பிடித்து போடு போடு.

முன்பு ஒரு முறை கணிணி ஹேக்கிங் அடிப்படைகளை பற்றி நாம் இந்த வலைத் தளத்தில் எழுதிய போது ஏன் இதையெல்லாம் எழுதி ஜனங்களை கெடுக்கின்றீர்கள் என்கிற ரீதியில் ஒருவர் கோபமாய் பின்னூட்டமிட்டு போயிருந்தார்.களவும் கற்று மற என்பது நம் ஊர் வாக்கு.திருடர்களின் தந்திரங்களை அறியாத போலீசாரால் என்ன பயன். போனால் போகட்டும் மக்களுக்கு பிடிக்கவில்லை ரூட்டை மாத்து என்றானது.

இன்றைக்கு இந்த ஹேக்கிங்குகளின் போக்கே மாறியிருக்கின்றது. திருட்டுத்தனமாய் இல்லாமல் நல்ல முறையில் ஹேக்கிங் செய்பவர்களை ஒயிட் ஹேட்ஸ் (White Hats) என்பார்கள்.இத்தகையோருக்கு இன்றைக்கு மார்க்கெட்டில் நல்ல வரவேற்ப்பு. பேப்பர் பேப்பராக வேலை தேட வேண்டியதில்லை, பயோடேட்டாவெல்லாமல் எழுத வேண்டியதில்லை, பேஸ் டு பேஸ் இண்டர்வியூவெல்லாம் செல்லாமல் கூகிள்,ஆப்பிள் போன்ற பிரதான கம்பெனிகள் வேலை கொடுக்கின்றன ஹேக்கர்களுக்கு. ஆஸ்திரியாவை சேர்ந்த வலைப்பதிவர் பிளோரியன்.புதிதாக வந்துள்ள கூகிள் ப்ளசின் இண்டு இடுக்குகளில் நுழைந்து மோப்பமிட்டு கூகிள் ரகசியமாக டெவலப் செய்து கொண்டிருந்த பல புது கூகிள் பிளசின் வசதிகளை முன்கூட்டியே உலகுக்கு தனது வலைப்பதிவுகள் வழி அறிவித்துவிட கூகிளுக்கு பொத்துக்கொண்டு வந்தது டென்சனும் ஆச்சரியமும். கூகிளுக்கு தெரிந்த ஒரே ஈசி சொலூசன். இத்தனை புத்திசாலியை விட்டு வைக்கக்கூடாதுவென தன் நிறுவனத்தில் அவரை சேர்த்துக்கொண்டது.

இதே மாதிரி இன்னொரு கதை.பத்தொன்பதே வயதான நிக்கோலஸ் என்பவர் ஆப்பிள் ஐபோன்களை ஜெயில் பிரேக் பண்ணுவதில் படு கில்லாடி. www.jailbreakme.com-னு இதற்கென தனியாக ஒரு வலைத்தளமே வைத்திருக்கின்றார். பார்த்தது ஆப்பிள். தொல்லை தாங்க முடியாமல் அவருக்கு அப்பாயிண்ட்மெண்ட் ஆர்டர் அனுப்பி இருக்கின்றது. இப்படி இந்த மாதிரியான கதைகள் தொடர்கின்றது.

என் இனிய தமிழ் மாணவர்களே! ஹேக்கிங்கில் ஆர்வமா,இன்னும் வாய்ப்புகள் இருக்கின்றன. பேஸ்புக் இணையதளம் ”Security Bug Bounty” எனும் திட்டத்தை அறிவித்திருக்கின்றது. அதன் படி பேஸ்புக் வெப்சைட்டின் புரோகிராம் கோடில் நீங்கள் ஏதாவது பாதுகாப்பு குறைபாடுகளை கண்டுபிடித்து அறிவித்தால் $500 முதல் இன்னும் அதிகமான டாலர்கள் வரை சன்மானம் நீங்கள் கொடுக்கும் தகவலை பொறுத்து கொடுப்பதாக அறிவித்திருக்கின்றார்கள்.இதுவரை இந்த மாதிரி பக் ரிப்போர்ட் கொடுத்துள்ளவர்கள் லிஸ்டில் பல இந்திய பெயர்கள் இருக்கும் என நினைத்து ஓடிப்போய் பார்த்தால் இரண்டே இந்திய பெயர்கள் தான் தெரிந்தது.”நம் ஊர் காரர்களுக்கு சம்பளத்துக்கு தான் புரோகிராம் பண்ணத் தெரியும், ஹேக்கிங்குக்கு சீனர்களைத்தான் பிடிக்கனும்” என்று கோபப்பட்டான் கோபால். அதனால் என்ன பேஸ்புக்குக்கு போட்டியாக வந்து சக்கை போடு போடும் கூகிள் பிளஸ் புராஜெக்டின் லீடரே ஒரு இந்தியர் தான் என நாம் பெருமைபட்டுக்கொள்ளலாம். பெயர் Vic Gundotra.

On the Lighter Side

Download this post as PDF

ஊர் வலம்

சிவ்நகர் ஒன்று ஸ்நேப்டீல்.காம் நகராகின்றது
உத்தரபிரதேச கிராமமொன்று தனது பெயரை சிவ்நகரிலிருந்து, ஸ்நாப்டீல்.காம் நகரென பெயர்மாற்றம் செய்திருக்கின்றது. காரணம் snapdeal.com வழங்கிய குடிநீர் தீர்வு தான்.குடிநீர் பிரச்சனையில் கிடந்த இக்கிராமத்தில் குழாய்க்கிணறுகளை தோண்டி அவர்களுக்கு கைப்பம்புகளையும் இலவசமாய் அமைத்துக் கொடுத்திருக்கின்றது இந்நிறுவனம். நன்றிக்கடனாக பஞ்சாயத்து கூடி அவர்கள் தங்கள் ஊருக்கு புதுநாமம் இட்டுவிட்டார்கள்.இங்கு நாம் ஸ்நேப் டீல்.காம் தளத்தின் நிறுவனர் குணால் பாஹலை பாராட்டியே ஆகவேண்டும்.உண்ட கையால் காக்கை கூட விரட்டாதவர்கள் மத்தியில் இவர்களெல்லாம் எவ்வளவோ மேல்.



சம்பந்தமில்லாத இன்னொரு சேதி
இந்தியாவின் இன்றைய தேவை, தன்னிடம் உள்ள செல்வத்தை சமூக நலனுக்காகவும் பயன்படுத்துபவர்களே. இந்தியாவின் பெரும் பணக்காரரான முகேஷ் அம்பானி பல கோடி மதிப்புள்ள 27 அடுக்கு மாளிகையில் வசிக்கிறார். இது மிகப்பெரிய தவறு. மற்றவர்களுக்கு முன்னோடியாக இருக்க வேண்டிய இவர், செல்வத்தை இப்படி வீணாக்கலாமா?" என்று கடுமையாக விமர்சித்துள்ளார் பிரபல தொழிலதிபர் ரத்தன் டாடா. பல் இருக்குது பக்கோடா சாப்பிடுறான் உங்களுக்கென்ன என்கின்றீர்களா?

அம்மா தயவில்
இலவச லேப்டாப்புகள் தமிழகமெங்கும் பள்ளிகளில் வரப்போகின்றது.இது எந்த மாதிரி புரட்சியை உண்டுபண்ணபோகுதோ தெரியவில்லை முந்தைய இலவச டிவி போலல்ல இது.குத்துக்கல்லாட்டம் ஒரு மூலையில் வைத்துக்கொள்ள. இதனால் இண்டர்நெட் இணைய தேவைகள் அதிகமாகும்,ஆக்சசரீஸ்கள் நிறைய போகும்,டிஜிட்டல் காமரா,ஐபாட் போன்ற கணிணி சார் எலக்ட்ரானிக்ஸ் பொருட்கள் சக்கை போடு போடும், இணையத்தின் நன்மை தீமைகள் இன்னும் வேகமாக தமிழகமெங்கும் பரவும், சைபர் கிரைம்ஸ் விர்ரென எகிறும். எகிப்தில் ஒருவர் தன் குழந்தைக்கு ”பேஸ்புக் ஜமால் இப்ராகிம்” என பெயர் வைத்தாராம். இந்த மாதிரியான தீவிர ரசிகர்கள் நம்மூரிலும்தோன்றுவார்கள்.

இனிப்பான கிரேசியிலும் கிரேசி செய்தி:
ஆங்கிலத்திலிருந்து தமிழுக்கும், தமிழிலிருந்து ஆங்கிலத்திற்கும் மொழிபெயர்க்கும் கூகிளின் அமேசிங் சேவை துவங்கியிருக்கின்றது.கொஞ்சம் தத்தக்கு பித்தக்குவாக இருந்தாலும் அற்புதமான ஆரம்பம்.மிக முக்கியமான மைல் கல்லை இணையத்தமிழ் எட்டியிருக்கின்றது எனச் சொல்லலாம். நன்றி via ஜிஎஸ்ஆர்
http://translate.google.com/


கேள்வி: வெளிநாட்டு வேலை தரும் நிறுவனம் சரியானதா என கண்டுபிடிக்க மத்திய அரசின் இணையதளம் ஒன்று உள்ளதாமே? அது உண்மையா?
பதில்: உண்மைதான்.கீழ்கண்ட சுட்டியில் Recruiting agent-ன் நிலையை தெரிந்துகொள்ளலாம்
http://www.poeonline.gov.in/

Download this post as PDF

எல்லாமே அறிந்தவன்

இது நாள் வரை இணையத்தில் எதையாவது தேட கூகிளை மட்டுமே பயன்படுத்திக் கொண்டிருந்த கோபால் இப்போதெல்லாம் பிங்குக்கும், யாகூக்குமாக தாவிக் கொண்டிருக்கின்றான். இரண்டிலும் சிக்காத பட்சத்தில் மட்டுமே கடைசி முயற்சியாக கூகுளுக்கு செல்வதாக கேள்விப் பட்டேன். அதற்கு அவன் சொல்கின்ற காரணம் சமீபத்தில் கூகிளின் CEO Eric Schmidt பேட்டி ஒன்றில் பார்வையாளர்களைப் பார்த்து சொன்ன ஒரு கூற்று "We Know Where You Are. We Know Where You've Been. We Can More Or Less Know What You're Thinking About."

அந்தாள் சொல்வதிலும் உண்மை இல்லாமல் இல்லை.ஜிமெயிலிலோ அல்லது ஐகூகிளிலோ நீங்கள் லாகின் செய்ததும் ஐபி விலாசம் வைத்து கூகிளுக்கு நீங்கள் எங்கே இருக்கின்றீர்கள் என்ற தகவல் தெரிந்து விடுகின்றது. உங்கள் ஜிமெயில் மற்றும் Gtalk தொடர்புகள் வழி உங்கள் நண்பர்கள் யார், யாரிடம் அடிக்கடி தொடர்புகொள்கின்றீர்கள் என்ன விசயமாக போன்ற விசயங்கள் கூகிளுக்கு தெரிந்து விடும். தேடல்களில் நீங்கள் டைப்பும் கீ வார்த்தைகள் மூலம் உங்கள் ஆர்வங்களும் கூகிளுக்கு தெரிந்து விடுகின்றது.கூகிள் மேப் பயன் படுத்தி போக வர டைரக்சன்கள் நாம் கேட்கும் போது உங்கள் இருப்பிடமும், எங்கே செல்ல விழைகின்றோம் என்ற தகவலும் கூகிளுக்கு தெரிந்து விடுகின்றது.பிறரிடம் நாம் கேட்க தயங்குவதைக் கூட கூகிளிடம் வெட்கமில்லாமல் தைரியமாக கேட்கின்றோம். சிக்கன் பிரியாணி செய்து பார்க்கலாமாவென யோசித்து அதை மனைவியிடம் சொல்லுமுன்பே கூகிளிடம் நீங்கள் சொல்லிவிடுகின்றீர்கள்.How to make chicken biryani?.

உண்மையில் கூகிளால் உங்களை பற்றி ஓரளவு ஆருடம் கூட சொல்ல முடியும். உங்கள் குணங்களையும் ஆர்வங்களையும் செயல்பாடுகளையும் பட்டியலிட்டு இவர் இப்படிபட்ட நபராகத்தான் இருக்க முடியும் என ஒரு ரிப்போர்ட்டே கொடுக்க முடியும்.பெண்ணை கட்டிக் கொடுக்கப் போகின்றவர் மாப்பிளையின் குணநலன்கள் செயல்பாடுகள் பற்றி எதிர்காலத்தில் கூகிளிடமே விசாரிக்கலாம். இதை தான் எரிக் சிமிட் அப்படிச் சொன்னார். இதனால் கோபம் பொத்துக்கொண்ட கோபால் கூகிளை விட்டுவிட்டான். இதனால் யாருக்கு நஷ்டமோ தெரியவில்லை.

”டிஸ்பிளே போர்ட்” ஒரு அறிமுகம்:
சில சமயம் நம் கணிணியில் அல்லது மடிக்கணிணியில் இருக்கும் வினோதமான புதியவித போர்ட்டுகள் எதற்காக இருக்கின்றனவென்றே நமக்கு தெரிவதில்லை. அப்படி புதிதாக சமீப காலங்களில் உங்கள் கண்களில் சிக்கும் ஒரு போர்ட்டு தான் ”டிஸ்பிளே போர்ட்”. அது பற்றிய ஒரு சிறிய அறிமுகம் இங்கே.
படத்தில் நீங்கள் காணும் இந்த புதிய வகை ”டிஸ்பிளே போர்ட்டுகள்” சீக்கிரத்தில் VGA,DVI மற்றும் HDMI போர்ட்டுகளை பெவிலியனுக்கு அனுப்பிவிடுமாம்.மிக அதிக ரெசல்யூசன் மானிட்டர்களுக்கு இந்த போர்ட்டு வகைகள் நல்லதாம். HDMI போல இது வீடியோவோடு ஆடியோவையும் கடத்துகின்றது. அது போல ஒரு நடுபெட்டி அமைத்து பல எண்ணிக்கையில் மானிட்டர்களை ஒரு கணிணியில் இணைக்கலாமாம். பல வீடியோ கார்டுகள் தேவைப்படாது. HDMI போல இது பாயிண்ட் டூ பாயிண்ட்டாக வேலை செய்யாமல் பாக்கெட் சுவிட்சிங் முறையில் இது வேலை செய்வது இங்கு குறிப்பிடத் தக்கது. ராயல்டி இல்லாமை, விசேச கண்ட்ரோலர் தேவை இல்லாமை இவ்வகை ஹார்டுவேர்களின் விலையை குறைக்கின்றன. ஆப்பிள் கணிணிகள் இப்போதெல்லாம் அதன் விசேச mini DisplayPort-களுடன் வருகின்றன.
DisplayPort vs HDMI port comparison chart

Caught on Camera
செய்த தவறை ஒத்துக்கொள்ளாமல் மாறாக தவறை சுட்டிக்காட்டிய தொண்டனை கும்மாங்குத்து குத்தும் தலைவனெல்லாம் என்ன தலைவன்?
கேப்டனின் நிஜ சண்டைக் காட்சி.

மேலே ஒளிப்படம் தெரியவில்லையா?
யூடியூப் வீடியோவை பார்க்க இங்கே சொடுக்கவும்
http://www.youtube.com/watch?v=u9TS5xUHIRk
On the Lighter Side

Download this post as PDF

எங்கிருந்தாலும்

ரொம்ப நாளைக்கப்புறமாய் கூகிளிடமிருந்து சத்தமேயில்லாமல் "வாவ்" என சொல்ல வைக்கும் வசதி ஒன்று வெளியிடப் பட்டிருக்கின்றது. வேண்டாம் எனச் சொல்லியும் கேட்காமல் கார் ஷோ பார்க்கப்போகின்றேன் என கடும் பனிப்பொழிவிலும் கிளம்பிச்சென்றான் கோபால். சிக்காகோவிலிருந்து டெட்ராயிட் போக ஐந்து மணி நேரமாகும். பாதிவழியியே அவனிடமிருந்து போன் கால் வந்தது.தெரியாமல் புறப்பட்டு விட்டேன்டா ரோடு எங்கே கிடக்குனே தெரியல்லை பயங்கர ஸ்னோ என்றான். இவன் டெட்ராயிட் போய் சேர்ந்தானா இல்லையா, இப்போதைக்கு எங்கே இருக்கின்றான் என அவன் நகர்வை கண்காணித்துக் கொண்டே இருக்க கூகிள் வசதி செய்திருக்கின்றது. திருமணம் ஒன்றில் கலந்துகொள்ள சென்னையிலிருந்து தஞ்சாவூருக்கு பேருந்தில் புறப்பட்ட நண்பன் இப்போதைக்கு எங்கே இருக்கின்றான் எனவும் டிராக் செய்யலாம். எல்லாம் Google Latitude எனும் வசதிதான்.இந்த வசதியை கூகிள் மேப்பின் மீது வைத்துள்ளார்கள். இந்த வசதி மூலம் ஒரு நபரின் நகர்வை real time-ல் நீங்கள் கண்காணித்துக் கொண்டேயிருக்கலாம். என்ன அவரிடம் ஒரு ஸ்மார்ட்போன் இருக்கவேண்டும்.அது Blackberry-யாகவோ Symbian S60-யாகவோ, அல்லது Windows Mobile-லாகவோ இருக்கலாம். Android மற்றும் iPhone-ல் இன்னும் சில நாட்களில் இவ்வசதி வரஉள்ளது. கூகிளின் cell tower database மற்றும் உங்கள் போனின் cell ID அல்லது GPS location detection வசதி இந்த நுட்பத்திற்காக பயன்படுத்தப்படும். யாருக்கெல்லாம் இம்மாதிரி உங்கள் இருப்பிடத்தை காட்டலாம், யாருக்கெல்லாம் இம்மாதிரி உங்கள் இருப்பிடத்தை காட்டக்கூடாதுவென பிரைவசி வசதியும் உள்ளதாக கூகிளிலிருந்து சொல்லியிருக்கின்றார்கள். பாண்டிச்சேரியில் நீங்கள் பூரித்திருக்க பொய்யாக உங்கள் தற்போதைய இருப்பிடமாக உங்கள் அலுவலகத்தையும் காட்டலாமாம். புல்லரிக்கவைக்கும் வசதி தான். ஆனால் ஏனோ பயமாயும் இருக்கின்றது.

http://www.google.com/latitude

தெய்வம் காட்டுமே தவிர ஊட்டாது. God helps those who help themselves

ரமணிச்சந்திரன் நாவல் "பொன்மானைத்தேடி" இங்கே தமிழில் மென் புத்தகமாக. Ramanichandran Pon Maanai Theadi Novel in Tamil pdf ebook Download.
Right click and Save.Download

Download this post as PDF

சும்மா லைவ்லி

இணையதள புராஜெக்ட்கள் இப்போதெல்லாம் சினிமாப்படம் எடுப்பதுபோலாகிவிட்டது. அமர்க்களமாக வெளியாகும் சில இணையதள சேவைகள் பொசுக்கென போய் விடுவதுண்டு. சேது போல கமுக்கமாக வெளியாகும் சில இணையதளங்கள் சூப்பர் ஹிட்டான கதைகளும் உண்டு. எது ஹிட்டாகும் எது ஃபிளாப்பாகும் என கணிப்பது கஷ்டமாகிக் கொண்டிருக்கிறது. ஷங்கர் போல் ஒவ்வொரு படத்துக்கும் புதுசு புதுசா டைரக்டர்களை கண்டுபிடித்து போட்டால் அந்த வேலை எளிதாகும் போலும்.

பள்ளிகளில் வாரத்துக்கு ஒரு வகுப்பு சும்மா இருப்போம். தோட்டங்களில் கொத்திக்கொண்டோ அல்லது வண்ண நூலிழைகளை நெய்து கொண்டோ அல்லது மரப்பெட்டிகளை தட்டிக் கொண்டோ சும்மா இருப்போம். அது போலவே கூகிளில் பணியாற்றுபவர்களுக்கும் வாரத்துக்கு 20% நேரம் வேலையல்லாமல் சும்மா வேறே எதாவது செய்ய அனுமதி கொடுக்கின்றார்கள். அப்படி கூகிளில் யாரோ ஒரு ஐயா சும்மா இருந்த போது தட்டி தட்டி உருபெற்றது தான் இன்றைக்கு சூப்பர் ஹிட்டாக இருக்கும் ஆர்குட்.

இப்போதும் அது போலவே கூகிளிலிருந்து யாரோ ஒரு அம்மா சும்மா இருந்த நேரத்தில் உருவாக்கிய இன்னொரு புராஜெக்ட்டை கூகிள் வெளியிட்டுள்ளது. அதன் பெயர் லைவ்லி.

http://www.lively.com

நம் வலைப்பக்கத்தில் நாம் நிறுவியுள்ள வண்ணமயமான விர்சுவல் 3D அறையில் நான் அதாவது என் அவதார் இருந்து டிவி பார்த்துக்கொண்டிருக்க (அதில் யூடியூப் வீடியோக்கள் ஓடிக்கொண்டிருக்கும்) நீங்கள்,அதாவது உங்கள் அவதார் ஹாய் சொல்லிக்கொண்டே உள்ளே நுழைய விர்ச்சுவலாய் காஃபி சாப்பிட்டுக்கொண்டே நாம் ஊர் கதை உலகக் கதை சாட் செய்யலாம். அப்படியே ஆர்வமுள்ள நண்பர்களும் அவர்கள் அவதாராய் உள்ளே நுழைந்து நம்முடன் கதைக்கலாம். கத்தலாம். சண்டைபோடலாம். எல்லாமே விர்சுவலாக. பாதுகாப்பாக.இது தான் லைவ்லியின் சாராம்சம். Secondlife.com க்கு போட்டி என்கின்றார்கள்.

இதுபோன்ற சிறுபிள்ளைத்தனமான ஒரு கார்டூன் புராஜெக்ட்டை அறிவுஜீவி கூகிள் அறிமுகப்படுத்துவது பலருக்கும் ஆச்சர்யமே.என்ன நோக்கோடு அது இதை அறிமுகப் படுத்தியிருக்கின்றது என்பது மர்மம் தான். அதில் மறைந்திருக்கும் வியாபார யுத்தி யாருக்குத் தெரியும். விர்ச்சுவல் அறையில் இன்றைக்கு இலவசமாய் கிடைக்கும் டிவி, பர்னிச்சர்கள் மற்றும் என் அவதார் அணிந்திருக்கும் பிராண்டட் ரிபோக் ஷூ எதிர்காலத்தில் இலவசமாய் கிடைக்காமல் போகலாம்.அந்த விர்சுவல் உலகில் உலாவரும் யுவதிகளை கவர பைத்திய உலகம் அவைகளை காசு கொடுத்து வாங்கவும் தயங்காது. அப்படியே அந்த விர்சுவல் உலகின் சுவர்களிலும், என் அவதாரின் டீ சர்ட்டிலும் அட்சென்ஸ் விளம்பரம் இருக்கலாம்.இப்படி காசு உண்டாக்க பல யுத்திகள் நம் கூகிளுக்கு அப்போது உருவரும். இப்போதைக்கு அங்கு கூட்டம் சேர்ப்பதுதான் அதன் பிரதானப் பணி.

லைவ்லியில் நான் பார்த்ததில் விர்சுவல் படுக்கையறை கூட உருவாக்கலாமாம். அப்படியே விர்சுவலாக "அது" செய்யவும் அனுமதி தந்தால் கூட்டம் கூடத்தான் செய்யும் பணம் கொட்டத்தான் செய்யும்.

தகவலுக்கு நன்றி Mohamed IQbal

கொசுறு தகவல்:
செய்திகள் நிறைந்த Google News பக்கம் இப்போது தமிழிலும் அறிமுகப்படுத்தப்பட்டுள்ளது. கீழ்கண்ட சுட்டியை சொடுக்கி பார்க்கவும்.
http://news.google.com/news?ned=ta_in

இரமணிச்சந்திரன் அவர்களின் "நின்னையே ரதி என்று" எனும் புதினம் இங்கே தமிழில் சிறு மென் புத்தகமாக. Ramani Chandran Ninaiye Rathi Endru Tamil Novel pdf ebook Download. Right click and Save.Download

Download this post as PDF

உலகின் முதல் இணையதளம்

செவ்வாய் கிரகத்தில் தெரியாது.ஆனால் பூமியில் டிசம்பர் 1990 கணக்குப்படி ஒரே ஒரு இணையதளம் தான் இருந்தது. அதன் விலாசம் info.cern.ch அதற்கு சொந்தக்காரர் www-வை அதாவது html-ஐ கண்டு பிடித்த Tim Berners-Lee ஆவார். இன்றைக்கு வெப் 2.0 வெப் 3.0 வென போய்கொண்டிருக்கின்றோம். ஆனாலும் அன்றைக்கு அவர் முதன்முதலாய் நெய்த அந்த வலைப்பக்கத்தை இன்றைக்கும் பத்திரமாய் வைத்திருக்கின்றார்கள். நீங்கள் கீழ்கண்ட சுட்டி போய் அதை பார்க்கலாம்.
http://www.w3.org/History/19921103-hypertext/hypertext/WWW/TheProject.html
1990-ல் இவ்வெளிய பக்கத்தை உருவாக்க உங்களுக்குத் தெரிந்திருந்தால் நீங்கள் தான் பூமிப்பந்தை இணைய வலையில் சிக்கவைத்த ஜீனியஸ் சிலந்தியாய் இருந்திருப்பீர்கள்.

இந்த மே மாத கணக்குப்படி இணைய உருண்டையின் மொத்த இணையதளங்களின் எண்ணிக்கை என்ன தெரியுமா? 168,408,112 அபாரமானமான வளர்ச்சிதான். இத்தனை வெப்தளங்கள் உருவாக பல காரணங்கள் சொல்லப்பட்டாலும் ஒரு முக்கிய காரணமாய் அமைந்தது கூகிளின் அட்சென்ஸ் (Google Adsense) என்றால் மிகையாகாது.

தங்கள் இணையதளங்களில் ஓடும் விளம்பரங்களை கிளிக்கினால் மாதம் தோறும் காசோலை வீடு தேடி வரும் என்றதும் மெக்கானிக்கல், சிவில் மாணவன் கூட இணையதளம் தொடக்கினான். பல வெப்வித்தைகளை காட்டி சட்டம் சட்டமாய் விளம்பரங்களைப் போட்டு. இப்படி ஆடை அணிகலன்களோடும் நிர்வாணமாயும் ஆயிரம் ஆயிரம் தளங்கள்.

இத்தனை வெற்றிகரமான கூகிளின் ஆட்சென்ஸ் புராஜெக்ட்டை முன்னின்று நடத்தியவர் ஒரு இந்தியர் என்பது நமக்கெல்லாம் பெருமை. அவர் பெயர் கோகுல் ராஜாராம் (Gokul Rajaram). 2003-ல் கூகிளின் இந்த நுட்பம் வெளிவந்த பின்பு தான் கூகிளுக்கு காசு கொட்டோ கொட்டென கொட்டத் தொடங்கியது.அப்புறம் இணைய காட்டுக்கு இன்றுவரை கூகிள் தான் ராஜா.

ராஜாராம் கான்பூர் IIT யில் B.Tech முடித்து பின் MIT Sloan School of Management-ல் M.B.A-யும் M.S. in Computer Science-ம் முடித்தவர். ராஜாராம் பழைய நினைவுகளை சொலலும்போது “When we started adsense, it was just me and four engineers,” “The night before we launched, Sergey spent five hours with me testing the system and pointing out bugs.” என்கின்றார் மறக்க இயலாத நினைவுகளாக. இணையத்தின் போக்கையே மாற்றிய நாளல்லவா அது. இங்கு அவர் கூறும் "செர்ஜி" கூகிளை நிறுவிய நிறுவனர்களில் ஒருவர் ஆவார்.

ஆனாலும் கோகுல் ராஜாராம் இன்றைக்கு Xoogler ஆகிவிட்டார். அதாவது x-googler. மில்லியன்களை சம்பாதித்து விட்டு இனி தானே தனக்காக உழைக்கப்போவதாக chailabs.com தொடங்கியிருக்கிறார். அதன் விவரங்களெல்லாம் இப்போதைக்கு ரகசியமே. எதாவது வியப்பாய் சீக்கிரமாய் கொண்டு வருவார் என எல்லோரும் எதிர்பார்க்கின்றார்கள்.

இன்றைக்கு Google Adsense-ன் நிலமை அவ்வளவு பிரகாசமாய் இல்லை. மைஸ்பேஸ் சிறுவர்கள் கும்பலை நம்பி மில்லியன்களை கூகிள் செலவழித்து கையை தானே சுட்டுக் கொண்டிருக்கிறது. வருமானமும் கம்மி. கொஞ்ச காலமாய் இன்னோவேசனே இல்லை. இப்படி அநேக கம்ப்ளெயின்ட்கள். பல முக்கிய googler-கள் வேறு xoogler-கள் ஆகிக் கொண்டிருக்கின்றனர். இப்படி தொடர்ச்சியாய் மாற்றங்கள், உலகில் அது மட்டும்தானே மாறாதது.

கந்தசஷ்டிகவசம் தமிழிலும் ஆங்கிலத்திலும் Kanda Shasti Kavasam pdf in Tamil and English ebook Download. Right click and Save.Tamil Download and English Download

Download this post as PDF

சுட்டிகள் பற்றி ஒரு சுட்டி

இந்த காலத்து சுட்டிகளை பார்க்கும் போது இறை நம்பிக்கையே போய்விடும் போலிருக்கின்றது. பொடிசுகளாய் இருந்து கொண்டு அதுகள் பண்ற கூத்துகளை பார்த்து "அட குழந்தைதானே விட்டுத் தள்ளு"னு சொல்ல மனசு வருவதில்லை.ஒரு வயசே ஆன வாண்டு ஒன்று அப்படியே கையை வீசி அடிக்கின்ற அடி குட்டி ரவுடி போலிருக்கும். தனக்கு முக்கியத்துவம் தராமல், தன்னை யாரும் சட்டைபண்ணாதிருந்தால் ஏங்கி ஏங்கி அது அழுகின்றது.நம்மன போராட்டங்களை ஆறுமாத குழந்தையும் புரிந்துகொள்கின்றதே அது எப்படி?.ஆசையாய் அள்ளினாலும் அதற்கு புரிகின்றது, எரிச்சலில் அதட்டினாலும் அதற்கு புரிகின்றது.ஆன்மாக்கள் பேசிக்கொள்கின்றனவோ? அவை நம் மரமண்டைகளுக்கு புரிகின்றதில்லையோ?

ஒன்று மட்டும் புரிகின்றது வயிற்றில் உதைக்கும் போதே அக்குழந்தைக்கும் மனித குணம் வந்துவிடுகின்றது."Out of the box" குழந்தையும் டிப்பிக்கல் மனிதனே. தன்னை பதப்படுத்திப் பின் கடவுளுக்கு இணையாகின்றான்.

குடுமிபிடி சண்டை போட்டுக்கொண்டாலும் வெட்டென மறந்து ஒட்டிக்கொள்கின்ற அந்த அபூர்வப்பண்பு இருக்கின்றதே-அங்கு தான் குழந்தைகள் நிற்கின்றார்கள்.

பிரபலங்கள் பலரும் இப்படி சுட்டியாய் இருக்கும் போது எப்படி இருந்தார்கள் எனப்பார்க்க இங்கே செல்லுங்கள்.
Well known`s Childhood Pictures

மதுரை மீனாட்சி மிசன் மருத்துவமனை நண்பர் நாசர் சொல்லும் போது பிறக்கும் குழந்தைகள் கூட இருதய பிரச்சனையோடு பிறப்பதுண்டு என்கின்றார்.இந்தியாவில் மட்டும் வருடத்திற்கு 3,00,000 குழந்தைகள் இதயக்கோளாறோடு பிறக்கின்றனவாம்.ஆரம்பத்திலியே அதை கண்டறிந்தால் அதை சரியாக்குவதற்கான வசதிகள் இக்காலங்களில் இருக்கின்றனவாம்.அது பற்றிய விழிப்புணர்வையூட்ட அவர் உருவாகிய ஒரு யூடியூப் வீடியோ படம் இங்கே.
http://www.youtube.com/user/meenakshimission
உங்கள் முயற்சிகள் வெற்றிபெற வாழ்த்துக்கள் நாசர்!!

தாகூரின் வரிகள் நினைவுக்கு வருகின்றது."ஒவ்வொரு குழந்தையும் இறைவனிடமிருந்து ஒரு செய்தியைக் கொண்டு வருகிறது.மனிதனைக் கண்டு கடவுள் இன்னும் வெறுப்படையவில்லை அதைரியப்படவில்லை என்பதே"

இனிப்பான ஒரு செய்தி. கூகிள் நிறுவனம் தமிழில் ஜிமெயிலை அறிமுகப்படுத்தி இருக்கின்றார்கள். அதாவது இப்போது உங்கள் ஜிமெயில் கணக்கை முழுக்க முழுக்க தமிழ் மயமாக்கலாம்.அஞ்சல் எழுது (Compose mail),ஆவணங்கள் (Documents),நட்சத்திரமிட்டது (Starred),அனுப்பிய அஞ்சல் (Sent mail),குப்பை (Trash) இப்படி எல்லாமே தமிழ் மயமாகியிருந்தாலும் சில ஆங்கில வார்த்தைகள் மட்டும் அப்படியே தமிழில் மொழிமாற்றம் செய்யப்படாமல் தமிங்கிலீஷில் வழங்கப்படுகின்றன. உதாரணம் இன்பாக்ஸ், ஸ்பேம், லேபிள்கள். இவற்றிற்கான சரியான தமிழ் வார்த்தைகள் அவர்களுக்கு கிட்டவில்லை போலும். உங்களுக்குத் தெரிந்தால் கூகிளுக்கு தெரிவியுங்கள். :)

இதுவரையாவது வந்ததற்கு கூகிளை பாராட்டலாம். உங்கள் ஜிமெயிலில் Settings போய் அங்கு Gmail display language-ல் Tamil-ஐ தெரிவு செய்தால் படத்தில் நீங்கள் பார்ப்பது போல் உங்கள் ஜிமெயில்திரை முழுக்க முழுக்க தமிழ் மயமாகும்.

இதற்கு முன்பு ஒரு முறை மைக்ரோசாப்டின் Download Center சென்றபோது அது "தகவலிறக்க மையமாக" தமிழிலும் இருப்பதை காண நேரிட்டது
மனசுக்கு குளிர்ச்சியாய் இருந்தது.

படிக்கின்ற காலத்தில் குட்டிக்குட்டித் தாள்களில் குறிப்பெடுத்து படித்த நியாபகம் இருக்கலாம், மொத்தப் பாடத்தையும் ஒரு துண்டுக்காகிதத்தில் அழகாய் எழுதிவந்து மின்னணுவியல் வாத்தியார் ராஜன் பாடமெடுப்பார். அதுவே தூண்டுதலாகி இன்றுவரையும் எதாவது படிக்க உட்கார்ந்தால் Cramsession அல்லது Quick reference card அல்லது Cheet Sheet-னு தேடிக்கொண்டிருக்கின்றேன். இல்லையெனில் படித்து முடித்திருக்கும் போது நானே ஒரு Cheet Sheet உருவாக்கியிருப்பேன்.பல்வேறு தகவல்தொழில் நுட்பங்களின் ஒன்று அல்லது இரண்டு பக்க Quick reference card pdf -கள் இங்கே உங்களுக்காக சேமித்திருக்கிறேன். உங்கள் சம்பந்தப்பட்டதை அப்படியே அச்செடுத்து கியூபில் மாட்டிவைத்துக்கொள்ளுங்கள்.

Hello world in 66 programming languages.pdf
C Reference Card (ANSI).pdf
Core C# and .NET Quick Reference.pdf
VB.NET Quick Reference.pdf
ASP dot NET 2 0 Page life cycle.png
Cheat ASPdotNET Basics.pdf
Basic Java Cheat Sheet.pdf
Java J2SE “Regular Expressions” Cheat Sheet.pdf
Java ReferenceSheet.pdf
JAVA Quick Reference.pdf
Java Cheat Sheet.pdf
Java Script Quick Reference Card.pdf
JSP Quick Reference Card.pdf

PHP 4 Reference Card.pdf
Coldfusion Reference Sheet.pdf
Python Quick Reference.pdf
Perl Quick Reference Card.pdf
Perl Regular Expression QuickReference.pdf
Perl Testing Reference Card.pdf
Ruby Language QuickRef.pdf

Microsoft SQL Server Cheat Sheet.pdf
Oracle Server Architecture.pdf
MySQL Cheat Sheet.pdf
My SQL Reference Sheet.pdf

Computer Shortcuts Quick Reference Guide.pdf
Windows XP Keyboard Shortcuts.pdf
Powerpoint quick reference.pdf
Google Cheat Sheet.pdf
Firefox Cheat Sheet.pdf
Office 2000 Word Cheat Sheet.pdf
Microsoft Excel Card.pdf
Photoshop Quick Reference Card.pdf
Flash Quick Reference Card.pdf

HTML XHTML Quick Reference.pdf
CSS Quick Reference.pdf
UML Quick Reference Card.pdf
XML Syntax Quick Reference.pdf
RSS Cheat Sheet.pdf
The Web Developer’s SEO Cheat Sheet.pdf

Unix Linux Command Reference.pdf
Unix Linux Reference Card.pdf
The One Page Linux Manual.pdf
LINUX Administrator’s Quick Reference Card.pdf
Linux Security Quick Reference Guide.pdf
Vi Reference Card.pdf
VIM Quick Reference Card.pdf
Apache Quick Reference Card.pdf
OpenSSH Quick Reference.pdf

OSI Layers and Protocols.pdf

Important Windows Files Folders and Tools.pdf

Vmware ESX VI3 Ref Card.pdf

Download Link

"முயல் ராஜா" சிறுவர்களுக்கான அனிமேசன் வீடியோ கதை தமிழில். Muyal Raja animated video story for kids in Tamil Download. Right click and Save.Download

Download this post as PDF

கூகிள் மாயங்கள்

கூகிள் சம்பந்தமாக பதிவு போட்டு ரொம்ப நாளாயிற்று. முன்பெல்லாம் கூகிளின் வலைப்பதிவோவென சந்தேகப்படும் அளவுக்கு அடுக்கடுக்காய் கூகிள் பற்றி எழுதியிருக்கின்றேன் ..ம்.ம்..அதெல்லாம் அந்தக்காலம். சமீபத்தில் நான் அறிய வந்த சில கூகிள் மாயங்களை மட்டும் இங்கு பார்க்கலாம்.

"குருவி" பார்க்கலாம்னு இருக்கீங்களா? சென்னையில் எங்கெங்கு அது ஓடுதுனு தெரியுமோ? தெரியாதுனு வைச்சுக்கங்க. அதை தெரிஞ்சுக்க கீழ் கண்ட சுட்டியை கிள்ளுங்கள்.பின் Chennai,Madurai அல்லது Salem-னு டைப்புங்கள். ஓடும் திரைப்படங்கள், திரை அரங்குகள், ஓடும் நேரம் எல்லாம் அழகாய் கூகிள் காட்டுகின்றான்.
http://www.google.co.in/movies

கூகிள் கூட செல்போன்களுக்கு குறுஞ்செய்தி இலவசமாய் அனுப்ப வசதி செய்து கொடுத்திருக்கின்றான் தெரியுமோ? கீழ் கண்ட சுட்டியை கிள்ளிப்பாருங்கள்.
http://toolbar.google.com/send/sms/index.php

எனது ஜிமெயில் ஐடி PKPblog@gmail.com எனவைத்துக்கொள்வோம். நீங்கள் ஒருவேளை PKP.blog@gmail.com -க்கோ அல்லது P.K.P.blog@gmail.com-க்கோ அல்லது p.k.p.b.l.o.g@gmail.com- க்கோ மின்னஞ்சல் அனுப்பினால் அது தவறாமல் எனக்கு தான் வந்து சேரும். ஏனென்றால் ஜிமெயில் புள்ளிகளை பெரிதாய் கண்டுகொள்வதில்லை. நெசமாதான். வேணும்னா முயன்று பாருங்கள்.

எனது ஜிமெயில் ஐடி PKPblog@gmail.com எனவைத்துக் கொள்வோம். நீங்கள் ஒருவேளை PKPblog+tamil@gmail.com-க்கோ அல்லது pkpblog+blogspot@gmail.com-க்கோ மின்னஞ்சல் அனுப்பினாலும் அது தவறாமல் என்னைத் தான் வந்து சேரும். ஏனென்றால் ஜிமெயில்கார் +அடையாளத்துக்கு அப்புறமாய் என்ன வந்தாலும் கண்டுக்கமாட்டார். நெசமாத்தான்.

கீழ்கண்ட கூகிளின் சுட்டி தான் என்னை மிகவும் ஆச்சரியப் படவைத்தது.இந்த சுட்டியில் போய் ஆங்கிலத்தில் சும்மானாலும் vadu-ன்னு டைப்பினால் கூகிள் உடனே தமிழில் என்ன வடுவூர்குமாரையா தேடுறனு ஆலோசனை கேக்கின்றான்.(மேலேபடம்) tamilne-ன்னு டைப்பினால் கூகிள் உடனே தமிழில் என்ன தமிழ்நெஞ்சத்தையா தேடுறனு ஆலோசனை கேக்கின்றான். நீங்களும் டைப்பி பாருங்களேன்.கலக்கறான்பா கூகிள்.ஆச்சர்யமாக்கீது.
http://www.google.co.in/intl/ta/

1927 தந்தைப்பெரியார் அவர்களின் சொற்பொழிவு இங்கே தமிழில் சிறு மென் புத்தகமாக. Thanthai Periyaar speech as a Tamil pdf ebook Download. Right click and Save.Download

Download this post as PDF

கூகிள் எர்த் சேட்டலைட்கள்

கூகிள் எர்த் பற்றிய அறிமுகம் நம்மில் பலருக்கும் தேவைப்படாது. அது அவ்வளவாய் பிரபலம். ஆனால் கூகிள் எர்த் படங்களை விண்வெளியிலிருந்து சுட்டுத்தள்ளும் சேட்டலைட்கள் பற்றி கேள்விபட்டிருக்கின்றீர்களா?. அந்த சேட்டலைட்டின் பெயர் QuickBird (படத்தில் காண்பது). இவர் தான் மூத்த அண்ணா. இவர் விண்ணில் ஏவப்பட்ட நாள் முதல் (October 18, 2001) பூமியின் மூலை முடுக்குகளையெல்லாம் வானிலிருந்து படம் எடுத்து பிடித்து பூமிக்கு அனுப்பி வைக்கின்றார். அவற்றை தாம் நாம் கூகிள் எர்த்தில் அல்லது கூகிள் மேப் சேட்டலைட் வியூவில் பார்க்கின்றோம். இந்த சேட்டலைட் பூமிக்கு மேல் 450கிமீ தொலைவில் பூமியை சுற்றியவாறு உள்ளதாம். உண்மையில் இந்த சேட்டலைட் கூகுள் நிறுவனத்துக்கு சொந்தமானதல்ல. இது DigitalGlobe எனும் American remote sensing நிறுவனத்தினுடையது.

QuickBird-ன் தம்பி சேட்டலைட்டான WorldView I சமீபத்தில் தான் (September 18, 2007) விண்ணில் ஏவப்பட்டது. இப்போது இவரும் கலக்கலாய் தெளிவாய் லேட்டஸ்ட் டெக்னாலஜியோடு படங்களை சுட்டு வானிலிருந்து பூமிக்கு அனுப்பிக் கொண்டிருக்கின்றார். QuickBird-ஐ விட தெளிவான படங்களாய் இவை இருக்கின்றன. விரைவில் இப்படங்கள் கூகிள் எர்த்தில் இடம்பிடிக்க தொடங்கிவிடும்.

WorldView I-னால் தினமும் 750,000 சதுரகிலோமீட்டர்களை படம்பிடிக்க இயலுமாம்.மேலும் அப்படங்களில் பூமியின் அரைமீட்டரே அளவான பொருள்களையும் காண இயலுமாம்.
WorldView I சேட்டலைட் பூமிக்கு அனுப்பிய சில சாம்பிள் படங்களை இங்கே காணலாம்.
http://www.digitalglobe.com/worldview-1_images.html

அடுத்ததாய் 2008-ல் Worldview II ஏவவிருக்கின்றார்கள். அது என்னமாயமெல்லாம் செய்யப்போகின்றதோ?.

இப்போதைக்கு DigitalGlobe-ன் ஒரே காம்பெடீட்டர் GeoEye Inc.இவர்கள் பணியும் விண் ஒடம் வழி படம் எடுத்து கொடுப்பதே.

கூகிள் எர்த்தை ரியல்டைமில் பார்க்க ஆசையா?.கொஞ்ச நாள் காத்திருக்க வேண்டும்.

கிறித்தவர்களின் புனித நூலான வேதாகமத்தின் இரண்டாம் பகுதி "புதிய ஏற்பாடு" தமிழில் மென்புத்தகம் Christians Holy book Bible "New Testment" Tamil ebook Download. Right click and Save.http://static.scribd.com/docs/jvn4rhnx6u0zc.pdf

Download this post as PDF

கூகிள் எர்த்துக்கு சவால் விடும் இந்தியா

இந்திய சந்து பொந்துகளையும் அதிலிருக்கும் கடைகள், ஓட்டல்கள், பார்க்குகளையும் மேப்பாய் போடுவதொன்றும் கூகிளுக்கு எளிதாய் அமைந்திருக்கவில்லை. மேற்கத்திய நாடுகள் போல கட்டம் கட்டமாய் சட்டம் சட்டமாய் அமைந்தனவல்ல நம்மூர் தெருக்கள். மட்டுமின்றி மொத்த மேப்பையும் தாங்களே வரைய வேண்டியிருந்தது. அது போக இன்றைய சூழலில் இருக்கும் கோடிக்கணக்கான தெருக்கு தெரு விவரங்களை தங்கள் வரைபடத்தில் கொண்டு வர Geospatial crowdsourcing , அதாவது பொது மக்களிடமிருந்து உள்ளீடு பெறவேண்டியிருக்கின்றதாம். உங்கள் தெரு விவரங்கள், முனையிலுள்ள கசாப்பு கடை, வீட்டெதிரிலுள்ள சலூன் இவற்றையெல்லாம் அவர்கள் டேட்டாபேசில் நீங்களே உள்ளீடு செய்யலாமாம். இது போல் உள்ளூர்வாசிகள் உள்ளிடும் தகவல்கள் அதிகரிக்க அதிகரிக்க அது முழுமுதல் பக்கா மேப்பாக உருவாகிவிடும். அதுதான் அவர்களின் லட்சியம். (படத்தில் ஐதராபாத்தின் கலர்புல்லுக்கு இதுவே காரணம்).

சில நாடுகளில் Tele Atlas மற்றும் NAVTEQ போன்ற நிறுவனங்கள் ஆயிரக்கணக்கான பணியாளர்களை அமர்த்தி சந்து சந்தாய் போய் traffic signs, one-way streets, points of interest களை திரட்டி வர அனுப்புகின்றார்கள். இப்படி மனித வள வழி இந்த டேட்டாபேஸ்களை சிலர் நிரப்பிவர ஜப்பானியர் கொஞ்சம் முந்திப் போய் கொண்டிருக்கின்றார்கள். ஜாப்பானில் காண்டா சிவிக் 2006 (Honda Civic) காரில் நீங்கள் செல்லும் போது டிராபிக்கில் மாட்டிகொண்டால் அது மைய செர்வர் ஒன்றுக்கு தானாய் தகவல் அனுப்பி விடுமாம். அத்தகவல் அனைவருக்கும் கார் டேஷ் போர்டு (Dash Borad) வழி போய் சேர்ந்துவிடும். எங்கே போய்க்கொண்டிருக்கின்றோம்?

Related Post.
சென்னைத் தெருப் பெயர்கள் இப்போது கூகிள் மேப்பில்

Download this post as PDF

மைக்ரோசாப்டின் மரணம்

மைக்ரோசாப்ட் எனும் மாபெரும் சாம்ராஜ்யம் கொஞ்சம் கொஞ்சமாய் மரணித்து கொண்டிருக்கின்றது என்கிறார் Paul Graham எனும் டெக் எழுத்தாளர்.
இதற்கு இவர் சொல்லும் காரணங்கள் நான்கு.
1.கூகிள்
2.ஏஜாக்ஸ்
3.அகலப்பட்டை இணைய இணைப்புகள்
4.ஆப்பிள்

கொக்ககோலா போன்ற மகா பிராண்டுகளையெல்லாம் தள்ளிவிட்டு இன்று உலகின் நம்பர் ஒன் பிராண்டாகியிருக்கின்றது கூகிள்.brandz.com சர்வே படி கூகிள் பிராண்ட் உலகில் முதலிடமும்,GE பிராண்ட் இரண்டாம் இடமும், மைக்ரோசாப்ட் பிராண்ட் மூன்றாம் இடமும் வருகின்றது.இன்றைய நிலைப்படி Information is power.அதை தன்னகத்தே கொண்டுள்ள கூகிளார் தான் இன்று முன்னுக்கு நிற்கின்றார்.

ஏஜாக்ஸ் போன்ற தொழில் நுட்பத்தால் இணையம் வழியே பெரும்பாலான கணிணித்தன வேலைகளை செய்யும் வசதி மெதுவாக உருவாகி வருகின்றதால் (உதாரணமாய் ஆன்லைனிலேயே ஆபீஸ்,போட்டோஷாப் பயன்பாடுகள்) இனி டெஸ்க்டாப் அப்ளிகேசன்களுக்கு முடிவுகாலமாம்.Simply desktop applications would be replaced by web applications. இதிலும் கூகிள் முந்திக்கொண்டு Docs and Spreadsheets முதலானவை ஆன்லைனிலேயே தருகின்றார்கள்.ஆகிலும் ரொம்ப தூரம் போக வேண்டியுள்ளது.

இதற்கெல்லாம் வசதியாய் அகலப்பட்டை இணைய இணைப்புகளும் பெருகி வருகின்றன.

ஆப்பிளும் முன்னெப்போதும் இல்லாதது போல் எதிரியின் எதிரி நண்பன் கணக்கில் முன்னுக்கேற கடும் போராட்டத்திலிருக்கிறார்கள்.

ஆக மைக்ரோசாப்ட்டுக்கு கஷ்டகாலம்.சொல்லும்படியாய் Windows,Office தவிர வேறு பிற பெரிதாய் தெரியவில்லை.அவைதான் இப்போதைக்கு bread and butter. அந்த காலத்தில் விலைகொடுத்து வாங்கிய Frontpage முதல் சமீபத்தில் விலைகொடுத்து வாங்கிய Softricity,Connectix PC,GreatPlains CRM போன்றவற்றை அழிக்கிறார்களே தவிர உருவாக்குவதாய் தெரியவில்லை.Redmond அயர்ந்த நித்திரையில்.

மீண்டெழ வாய்ப்புண்டாவெனில் இருக்கிறதாம்.Redmond-ஐ துண்டித்து விட்டு புது வெப்நுட்பங்களை வாங்கினால்/படைத்தால் பிழைக்கலாமாம்.

இதெல்லாம் பற்றி கவலையே இல்லாமல் $25மில்லியன் டிக்கெட்டில் பில்கேட்ஸ் விண்வெளிக்கு சுற்றுலா போகவிருக்கிறார் என்று ஒரு செய்தி சுற்றி வருகின்றது.

Download this post as PDF

கூகிள்பிளெக்ஸ்

கூகிள்பிளெக்ஸ் (Googleplex) என்பது கலிபோர்னியாவிலுள்ள கூகிள் நிறுவனத்தின் தலைமைஇடத்தின் பெயர்.இங்கே அங்கிருந்து சில படங்கள்.

Download this post as PDF

கூகிள் சைனா

என்னமோ இது வர வர கூகிளின் தமிழ் blog போல ஆகிவிட்டது. :)
Google China Office Pictures

Download this post as PDF