல் பண்ண வேண்டியிருக்கும். ஏற்கனவே அதிவேக பிரவுசர் என்னும் பெயரை குரோம் எடுத்து வெற்றி நடை போட்டுக் கொண்டிருக்க, அது பிரவுசர்கள் சந்தையில் முன்னிடத்தை வேகமாக ஆக்கிரமித்து வருகின்றது. இந்த வருடத்தில் புதிதாக வரவிருக்கும் கூகிளின் மடிக்கணிணியானது குரோம் OS வழியே பூட் ஆகி நேரே நம்மை இணைய பிரவுசரில் கொண்டு போய்விடுமாம். தொடர்ந்து அனைத்து வேலைகளையும் நாம் ஆன்லைனிலேயே செய்ய வேண்டியிருக்கும். அதற்கு கூகிளின் ஆன்லைன் Office suite உதவும். அங்கே Google Docs தான் நம் ’My Computer’ ஐகானாக இருக்கும். ”இப்படி ஏறக்குறைய எல்லா வேலைகளையுமே ஆன்லைனிலேயே செய்யலாம், இதற்கென தனியே காசு கொடுத்து Windows 7 போன்ற ஆப்பரேட்டிங் சிஸ்டம் ஒன்றும் வாங்க வேண்டியதில்லை” என்பதுதான் கூகிள் சொல்ல வரும் கருத்து. வெப்2.0 வினால் உண்டாகும் மாற்றம் இது. கிளவுட் கம்ப்யூட்டிங் என்றும் இதைத் தான் சொல்கின்றார்கள்.
அது முழுக்க முழுக்க உண்மை என்பது போல நம் சென்னையைச் சேர்ந்த Zoho நிறுவனத்தினர் இதுமாதிரியான ஆன்லைன் பயன்பாடு மென்பொருள்களின் எல்லையை நீட்டிக் கொண்டே போய்க் கொண்டிருக்கின்றார்கள். இதுவரை பத்தொன்பதை எட்டும். Online Word Processor, Online Spreadsheets வரிசையில் Online Invoicing, Online CRM Solution எல்லாம் கூட உண்டு. உலகளவில் பேசப்படும் ஒரு இணையதளமாக சோகோ வளர்ந்துகொண்டிருப்பதில் நமக்கெல்லாம் பெருமை. சென்னைக்கு பேர் சொல்லும் பிள்ளையாக ஒரு மணிமகுடம். ஒரு கட்டத்தில் கூகிள் நெட்புக்குகள் கான்செப்ட் உச்சத்தை அடைந்தால் சோகோ போன்ற ஆன்லைன்சேவை வழங்கிகளின் சகாப்தமும் உச்சத்தை எட்டும். SaaS அல்லது Software as a Service எனும் கனவில் தான் இன்றைய வெப்2.0 பயணித்துக் கொண்டிருக்கின்றது. இதனை உணர்ந்த மைக்ரோசாப்டும் சோகோவை Fakeoffice என தூற்றிக்கொண்டு தன் பங்குக்கு இந்த மேக கம்ப்யூட்டிங்கில் புக முடிவெடுத்திருக்கின்றது. அதன் Office 2010 பதிப்பு இலவச Office Web Apps கொண்டதாக இருக்கின்றது. சோகோவை நிறுவிய நம்மூர் ஸ்ரீதர் வெம்புவின் விருப்பமும் (Sridhar Vembu) குறைந்த செலவில் இப்படியான ஆன்லைன் சேவைகளை வழங்கி உலக அளவில் போட்டிபோட வேண்டுமென்பதாகும். ஏற்கனவே 2 மில்லியன் பயனர்களோடு வெற்றிநடை போடும் இந்தப் பயணம் கூகிள்நெட்புக் வெளியானதும் இன்னும் ஓட்டம் பிடிக்கும் என நம்பலாம்.


படிப்பதற்காக எல்லா சந்தர்ப்பங்களையும்
இணைக்கத் தயாராக இருங்கள்.
எந்த சந்தர்ப்பத்திற்காகவும் படிப்பை
இழக்கத் தயாராகி விடாதீர்கள்!
எனில்
நீங்கள் எங்கிருந்து வந்தாலும்
எங்கு வேண்டுமானாலும் போகலாம்










டாக்டர்.இரா.ஆனந்தகுமார் இ.ஆ.ப “படிப்படியாய் படி” படிப்பது எப்படி என தனக்கே உரித்தான நடையில் விளக்கும் தமிழ் மென்புத்தகம்.நன்றி பிரவின்குமார். Dr.R.Anathakumar IAS "Padipadiyaay padi" ebook in Tamil Pdf Download. Click and Save.Download


Email PostDownload this post as PDF

Tuesday, January 12, 2010

கற்கள் சொல்லாத கதைகள்

சில வரலாற்று கதைகளுக்கு நாம் சான்றுகளை தேடிக் கொண்டிருக்க சில இடங்களில் அதுவே மாறி இருப்பதுண்டு. என்னென்னமோ சான்றுகள் இருக்கும் கதைகள் கிடைப்பதில்லை. இப்படித்தான் இங்கிலாந்தில் நட்டமாய் நிற்கும் கற்களின் கதைகளும்.Stonehenge என்கின்றார்கள். டன் கணக்கில் எடைகொண்ட இக்கற்கள் எக்காலத்தில் எதற்காக இவ்வளவு அழகாக செதுக்கப்பட்டு இப்படி கதவுசட்டம் போல் நிற்கவைக்கப்பட்டிருக்கின்றனவோ தெரியவில்லை. இன்னமும் பல வரலாற்றறிஞர்களுக்கு இது ஒரு புரியாத புதிர். கொஞ்சம் சிறியதாக இருந்திருந்தால் அந்த காலங்களில் வழிப்போக்கர்கள் ஓய்வெடுக்க அமைக்கப்பட்டிருந்த அம்பலங்கள் முன்பாக அல்லது ஆல மரத்தடிகளின் முன்பாக நிறுவப்பட்டிருக்கும் சுமைதாங்கியாக எடுத்துக்கொள்ளலாம். இவ்வளவு பெரிய கல்லை கிமு காலத்திலேயே அப்படி அலாக்காக தூக்கி மேலே நிறுத்தி வைத்திருக்கின்றார்கள் என்றால் ஏன் எப்படி எதற்காக என பலருக்கும் புரிந்ததில்லை. இறந்தோர் நினைவாகவாக இருக்கலாம் என சிலர் பேச உங்களுக்கு ஏதாவது புரிகின்றதா? புரிந்தால் நீங்களும் வரலாற்றறிஞர் ஆகலாம்.

எங்களூர் அருகே மருத்துவாமலை அல்லது மருந்துவாழ்மலை என்றொரு மலை உண்டு. மூலிகைகளால் நிறைந்தது. அனுமான், இலங்கையிலிருந்த ராமனின் சகோதரனான லட்சுமணனின் காயத்துக்கு கட்டுபோட மகேந்திரகிரியிலிருந்து கொண்டு போன சஞ்சீவி மலையின் ஒரு துண்டு வழியிலேயே கீழே விழுந்து அது இப்போதைய மருத்துவா மலையானதாக சொல்வார்கள். இன்றைக்கு மார்த்தாண்டம் என அறியப்படும் இடம் முன்பு தொடுவெட்டி எனப்பட்டது. இதிகாசம் ஒன்றில் யாரோ ஒருவரின் தொடை இங்கு வைத்து வெட்டப்பட்டதால் அது தொடைவெட்டி அல்லது தொடுவெட்டி என்றானதாக இன்னொரு கதை உண்டு. சில விசயங்களில் நமக்கு அவ்வளவாய் ”விவரம்”தெரிவதில்லை.

இலங்கை தீவின் தமிழீழப்பகுதியில் திருநெல்வேலி, நாகர்கோவில் என்ற பெயரில் ஊர் இருப்பதாக கேள்விபட்டிருக்கின்றேன். இங்கிலாந்தில் ஒரு மெட்ராஸ் உண்டாம். அமெரிக்காவிலும் ஒரு salem இருக்கின்றது. மஸ்கட்டிலும் ஒரு மதுரா உண்டு. இண்டரெஸ்டிங் தான். கீழே நீங்கள் காணும் சில படங்கள் இராமாயண இதிகாசத்தில் வரும் இடங்கள். பெரும்பாலும் இலங்கையிலுள்ளன.

ராமன்... Oops ராவணன் சீதையை வைத்திருந்ததாக சொல்லப்படும் அசோக வனம்
Updated:
மாற்று கருத்துக்கள்:
இப்படம் கர்நாடகா மாநிலம், பெல்லாரி மாவட்டம் ஹம்பியிலுள்ள விஜய விட்டாலா (Vijaya-Vitthala) கோவில் வளாகத்தின் ஒரு பகுதி எனவும் இக்கோவில் 15-ஆம் நூற்றாண்டில் விஜயநகரபேரரசர்களால் கட்டப்பட்டதாகவும் இக்கோவிலுக்கும் இராமாயணத்துக்கும் சம்பந்தம் இல்லை எனவும் சில குறிப்புகள் கூறுகின்றன.. ஆனாலும் இராமாயணத்தில் வரும், குரங்கு அரசான கிஷ்கிந்தையுடன் ஹம்பி அடையாளம் காணப்படுவது உண்டு என்பது இங்கே குறிப்பிடத்தக்கது.


அனுமானால் அழிக்கப்பட்டதாக சொல்லப்படும் ராவணனின் அரண்மனை


சுக்ரிவனின் குகைகள்.
Updated:
மாற்று கருத்துக்கள்:
”இங்கே குறிப்பிட்டிருக்கும் படங்களில், 'சுக்ரிவனின் குகைகள்' எனக் குறிப்பிட்டிருக்கும் படங்கள் தவிர்த்து, வேறெதுவும் இலங்கையில் இல்லை” என ஒரு இலங்கை நண்பர் தெரிவிக்கின்றார். சீகிரிய குகை என அழைக்கப்படும் இலங்கையின் பிரசித்தமான அக் குகை, இலங்கை அரசன் காசியப்ப ஒளிந்திருந்த இடமாக உள்ளது. அந்த ஓவியங்கள் அவரால் வரையப்பட்டு சீகிரியக் குன்று ஓவியங்கள் என அறியப்பட்டுள்ளன. சீகிரிய பற்றிய மேலதிக விபரங்களுக்கு,
http://en.wikipedia.org/wiki/Sigiriya

இன்னொரு நண்பர் ”இங்கு நீங்கள் குறிப்பிட்டிருக்கும் ராவணன் சீதையை வைத்திருந்ததாக சொல்லப்படும் அசோக வனம், அனுமானால் அழிக்கப்பட்டதாக சொல்லப்படும் ராவணனின் அரண்மனை போன்ற இலங்கையில் இல்லை..'சுக்ரிவனின் குகைகள்' எனக் குறிப்பிட்டிருக்கும் படங்கள் காசியப்ப மன்னனால் குடைந்து கட்டப்பட்ட சிகிரியாக் குகைமாளிகை தந்தையான தாதுசேனனை உயிருடன் சமாதிகட்டி கொன்றுவிட்டு, அந்த அவலத்தை மறந்து வாழ அவனால் அமைக்கப்பட்டது.” என்கின்றார்.




மூலிகைகள் கொண்ட சஞ்சீவிமலை
Updated:
மாற்று கருத்துக்கள்:
இது பற்றிய ஒரு நண்பரின் கருத்து: “மூலிகைகள் கொண்ட சஞ்சீவிமலை என நீங்கள் குறிப்பிட்டிருப்பது adam's peak என ஆங்கிலத்திலும் "சிவனொளிபாத மலை" என தமிழிலும் "சிறீபாத" என சிங்கள மொழியில் அழைக்கப்படும் மலை. அவ் மலையில் சிவனுடைய பாதம் பதிந்த அடையாளம் இருப்பதாக தமிழர்களும், புத்தருடைய பாத அடையாளம் இருப்பதாக சிங்களவர்களும் ஆதாமின் பாத அடையாளம் இருப்பதாக கிறீஸ்தவர்களும் நம்புகின்றனர்.. ”
நண்பர்களுக்கு நன்றி.


வானரசேனைகளும் ராமனும் சேர்ந்து உருவாக்கிய பாலத்திற்கு உதவிய மிதக்கும் கற்கள்


வானரசேனைகளும் ராமனும் சேர்ந்து உருவாக்கிய அந்த பாலம்


சஞ்சீவி மலையின் ஒரு துண்டு இன்றைய மருத்துவாமலையாக கன்னியாகுமரி மாவட்டத்தில்



”இறைவன் மனிதர்களுக்குச் சிறிதும் அநீதி இழைப்பதில்லை.
ஆனால் மனிதர்கள்தான் தங்களுக்குத் தாங்களே அநீதி இழைத்துக் கொள்கிறார்கள்.”
-நபிகள் நாயகம்








கமழ் மு.சாலோமோன் “டேவிட் பேசுகிறான்” கிறிஸ்தவ தமிழ் மென்புத்தகம். Kamal M.Solomon "David Pesukiran" Christian ebook in Tamil Pdf Download. Click and Save.Download


Email PostDownload this post as PDF

Thursday, January 07, 2010

அடுத்த முதல் நாங்கள்

காலம் மாற மாற காசும் கைமாறிக் கொண்டிருப்பது தவிர்க முடியாதது போல. கூடவே பயணித்தால் தப்பித்தோம். கொஞ்சம் களைத்தாலும் இன்னொருவர் கொத்திக் கொண்டு போய்விடுகின்றார், கொஞ்சகாலத்துக்கு முன்னர் வரை மெயின்பிரேம் முன்னுக்கு இருக்க அது IBM காலமாயிருந்தது. அதுவே வீட்டுக்கு வீடு மேஜை கணிணிகாலமாக மாற அதிஷ்டம் மைக்ரோசாப்ட் பக்கம் வந்தது. புதிய நூற்றாண்டு உதயமான சமயத்தில் இணையம் பக்கமாக ஜூரம் பிடித்ததால் அதிஷ்டகாற்று மைக்ரோசாப்டிடமிருந்து விலகி கூகிளிடம் வந்தது. இப்போது கூகிளின் சகாப்தமும் முடிந்து போனதோ என ஒரு சந்தேகம். காரணம் தற்போதைய டிரெண்ட் ஸ்மார்ட்போன்கள் பக்கம் திரும்பியிருப்பதால் இந்த புதிய வருடம் ஸ்மார்ட்போன்களின் வருடமாக இருக்கலாமெனவும் அங்கே ராஜா எதுவோ அது தான் மொத்த மார்கெட்டுக்கும் ராஜாவென்பதால் எல்லாரும் ஸ்மார்ட் மொபைல்போன்கள் சந்தை பக்கம் திரும்பியிருக்கின்றார்கள். கூகிளும் தன் பங்குக்கு தனது புதிய ஸ்மார்ட்போனான நெக்சஸ் ஒன் (Nexus One)-னை அறிமுகப்படுத்தியிருக்கின்றது. ”அடுத்த முதல் நாங்கள் தான்” என்கின்றது அப்பெயர். ஐபோனுக்கு சரியான போட்டியாக இறங்கியிருக்கும் இது இப்போதைக்கு வெல்லும் நிலையில் இல்லாவிட்டாலும் வரும் காலத்தில் இன்னும் போராடலாம்.

நெக்சஸ் ஒன் பற்றிய சில குறும் தகவல்கள் இப்போதைக்கு தெரிஞ்சுக்க.

  • இதை கூகிள் டிசைன் செய்திருந்தாலும் இதை தயாரித்திருப்பது ஏற்கனவே HTC Magic போன்ற அட்டகாசமான போன்களை அளித்திருக்கும் HTC நிறுவனம். High Tech Computer Corporation என்பதின் சுருக்கமே HTC. தைவான் சொந்த ஊர்.
  • ஐபோனை விட அதிக திரைத்தரம் கொண்டது இது 480x800 பிக்சல்கள். ஐபோன் 320x480 பிக்சல்கள் மட்டுமே. அதுவே கலக்கலாயிருக்கும்.
  • ஐபோனை விட தொடுதிரை கொஞ்சம் பெரியதாம் 3.7 அங்குலங்கள். ஐபோன் 3.5 அங்குலங்கள் மட்டுமே
  • மாற்றும் வசதிகொண்ட பேட்டரி உள்ளது ஒரு பிளஸ் பாயிண்ட்.
  • LED பிளாஷ் வசதிகொண்ட கேமராவும் உண்டு.
  • அனிமேட்டட் பின்திரை வச்சுக்கலாம்.
  • YouTube, Picasa, Facebook போன்றவற்றில் நேரடியாக வீடியோ அல்லது ஒளிப் படங்களை ஏற்றம் செய்யலாம்.
  • இப்போதைக்கு அதிக பட்சமாக 32 கிகாபைட் மெமர்கார்டு வைத்துக்கொள்ள முடியும். அது வருவதோ 4 கிகாபைட் மெமரிகார்டோடு.

இந்த நெக்சஸ் ஒன்னில் மிகப் பெரிய பாதகங்களாக எனக்கு தெரிவது
  • மல்டி டச் எனப்படும் பல விரல் தொடுகைகளை கண்டுபிடிக்கும் திரை இதில் இல்லாதது. இது கொஞ்சம் தொல்லையாகவே இருக்கும். படங்களை அல்லது பக்கங்களை பெரிது படுத்தி பார்க்க கஷ்டபடவேண்டியிருக்கும்.
  • அதிக பட்சமாக வெறும் 190 மெகாபைட்டுகள் மட்டுமே இறக்கம் செய்யப்படும் பயன்பாடுகளுக்கு ஒதுக்கப்பட்டுள்ளது இன்னொரு பெரிய குறை.
  • ரிங்கரை அணைக்க வெளி பொத்தான் ஒன்றும் இல்லாததால் அது ரிங்செய்யும் போது அவசரமாய் அதை குறைக்க அல்லது அணைக்க தொடுதிரையை தான் தடவவேண்டியிருக்கும்.
  • இப்போதைக்கு G.S.M பதிப்பு மட்டுமே வெளியாகியுள்ளது.
Nexus one Home
http://www.google.com/phone

Google App Store
http://www.android.com/market/

புதிதாக ஒரு போன் வாங்க கோபால் சமயம் பார்த்துக்கொண்டிருந்தான். ஐபோன், பிளாக்பெர்ரி, HTC வரிசையில் இப்போது நெக்சசும் சேர்ந்திருக்கின்றது. எதை வாங்குகிறானோ தெரியவில்லை. கீழேயுள்ள வாக்கியத்தில் அவனையும் சேர்த்துக் கொள்ள வேண்டியது தான்.


”காதலிக்கலாமா என்று சிந்திப்பவர்கள்,
சன்யாசம் வாங்கிக் கொள்ளலாமா என்று யோசிப்பவர்கள்,
தற்கொலை செய்து கொள்ளலாமா என்று ஆராய்பவர்கள் எல்லாரும் ஒரே ரகம். நினைப்போடு சரி”







நா.பார்த்தசாரதி “குறிஞ்சி மலர்” தமிழ் புதினம் மென்புத்தகம். Naa.Parthasarathy "Kurinji Malar" Novel ebook in Tamil Pdf Download. Click and Save.Download


Email PostDownload this post as PDF

Wednesday, January 06, 2010

உயர உயரே

உச்சி வானத்தை எட்டும் படியாக கிமு காலத்திலேயே எழுப்பப்பட்டது ”பர்ஜ் பாபில்”. இந்த ”பர்ஜ் பாபில்” டவர் கட்டப்பட்ட இடம் துபாயிலிருந்து ரொம்ப தொலைவிலில்லை.இந்த டவரிலிருந்து தான் பல மொழிகள் தோன்றியதாக கதை சொல்வார்கள். அப்படி பார்க்கப்போனால் ஈராக் தான் அனைத்து மொழிகளின் பிறப்பிடமும்.இதனால் தானோ என்னவோ யாஹூவும் தனது மொழிமாற்றி தளத்துக்கு பாபேல்பிஷ் என பெயர் வைத்தது. http://babelfish.yahoo.com

கடந்த 4ம் தியதி திறந்து வைக்கப்பட்ட உலகின் மிக உயரமான கட்டிடத்தின் பெயர் ”பர்ஜ் துபாய்” 2717 அடி அதாவது 828 மீட்டர் உயரம் கொண்டது.இதன் புதிய பெயர் பர்ஜ் கலீபா (Burj Khalifa) என்பதாம். எல்லா இடமும் ஒரே பெயர்மாற்றம் தான். சிக்காகோ வருபவர்களின் கவனத்திற்கு. சிக்காகோவின் புகழ்மிக்க சியர்ஸ் டவரின் பெயரையும் Willis Tower என மாற்றிவிட்டார்களாம். எல்லா இடமும் பெயர்மாற்றம் ரொம்ப முக்கியம் போலிருக்கின்றது. பர்ஜ் கலீபா டவரிலுள்ள சாளாரங்களின் எண்ணிக்கை மட்டுமே இருபத்து நாலாயிரத்த்தை தாண்டுமாம். செலவு 1.5 பில்லியன்கள்.

கீழே நீங்கள் காணும் படங்கள் அங்கு போய் நான் எடுத்தவை அல்ல ஆயிரக்கணக்கான எண்ணிக்கை கொண்ட நமது தமிழ் வலைப்பூக்களில் ஏற்கனவே இப்படங்கள் வலம் வந்திருக்கலாம். சத்தியமாய் கட் அண்ட் பேஸ்ட் செய்தது தான். யார் எந்த படங்களை அல்லது எந்த தகவல்களை ஏற்கனவே வெளியிட்டிருக்கின்றார்கள் என டிராக் செய்வது இயலாத காரியம். எனக்கு பிடித்தவற்றை மறக்காமலிருக்கவும் பிற்பாடு ரெஃபர் செய்யவும் வசதியாக இங்கே சேமிக்கின்றேன். அவ்வளவே.



















”நீர் அமைதியாக இருப்பதால் முதலைகள் இல்லையென்று நினைத்து விடாதே”







கலாநிதி க.குணராசா “ஈழத்தவர் வரலாறு” தமிழ் வரலாற்று மென்புத்தகம். Dr.Kandiah Kunarasa "Elaththavar varalaaru" Brief History of Elam ebook in Tamil Pdf Download. Click and Save.Download


Email PostDownload this post as PDF

Sunday, January 03, 2010

இரு ஜீ-க்கள்

மின்னல் வேகத்தில் இன்னொரு வருடத்தை வரவேற்க வந்துவிட்டோம். ஆரியக் கூத்தாடினாலும் அது என்ன நிக்கவா போகின்றது. மாற்று ஆற்றல், பூமியை குடைந்து
ஜியோ தெர்மல் அப்படி இப்படி என சமுதாயத்துக்கு எதாவது செய்ய சிலர் மூளையை குழப்பிக்கொண்டிருக்கும் போது இன்னும் சிலருக்கோ கே-மேரேஜும், கோ-கிரீனும் தான் ரொம்ப முக்கியமாய் தெரிகின்றது. போராடி ஓரினக்கல்யாணத்தை சட்டபடியாக்கி பின்னால் என்னத்தை கிழிக்கப்போகின்றார்களோ?.மக்கள் தொகையை கட்டுப்படுத்த இது ஒன்றுதான் வழியா? பள்ளி பள்ளியாய் சிறார்களுக்கு அது ஒன்றும் குற்ற மனப்பான்மை கொள்ள தவறான செய்கை அல்ல. உங்களுக்கு பிடித்திருந்தால் ஆணும் ஆணும், பெண்ணும் பெண்ணும் கல்யாணம் பண்ணிக்கொள்ளலாமென தன்னார்வ தொண்டர்கள் பாடமெடுக்கின்றார்களாம். கேவலம். பள்ளிக்கு பிள்ளைகளை அனுப்புவதற்கு கூட பயமாயிருக்கின்றது.
http://www.youtube.com/watch?v=16Ed1kb8B6U
http://www.youtube.com/watch?v=UKQXd0MpZA8

தொழிற்சாலைகளிலிருந்து வெளிப்படும் கிரீன்கவுஸ் வாயுவை டன்கணக்காக அளவிட்டு அதற்கேற்ப ஏழைபாழைகளை வரி கட்ட விடலாமென கோப்பன்கேஹனில் ஒரு சமுதாய பிரச்சனையை காசாக்க பார்த்திருக்கின்றார்கள். இந்த எக்கனாமியில் இப்படித்தான் காசு பண்ணவேண்டுமா? ஏற்கனவே மேலைநாடுகள் இதுவரை மேலே அனுப்பியிருக்கும் டன்கணக்கான கிரீன்கவுஸ் வாயுவை கணக்கிட்டு அதற்கு யார் காசு கொடுப்பதாம். நல்ல டன் டணக்காவாயிருக்கின்றதேவென வளரும் நாடுகள் கேட்டதில் நியாயம் இருப்பதாகவே படுகின்றது. இந்த கிரீன் சமாச்சாரம் இப்போது எல்லா இடங்களிலும் ஒரு மதமாகவே பாவிக்கப்படுவது கொடுமை. செய்கையில் ஒன்றுமில்லாமல் எங்கே ஏறினாலும் நாங்கள் கிரீன் கட்சியாகும் என சும்மாவாச்சும் உளருவதும் மற்றவங்கெல்லாம் கிரீனாகும் முன்னாலே நாங்கள் கிரீனாகும் என பிதற்றுவதும் சோகம்.

புதுக் கணிணி அல்லது மடிக்கணிணி வந்ததும் அதில் அடிக்கடி தேவைப்படும் அத்தியாவசியமான இலவச மென்பொருள்களை நிறுவுவது ஒரு தனி வேலை. அடோபி பி.டி.எப் ரீடர் முதல் பயர்பாக்ஸ், VLC பிளயர் என பல ஒன்றன் பின் ஒன்றாக நிறுவ வேண்டியிருக்கும். இந்த மென்பொருள்களையெல்லாம் ஒரே பொட்டலமாக்கி தரும் வேலையை http://ninite.com/ செய்கின்றது. இங்கு போய் உங்களுக்கு பிடித்தமான மென்பொருள்களை தேர்வு செய்து ஒரு பொட்டலமாக்கி வைத்துக்கொண்டால் அடுத்த புதுக்கணிணியில் இந்த அபிமான மென்பொருள்களையெல்லாம் ஒரே சொடுக்கில் நிறுவிவிடலாம். அடிக்கடி ஃபார்மேட் செய்பவர்களுக்கும் அல்லது புதுக்கணிணிகளை தினம் தினம் கையாள்பவர்களுக்கும் இம்மென்பொருள் உதவலாம். ஏற்கனவே புதுக்கண்ணியோடு வரும் குப்பை மென்பொருள்களையெல்லாம் ஒரே சுடுக்கில் நீக்க PC Decrapifier எனும் மெனும்பொருளை பற்றி "புதுக் கணிணிகளுடன் வரும் குப்பைகள்" எனும் பதிவில் பேசியது நினைவிருக்கலாம்.

நண்பர்கள் அனைவருக்கும் 2010 புத்தாண்டு வாழ்த்துக்கள்.


ஒரு கடிகாரம் கொண்டோனுக்கு சரியான நேரம் தெரியும்.
இரு கடிகாரம் கொண்டோனுக்கு எப்போதுமே சந்தேகம் தான்.

எங்கே விழுந்தாயென பார்க்காதே, எங்கே வழுக்கினாயென பார்.

பின்கண்ணாடி வழி நடந்ததை பார்ப்பதைவிட, முன்கண்ணாடி வழி முன்னே வருவதை பார்.

நீ சொல்வதை வேண்டுமானால் சந்தேகப்படுவார்கள். ஆனால் நீ செய்வதை மக்கள் நம்பித்தான் ஆகவேண்டும்.

முன்போக்கி செல்லும் போது கனிவாயிரு. ஒருவேளை பின்நோக்கி வரநேரிட்டால் யாராவது உதவுவார்கள்..

ரொம்ப விளக்க வேண்டியதில்லை. நண்பர்களென்றால் நம்புவார்கள். எதிரிகளென்றால் எப்படியும் நம்பப்போகிறதில்லை.

யாருக்காவது குழிதோண்டப் போகிறாயா? இரண்டாகத் தோண்டு. உனக்கும் சேர்த்து.

மகிழ்ச்சியாய் நீ வீணாக்கிய தருணங்களெல்லாம் வீணானவையல்ல.

பயமில்லாமை தைரியமல்ல. பயநேரங்களிலும் சரியாய் செயல்புரிவதே நிஜ தைரியம்.

அப்பன் எத்தனை உயரமாயிருந்தாலென்ன நீ உயர நீ தான் வளரவேண்டும்

எதிர்காலத்தை சரியாக கணிக்க அதை நாமே உருவாக்க வேண்டும்









நாயகி - அன்னை தெரசா வாழ்க்கை வரலாறு தொகுப்பு லாவண்ஜாய் தமிழ் மென்புத்தகம். Mother Tresa Life in Tamil by Lavan Joy Pdf ebook Download. Click and Save.Download


Email PostDownload this post as PDF
Related Posts Plugin for WordPress, Blogger...

சமீபத்திய பின்னூட்டங்கள்